السلام عليكم ورحمة الله وبركاته

اخواني انا ارغب في فتح محل صالون حلاقه رجالي

بس ابي منكم خدمه الا وهي دراسة الجدوى انا ابغى احط فيه 3 كراسي فقط

ابغاكم توضحون لي التراخيص التكاليف الديكور التاشيرات وراس المال وكل شيء يخص هذا المشروع

واسف حتعبكم معي

وشكرا لكم جميعا

اذا حلاق ابو هنود مارح يكلفك من 42 الف الى 47 الف
واذا حلاق جيد بيكون بحدود 60 الف ال 90 الف
وهناك محلات تجهز لك الاثاث اقصد القطع
اذكر رحت لمحل بسلمان الفارسي وشفت كراسي وادوات كلفتني 7 الاف وشوي
بس كرسيين مش ثلاثه لكن ماقدرت اوفر المبلغ ونقص علي وسحبت الفكره
الديكور من 10 الاف الى 15 الف
المهم بيكلفك 60 الف تقريبا بما انه 3 كراسي لكن على حسب ايجار المحل
هو اللي يرفع السعر او ينزله والمهم يكون بشارع نشيط وعام مو داخل حواري او شارع ميت

التراخيص سهله
لوحه المحل على حسب المتر
فالمتر على ماذكر مئة ريال + سلامه 30 ريال وبس !!!

مشكورين على مروركم اخواني انا بدرس الفكره وان شاء الله ببداء بعد العيد باذن الله

الله يرزقك ويوفقك ويكتب لك الخير فيما تختار اخوي نادر

انا صراحه فكرت بنفس فكرتك وعاجبتني وفيها خير ونصحني صديق لي بمحل حلاقه ولكن لجهلي بتكاليفه ومستلزماته قاعد اجمع منا ومناك الافكار واحتياجات المحل والله يرزقنا

خلاص انت صديقي هههههههههههه نتساعد ونتعاون لحد مانفتح محلات

بس اهم شي الموقع وانا اخوك يكون واضح ووسيع شوي لو حتى فتحه حسب العمال إذا هم جيدين وشاطرين بإذن الله يدخل خير,,

عندك العماله الى بعد الله كويسه للحلاقه بالأول الأتراك ثم الهنود هذا من وجهة نظري

ونصيحه لاتجيب مصاريه او بنقاليه راح يدمرونك ويبهذلونك واي خدمة او مشوره لايردك السانك

نصيحة قبل الاتخسر ادرس الموضوع من الناحية الدينية
وخاصة موضوع الحلال والحرام
مثل حلق اللحية والقزع والقصات .....
انا ناصح لاني فتحت مشروع وكنت شاك فيه وماتهنيت كل ما جا ربح جا معه الشك في حرمة المال وفي الاخير طلعت منه وافتكيت من المال الحرام الى الابد ان شاء الله

انا كنت بقول نفس كلام الأخ المردف

ادرس المشروع من الناحية الدينية

وشلون الحلاق حرام وش هالتخلف


اصلا تخفيف الشوارب من السنة

وبعدين كيف الواحد يحلق شعر راسة ولاتبونة يكدش هههههههههههههههههههههههه

كثير 45 ألف على محل هنود

ما يكلفك كثير

< ~ عن تجربه ما أنصحك في الحلاقين صح مو حرام بس شبهه
بالتوفيق

الحلاق ومحلات الشيشة وفيه كثير حرموها لكن لأسف وزارة الزكاة تاخذ عليها زكاة سنوية