المشاركة الأصلية كتبت بواسطة اناالسعودي

اخوي العيون

تحية طيبة وبعد

نسال الله لك التوفيق والرزق الحلال

مشروعك مربح باذن الله

واهم شي اذا تبي تمشي امورك به المشروع

ان يكون عندك فني دهانات يعني معلم وخه يسوي لك كم برواز ديكور داخل المحل

وخل الديكورات مواكبه لكل جديد

يعني ( استوك - برازيلي - رخام - تعتيق قزاز - تعتيك عادي .......... الخ

الشي الثاني عشان تمشي البضاعة الي عندك

دور كل معلمين الدهانات الي حولك وخذ ارقام تلفوناتهم واتفق معهم ان اي دهان يجيب له زباين تعطيه على كل سطل بويه مثلا 3 الى 5 ريال او تعطيه ادوات دهانات مجانا اذا جاب لك اكثر من زبون يعني هو يجيب لك الزباين وانت تعطيه الرولة وفرش البوية وشطرطون بلاش وكذلك تتفق معه انك اذا جبت له مقاولة شغل ان ياخذ جميع اغراض البوية والبوية من عندك وكذا تمشي شغلك

وايضا اخوي اذا مريت بشارع وشفت لك عمارة عضم او تلييس او ما ينقصها الى البويه لزق عليها استكر انك على استعداد لتوفير البويه لصاحب العمارة بسعر منافس وصرف بضاعتك واقنع بالقليل في بداية مشوارك ياتيك الكثير ان شا الله


اما عن قولة العامل يسرق


فلا تخاف اخوي تابع محلك اول باول ولا تنزل اي بضاعة للمحل الى وانت او شخص تثق فيه موجود بالمحل عشان يجرد البضاعة الي تنزل المحل اول باول


وكل يوم يومين سو جرد للبضاعة الي بالمحل وراح تشوف اذا كان العامل يسرق او لا


اخوي الله يوفقك ويرزقك من واسع فضله لك منا صادق الدعوات ولا تنسانا من دعواتك


واي استفسار انا بالخدمة