طيب يالغالي . ممكن سؤال ؟

كيف هالشغله مربحه انا افكر فيها ؟. وانا بالرياض كيف بيكون شغلها

لو ممكن تفيدني ؟ وش الاشياء الي اكون حريص وابتعد عنها عشان مايخسر .. وشهي الاشياء الي اهتم فيها وبتنفعني .. !!


اما عن كلامك ,, ماعندي فتوى ,, بس كلم الافتى ,

وانت تشتري البطاقات من مندوبين بطاقات السوا ولا من مكاتب بنفس الشغله

الصراحه انا انصحك تتعامل مع المندوبين , تشتري منهم وترسل الزبون لهم يتفاوضون معه ويشترون من عنده البطاقات ,

وتبعد عن الشبهات ,, المندوبين يشترون عادي الي يوزعون البطاقات على المحلات ,,


وهذا رقم الافتى المجاني كلمه واشرح لهم كل شي وان شاء الله مايردونك

موفق بإذن الله ... لك مني أجمل تحية .

الله يرزقك اخوي

انا اشتغلتها اخوي سلطان الله يرزقني ويرزقك وجميع المسلمين فيها خير بس يبيلك حرص وفطنه من الزبائن النصابه بالذات في حاله انك بتقسط ولا فيه شي حلو انك تكون تعرف لك اصحاب مكاتب تقسيط ولك معارف معهم وإذا جاهم زبائن متقسطين يبون سيوله تشتري منهم بإقل من سعر الجمله وتبيع لزبون ثاني وتذكرها عند صاحب المكتب وعند مكاتب ثانيه ان عندك فرضاً سيوله 5 او 10 وتراها طيبه بس الطمع والجشع انتبه منه والله يرزقك

اهم شي ابعد انك تبيع لزبونك المتقسط وتشتري منه لنفسك هذا اتوقع مايجوز فيه شبهه

[align=center]
لرفع

.......
[/align]

اللي رأس ماله 300000 كم بيكون تقريبا صافي الارباح في الشهر؟؟؟؟

اخوي مساك الله بالخير


الشغلة فيها شبهه

يعني البضاعة زي ماهي انت تبيع والبون يشتري ثم الزبون يقوم يبيع على زبون هو في الاصل متعامل معك ثم انت تالي تعود تشتري منه يعني هي نفس البضاعة تروح وتعود لك يعني لو اذا جاك الزبون سالتة وش الغرض من شراءه للبطاقات فاذا اجابك متاجره ساعتها انت ما يلحقك شي لانك شريت وبتبيع اما اذا قالك والله مزنوق وابي دراهم فالافضل لك يا الغالي ان تبيع له البطاقات بدون ما تتدخل في بيعها من قبله وكذا تكون المتاجره

سالفتكم هذي زي سالفتة شريطية المعارض يبيعك السيارة وهي واقفة بالمعرض ويشترط عليك ما تبيعها في غير معرضة وهو يجيب لك الزبون وبعد ما تبيع يتبن لك ان الزبون شريك بالمعرض والسيارة هذي انباعت اكثر من 20 مره وهي واقفة محلها


اخوي نصيحتي لك خلك فب النور وابعد عن الشبهات


وانا لا اعلم الحكم في مثل ها الموضوع ومثل ها التجارة لاكن الشبهه واضحة

والله يكتب لكم الرزق الحلال

اخوي إن شاء الله لاشبه ولا شي بارك الله فيك إذا انت واضح وتعاملك سليم حسب الشريعة

انا اشتغلها ولله الحمد والله يرزقنا ويرزق المسلمين طريقتي كيف..!

اكون شاري البضاعة حسب ,, احياناً بقيمة 5 الآف واحياناً بقيمة 10 الآف ثم تكون موجوده عندي واكلم صاحب المكتب اقول ترى عندي بضاعة للتقسيط إذا جاك زبائن ممتازين وكويسين تراني موجود او بطريقتي انا وممكن انا احصل زبون من خارج المكتب طبعاً جاء الزبون احضر انا يالمستثمر والمتقسط خلاص قسطته وتكاتبنا انتهيت انا من ناحيتي ولا لي علاقه في زبوني يروح يبيعها على اي شخص او مكتب او اي مستثمر ثاني بكذا بريت ذمتي ولله الحمد ولا شبهه ولا شي..

انا مره كنت مقسط زبون بضاعة بقيمة 10 الآف وكانت زوجتي طلبتني قبلها تقول دور لي بضاعة بشتريها لي تبغى تستثمر لنفسها قلت اوكيه زبوني اللى بعته واخذ بضاعته سألني قلت دور شرايه وإذا ماحصلت او ودك تبيع فيه شخص موصيني من قرايبي يبيها بالسعر الفلاني قال خلاص طبعاً فلوسها معاي على جنب ولله الحمد مالي فيها ولا ريال شريتها لها وقسطتها لزبون ثاني وتعود المنفعه لها هي وحدها وبكذا مافيها شي ولله الحمد