استفسار عن المصر ف الراجحي

جبل هادا · #1 (**permalink**) 08-08-2011, 05:22 PM

[align=center]
السلام عليكم ورحمة الله وبركاته

مبارك عليكم الشهر ...

يا اخواان عندي مقابلة شخصيه في المصرف الراجحي اي واحد عنده معلومات عن المصرف او نصيحه تكفوووون يا اخوان

اول مره اجري مقابلة شخصيه( ؟؟؟؟)

ولكم مني جزيل الشكر

[/align]

برق المع · #2 (**permalink**) 08-08-2011, 06:04 PM

السلام عليكم ورحمة الله وبركاته

الى الاخ جبل هادا
أولا : وش تخصصك
ثانيا : المدينة

أنسى العالم · #3 (**permalink**) 08-08-2011, 06:31 PM

[align=center][/align]بالتوفيق مصرف الراجحي من أفضل المصارف من
إضافة إلى أن عندك 5 رواتب إضافيه يعني في السنة تستلم 17 راتب وبونص تستلمه كل 4 شهور
الله يوفقك

دبلوم لأسف عاطل · #4 (**permalink**) 08-08-2011, 07:09 PM

بسم الله الرحمن الرحيم
يا أخوي أولا تروح قبل الموعد بنصف ساعة عندهم
ثانيا تروح مكشخ كأنك رايح عرس
طريقة المقابلة :تروح عند ثلاثة أشخاص تقريبا أول واحد تروح عنده ويسألك يقول لك تحدث عن نفسك وبعدين يقول ليش اخترت مصرف الراجحي وايش تشوف نفسك حاب تعمل صراف أو خدمة عملاء أو أي تخصص وبعدين تطلع وتروح عند شخص ثاني يطالع فيك بنظرة مستفزة شوي لكن ماعليك يبي يختبرك ويسألك نفس السؤال ويقول تحدث عن نفسك وليش اخترت مصرف الراجحي وايش هواياتك وكيف تقضي وقت فراغك والثالث تروح عنده ويسألك عن نفسك ويقول حدثني حياتك وايش تقضي وقت فراغك وماهي ميولك ويسألك عن التخصص إلي حاب تعمل فيه

هذه هي المقابله وتقريبا يسألونك نفس الأسئلة أهم شيء عندهم الابتسامه والكشخة وريحة العطر والثقة في النفس وعدم الارتباك وتروح لهم بملف بلاستيك شفاف وترتب أوراقك وآخر شيء بعد المقابلة بيقولون لك عندك اختبار إذا اجتزت المقابلة الشخصية والاختبار عبارة عن تقريبا 65 سؤال وكلها سهلة عن انطباعاتك وبعدين يقولون لك روح وندق عليك بعد اسبوعين ...
دعواتك لي يا أخوي صار لي شهر مادقوا علي والله دخلت علشان أنقل لك إلي حصل معي ولأخوان علشان يستفيدون دعواتكم لي بتيسير هذه الوظيفة .

علي آل صالح · #5 (**permalink**) 08-08-2011, 08:18 PM

اسمع اخوي اهم نقطه

تقابل ثلاث اشخاص

لاااااااااااااااازم

يكون كلامك واحد

يعني لاتقول للاول كلام بعدين الثاني تعطيه كلام ثاني

خلك ثابت على راي واجابه واحده

ودائما العميل هو الاهم وهو على حق

والشي الثاني

انتبه فيه واحد يحاول ينرفزك شوي وانت تقابله تلقاه يتمغط

ولا يسحب عليك ويطقق بجواله

يبي يشوف ردت فعلك لكن خلك طبيعي

والله ييسر امرك

جبل هادا · #6 (**permalink**) 08-08-2011, 10:04 PM

اقتباس:

المشاركة الأصلية كتبت بواسطة برق المع

السلام عليكم ورحمة الله وبركاته

الى الاخ جبل هادا
أولا : وش تخصصك
ثانيا : المدينة

هلا بك اخوووي

تخصصي حاسب الي (دعم فني )

المدينه : أبها

المرفأ · #7 (**permalink**) 08-08-2011, 10:52 PM

[align=center]الله يوفقك اخوي ويسسر امرك ولا ازيد على اخواني

بس ذا اللي يقول 17 راتب من وين جاب هل المعلومة الرواتب 14 فقط زيادة راتب رمضان اساسي ونهاية السنة اساسي فقط يعني الزيادة فقط راتبين والله يعين الجميع يارب[/align]

برق المع · #8 (**permalink**) 08-08-2011, 11:22 PM

السلام عليكم ورحمة الله وبركاته

الى الاخ جبل هادا العضو دبلوم لاسف عاطل افادك وهذا الي صار معي الاسبوع الماضي
اسال الله لنا ولكم التوفيق في الدارين

أنسى العالم · #9 (**permalink**) 09-08-2011, 01:32 AM

اقتباس:

المشاركة الأصلية كتبت بواسطة المرفأ

[align=center]الله يوفقك اخوي ويسسر امرك ولا ازيد على اخواني

بس ذا اللي يقول 17 راتب من وين جاب هل المعلومة الرواتب 14 فقط زيادة راتب رمضان اساسي ونهاية السنة اساسي فقط يعني الزيادة فقط راتبين والله يعين الجميع يارب[/align]

[align=center]
نعم الرواتب 17 بدل السكن 3 رواتب
راتب رمضان
راتب نهاية السنة
إجمعها وشوف
بالتوفيق للجميع[/align]

استفسار عن المصر ف الراجحي

إستفسارات ونتائج وظائف القطاع الخاص

السلام عليكم ورحمة الله وبركاته مبارك عليكم الشهر ... يا اخواان عندي مقابلة شخصيه في المصرف الراجحي اي واحد عنده معلومات عن المصرف او نصيحه تكفوووون...

استفسار عن المصر ف الراجحي

تسجيل الدخول

استفسار عن المصر ف الراجحي

إستفسارات ونتائج وظائف القطاع الخاص

السلام عليكم ورحمة الله وبركاته مبارك عليكم الشهر ... يا اخواان عندي مقابلة شخصيه في المصرف الراجحي اي واحد عنده معلومات عن المصرف او نصيحه تكفوووون...

استفسار عن المصر ف الراجحي