السلام عليكم ورحمة الله وبركاته

هذا الموضوع تلبية للاخ الفيصل ....********يعنني خويه يبي يصير مشرف

من مبدأ خير الناس انفعهم للناس واتمنى اني اكون انفع الناس للناس

وهو خاص بالتأمين ...يعني لا اشوف ولا بنت توطوط في هالموضوع


تعريف التأمين: لغة : مأخوذ من الامان...
وشرعا ..برضوا مأخوذ من الامان...
واصطلاحا: هو سرقة المواطن بطريقة رسمية ومشروعة مصدقة من الجهات الرسمية...

موضوع التأمين هو بحر لا ساحل له يعني يبي لي اتكلم من الحين الين ليلة القدر ...لكن ابحاول اختصر ...وكلامي هنا كله من واقع تجربة بصفتي اكبر غشيم في منتديات البطالة

انواع التأمين
تأمين ضد الغير: وهذا قيمته 350 ريال تقريبا...ويتكفل بتصليح سيارة الطرف الاخر الى حد 5 مليون ريال وسيارتك ولا حتى يناظرون فيها


التأمين الشامل : له عدة انواع وهو السرقة بشحمها ولحمها...
قبل ما ابدأ فيها اول شي ابشرح لكم بعض المصطلحات.
نسبة التحمل: هو مبلغ ثابت تدفعه وقت الحادث مهما كانت نسبة الخطأ ومهما كان قيمة تصليح السيارة حتى لو عوضوك بسيارة جديدة او قيمتها كاش
نسبة الاستهلاك: هي القيمة اللي تخصم من سعر السيارة الجديدة في حال حصول تلف كامل..وهذا المصطلح يهم اصحاب السيارات التأجير المنتهية بالتمليك ويكون في العادة بحدود 1.5% شهريا
اول شي فتحوا عيونكم اخواني معشر العرابجة

النوع الاول: ياخذ منك نسبة 3.5% من قيمة السيارة في السوق...بشرط انك تدفع مبلغ تحمل 500 ريال تقريبا

النوع الثاني:ياخذ منك نسبة 3 % من قيمة السيارة في السوق بشرط تدفع 1000 ريال تقريبا مبلغ تحمل

النوع الثالث: ياخذ منك نسبة 2.7% بشرط تدفع 1500 تقريبا مبلغ تحمل...

طبعا التأمين ما يشمل عكس السير وقطع الاشارة والقيادة في حالة السكر وانتهاء الرخصة واستخدام السيارة لغير المهمة الاساسية لها والتهريب والبراكين والزلازل ..
واول كان ما يشمل السيول لكن الان ضموها للتأمين الشامل فقط


السيارة تحسب تالف اذا كانت قيمة التصليح اكثر من او يساوي 60 % من قيمتها وقت حصول الحادث ..مو السعر المؤمن عليها ....وهذي اول سرقة...


لنفرض الان ان سيارة قيمتها 80 الف كاش صار عليه حادث بعد ما سوا تأمين ب9 شهور...

ممكن يكون طالب تسعيرة وكالة...

طبعا الوكالة اسعارها مبالغ فيها وبقوة...
قبل ما يروح الوكالة يمر على الورش ويدفع 10 ريال رسوم تسعيرة عن كل ورشة..

بعد ما وياخذ الحسبة وفي حال ان المبلغ طلع عالي شوي يقولون له نحسبها تالف...وهنا تبدأ السرقات..

يروح يسعرها في المعارض طبعا سعر السيارة أي سيارة يكون دايم في نزول مهما كان حالها..

يعني ممكن تجيب له 55 الف قبل الحادث و20 الف بعد الحادث....يعطوك الفرق بعد مماطلة..وهذي ثاني سرقة...وياخذون سيارته
يعطونه 35 الف ريال فقط بعد ما أمن على سيارة بقيمة 80 الف...

واذا كانت السيارة فيها صدمة خفيفة ورحت للوكالة صكوك بسعر خيالي عشان يحسبوها تالف وتاخذها التأمين بعد كذا ينزلوها مزاد او يصلحوها ويبيعوها...

يعني تخيلوا لو هالسيارة راحت الوكالة


ممكن تسعرها في حدود 10 الاف ريال والتسليم خلال شهر...

وهذا يخلي الواحد منا يفكر ان هناك اتفاقية خفية بين شركات التأمين و وكالات السيارات..

