محاوره بين الأمير خالد بن سعود الكبير وتركي 2000

زيدان · #1 (**permalink**) 08-01-2008, 04:13 PM

محاوره بين تركي 2000 و الأمير خالد بن سعود الكبير
محــاوره بــيــن الــشاعــر صــاحـب الســمو الامــير خــالد بن سعود الكــبير

والــشـــاعــر تركي عطا الله الميزاني المطيري
تركي:

سـلام الله سـلام (ن) للعـلـوم الطيـبـه عـنـوان
واعرف معزبه والظيـف فـي حكمـة معازيبـه
وانا لي صاحب (ن)ماينطق الكلمه بلا برهان
ابـا اسولـف معـه والعلـم يدريبـه وانـا ادريبـه

خالد بن سعود الكبير:

الا يامرحبا واهلا بقلطة شاعر المطـران
تراحيب (ن)لها بالصدر تشريقه وتغريبه
وانا ياصاحبي ماني بمثلك لشعـر ميـزان
ترفقبي تـرى تـوي غشيـم وداخلـي ريبـه

تركي:

يدوم لك البقا والطير مايكفخ بلا جنحان
وانا خابرك صقر وكل صقر(ن)لـه مخاليبـه
سبحنا في البحور الي تضم اللولو والمرجان
واخذنا مانبي والوقت ماتصفى مشاريبه

خالد بن سعود الكبير:

صحيح الوقت مايصفى وتعكير الزمان الـوان
واشـوف الخايبـه تعجـب وهـذي والله مصيبـه
غدى عند الهزيلـه شـان والجزلـه ثمنهـا هـان
وسف الكذب والتهريج اشوف الناس تغزي به

تركي:

اشوف اللي تشوفه طال عمرك يالله الغفران
واشوف الناس قامت تبتسـم بسنـون تركيبـه
لو ان اللي بنى البيت المسمى ثبـت العمـدان
ماشفنـا الريـح تلعـب بيـن ذرياتـه واطانيبـه
خالد بن سعود الكبير:

يـا كيـف الحـل والحالـه سفينـه مالهـا ربان
يمشيهـا الهـوى مــن حـيـث ماهـبـت دواليـبـه
عربها ترقص وتزف على حس الوتر و الدان
يحسبون المعاني صولها من جاب له خيبه

تركي:

اظن الحـل نتركهـا تهيـم بغبـة النسيان
عسهـا مـن نصيـب القيـض لا هبـت ملاهيبـه
لو ان النابغة مخطي ماعود بالرضى حسان
ويكفينا رضى حسان والوقت وتجاريبه

خالد بن سعود الكبير:

انـا خـابـرك ميـزانـي وربـعـك كلـهـم شجـعـان
عـلامـك عــرَ ض لــك هدفـهـا ماتضـحـى بــه
ترى صمتك عن الغاوي وتصديدك عن الخوان
عذاب(ن)للضمير الحي ولا فـي هرجتـك غيبـه

تركي:

انـا مثلـت فيـك القـاف مامثلـت فيـه فـلان
وطبعي كل مقفي ملحقه واشذب عراقيبـه
نبي نبعد عن المنقود والمشروه مهما كان
ولا نفرح على المسلم اذا كثـرة عذاريبـه

خالد بن سعود الكبير:

اجل بنشدك عن فيل(ن)يحب مغازل النسوان
تضيـق ابـه الاماكـن والمداخـل مــن لغابيـبـه
يقول إلهن انا الساحر وانا الباهر وانا الفنـان
وهو ياكل شنق غيـره وكـل (ن)داري بعيبـه

تركي:

سمعت انه على كبره يحـس بعقـدة النقصـان
مجـنـد لــه رعــاة تمـدحـه وتـقـول ياطـيـبـه
لكن الفيل يبقى فيل يوم أن الحصان احصان
وضلع طويق ماكل(ن)يبي المرقى يعدي بـه

خالد بن سعود الكبير:

مابين ممسح الريضـان وبيـن ملهـي الرعيـان
غدى مـا للجزالـه دور ولا لاهـل السنـع هيبـه
الا يال الزمان الشين الا يال ضيعـة الوجـدان
نزل في سوق ابن قاسم وكل(ن)قال كم هي به

تركي:

من اول كنت يـا هـداج تيمـا تـروي الضميـان
لـكـن الـيـوم جـمـك مـانـذوقـه مـــن غثـاريـبـه
لابد الوقت يكشف من هو الرابح من الخسران
وكل(ن)يلتبـس لـه ثـوب فـي قــده يصـلـي بــه

خالد بن سعود الكبير:

انا يعجبني الشاعر قوي الحبك والبنيان
إلى منـه بنـى بيتـه يشوقـك فـن تقطيبـه
اجاذبه العلوم اللي تونس والخفـا مابـان
مثل تركي عساه يفوز بالمليون ويجيبـه

" بس مااخذ المليون "

وســــــــــــــــلامتـــــكمـ......

تسجيل الدخول

محاوره بين الأمير خالد بن سعود الكبير وتركي 2000

الشعر والنثر

محاوره بين الأمير خالد بن سعود الكبير وتركي 2000