ياجماعه الخير انازهقت من العطالة وصاير عندي فراغ كبير ماعاد ادري وين اروح؟؟؟.. وعمري وصل لحد26سنة الافكار اكلت مخي اكل ماعاد احس في شئ جديد بحياتي ابد تجاوزت جميع المراحل كل شئ احس شبعت منه كل شئ سويتة لدرجة انى صرت اجلس مع مواليد 1412ه و1411ه والله عشان اضيع فراغي اللى هم قد عيالى لوتزوجت من زمان والله العظيم كل اللى حولى مشغولين وموظفين اشوف اخوانى الصغار كبروا وانا ماسويت شئ بحياتي وبصراحه ماعاد احس لى قيمة لكن قررت وهو حل لكل عاطل واكثر العاطلين يعانون منة وهو الاستقرار لا انه قد يصل لمرحله تشبع وقررت بيني وبين نفسي انى ابحث عن عمل بشركة لوراتبها الفين ونص ريال وابحث عن بنت حلال موظفة وتكون من اسرة متواضعة لوكانت عانس 100سنةاهم شئ ارضي قناعاتى وطموحاتى خلاص احس معاد فيني فرملة بالمرحله هاذي غير كذا افكر..يكون الزواج عائلى اهلى واهلها وبداية البيت يكون غرفة اوغرفتين.لين مالقى عمل وتتحسن الظروف الاقتصادية.


وش رايكم انتوووووووووووووووووو؟؟\
اكيد تقولون راتب وماراتب الراتب بنتظر لين ماتجيني وظيفة

حكومية

والله يا خوي كل شئ صار غالي .. انت بتحتاج سياره وبيت كامل حتى لو غرفتين .. لو قدمت على العسكريه بتكون افضل لك ولو ما تيسرت شوف لك اي شركه ونفس الشئ سياره تشتغل عليها مشاوير .. عشان تغطي امورك .. اذا اهلك يساعدونك بتكون خير وبركه .. استخير .. ربي يوفقك ويرزقك من واسع فضله .

والله ياخوي شقروم حالتك لاترضي لاعدو ولاصديق
لكن اذا لابد من الزواج قدم على احد الجمعيات الخيرية ويعطونك مساعدة
وروح قدم على مكتب العمل وشوف لك اي وظيفه تمشي بها نفسك
لكن والله السياره مهمه وشهر العسل لازم منه وشغلات كثيره
تدري
الله يعينك بس

اخوي شقروم فيه حل باذن الله
1/ روح لمكاتب العقار وتوظف عندهم ترى العقار فيه خير كثير لو حصلت ارض وبعتها شوف كم بيجيك من السمسره
2/ روح لبنك التنميه وقدم على قرض زواج بيعطونك اتوقع 40000 واذا فيه احد تعرفه خله يقدم على قرض اسره بيعطونه تقريبا 30000 لنه قرض الاسره لزم يكون عنده اطفال شوف لك واحد متزوج وعنده طفل وخله يقدم واخذ القرض انت وتقدر تبني فيه شقه بسيطه
3/ وقدم على مؤسسة ابن باز يعطون قرض لزواج بقيمة 10000 ريال
الحين لو جمعت المبالغ 80000 ريال باذن الله بتقدر تبني شقه بسيطه وتدفع مهر والزواج مو لزم يكون في قاعه خل الزواج في استراحه وبكذا بتكون توظفت بالعقار وبنيت شقه وتزوجت وبكل سهوله باذن الله ولا تنسى قدم على مؤسسة الوليد بن طلال يقولون يعطي 30000 اول ماتقدم تجلس شهر ويجيك المبلغ على طول مايتاخر

[align=center]ربي يففرج همممممممممممك وعليك بألإسستغفآر ,[/align]

لاحياة مع الياس ولاياس مع الحياه ان عمري 30سنة ولكن متفعل وكملة درستي واشتغلت بوطيفة برتب قليل وان احمل طموحات كتير ووجهتني امور حطمتني لكن لم اتخذل وعليك باستغفر الكثير السعي

رووح ياشنب الزواج يفتح ابووواب رزق كثير ومدام قلت بشتغل في شركه فا الله يوفقك وتاخذ الخبره وتلاقى الوظيفه الي تتمنها

عن أبي هريرة رضي الله عنه قال: قال رسول الله صلى الله عليه وسلم: ثلاثة حق على الله عونهم المجاهد في سبيل الله والمكاتب الذي يريد الأداء والناكح الذي يريد العفاف.