اما هذا فيعتبر تالف




اما بالنسبة لسيارات التأجير المنتهي بالتمليك فهذولي مساكين مسروقين ولحومهم منهوشة وحقوقهم ضايعة بين المرور والوكالة والتأمين ويمكن فيها بنوك

وللامانه ومن واقع تجربة اسوأ جهة تمويل سيارات هو البنك الاهلي

في حالة حدوث حادث والسيارة تعرضت لتلف كامل يعوضونك بمبلغ بسيطة بعدين يحسبون منه نسبة الاستهلاك..

يعني نفرض مثلا ان قيمة السيارة 90 الف وجلست معك سنتين ونصف وعوضوك بمبلغ راح تكون الحسبة كالتاي
1.5% من ال90 الف ريال قيمة السيارة جديدة =1350 ريال عن كل شهر
1350 في 30 شهر =40500 ريال وبعد الخصم تطلع 40230 ريال

يعني تطلع عليك الحسبة بالسالب واذا ما سددت حطوك في سمه....هذا اذا ما دخلوا موضوع العداد في السالفة...

بعد كل هذي السرقات ....نتفاجأ ان التأجير المنتهي بالتمليك حلال وبفتوى شرعية!!!!!!!!


اتمنى اني اكونا فدتكم واي سؤال انا حاضر

وللحديث بقية ان شاء الله

يعطيك العافية اخووي وحسبي الله عليهم

وين الفيصل لا يكون انقفل علاه قسم النقاشات والاهداف

شكرا على الموضوع فضيلة العلامة قاصر الشر

أعجبتني كلمة وهي

واصطلاحا: هو سرقة المواطن بطريقة رسمية ومشروعة مصدقة من الجهات الرسمية...

هل تعترف أخي الكريم أو بالاصح هل تعلم من يملك شركات التأمين ؟
إذا لم تكن عندك أجابه فخذها مني ::: الأمراء أغلب شركات ودعني أعدها لك لاني متعلق في سوق الاسهم فيها الله يلعنها مايكفيهم يسرقون الناس على حسب كلامك وقاعدين يسرقوننا في سوقنا الخايس .

الأهليه _ التعاونيه _ اسيج _ أمانه _ ملاذ _ الهنديه ( الله يلعنها من 40 الي 28 ) بروج _ العالميه ( إذا فاز النصر ترتفع ) الوطنيه _ سلامه ( أحبها وايد من 10 الي 80 ريال يحبي لمضاربها ) أكسا ( سلمني على مضاربها )

فضيلة العلامة قاصر الشر

يعني نفرض مثلا ان قيمة السيارة 90 الف وجلست معك سنتين ونصف وعوضوك بمبلغ راح تكون الحسبة كالتاي
1.5% من ال90 الف ريال قيمة السيارة جديدة =1350 ريال عن كل شهر
1350 في 30 شهر =40500 ريال وبعد الخصم تطلع 40230 ريال

كان معي هوندا كورد وكنت أخذها اقصاد فعلا الكلام اللي قلته صحيح ملون بالمئه هذا طال عمرك يوم الامطار وكان تأمني في التعاوينه ( على قولتهم أكبر شركة ) سحبوا فيني ثلاث شهور لان السياره تقريبا انعدمت الكمبوتر والمكينه وحاجات واجد خربت جبت تقرير من الدفاع المدني ولا نفع ولا أخذ منهم شي رحت يم الشركة اللي مقصدهم أبي ابيعها عليهم طالعه علي 120 الف قيمتها في السوق ثمانين الف قيموها باربعين ألف رديت لهم السياره وأخذوها وكل الاقساط راحت علي وهم اللي كسبوا ( يمكن مافهمتني بس تقريبا اللي صار هو سرقه مليون بالمية )

طيب عندي استفسار من يتحمل الخطأ .
هل الحكومة ؟
أم نحن ؟
أم ماذا؟

تأمين ضد الغير: وهذا قيمته 350 ريال تقريبا...ويتكفل بتصليح سيارة الطرف الاخر الى حد 5 مليون ريال وسيارتك ولا حتى يناظرون فيها

وضحي هذه النقطة يعني لو سويت حادث وأنا عندي ـامين ضد الغير والخطأ مني وصار فيه وفاة أطلع منها ولا مايشمل التامين ؟

تشكرا على الموضوع

ذكرتني بالاسهم حسبي الله عليها

لاهن خيو نبيك تتكلم عن التأمين الصحي في المرة القادمة .