صوت الارض


هلا وغلا

شف يالغالي مشروع الخضار والفواكه ما يبيله راس مال

خلك معي وركز


بالنسبة للمحل اذا على قولتك تعرف الرجال الي عنده المحل الاحسن اطلب منه شهرين تجربة وتجهيز وقله بعد شهرين يبداء العقد واعطيك اول دفعة من الايجار وحاول يكون الا يجار بالشهر


بالنسبة للرفوف موضوعها ابسط مما تتخيل

اخوي والله الموضوع ما يبيله تفصيل ولا غيرة

تروح عند محلات مواد البناء وتشتري 4 الواح 10 ملي +3 قدة قدة 20 ملي + 4 قدة 40 ملي


اذا قلنا اللوح ب45 ريال
4*45=180ريال
واذا قلنا القدة 20 ملي ب 30 ريال
4*30=120ريال
واذا قلنا القدة 40ملي 40 ريال
6*40=240 ريال
كذا تصير قيكة المشتروات
180+120+240=540


هذي طلبات الرفوف

وتروح تجيب لك نجار باليومية وخل يوميتة 200 ريال في يوم واحد وهو مخلص مجهز لك الرفوف ومركبها بالمحل

كذا صارت الحسبة 540+7=740 زود عليها 50 ريال قل حق مسامير او اي شي يحتاجه النجار تصير الحسبة قل 800

رح لا اقرب محل اواني منزلية وخذ لك اي نوع من المفارش النايلون واشتر منها كم متر على حسب محيط المحل ثم قم ودبسها داير مادار المحل تدبسها بالرفوف من الاعلى وتخليها نازله الى الارض

هذي تكلفة الرفوف

لا تقولي ديكور الديكور خله بعدين اذا رزق الله وزانت احوالك

البضاعة يا الغالي

بالنسبة للخضار

شف الموردين الي يوردون بالسوق اهل المزارع تعرف لك على كم واحد من الحين واشرح له الموضوغ وانك ما عندك سيولة وانك تو فتحت المحل ولا ينقصك الى البضاعة واذا قدرت توصل لصاحب مزرعة سعودي صدقني وانا واثق انه ما راح يقصر بل بالغكس راح يدعمك ويساعدك ويمولك بالبضاعة ومن واطلب منه يمولك يومين بس وشغل مخك وصرف البضاعة وسدد وخذ غيرها احسن لك

بالنسبة للفاكهه هذي مالها حل صعب تحصل لك واحد يمولك بالاجل لا كن دبر لك مبلغ 2000 ريال خذ منها الفاكههة والي ينقص عليك من الخضار

المكيف اذا كانت المنطقة الي انت بها حارة وصيف ضروري دبر عمرك باي مكيف مستعمل رخيص لين يمشي الحال

الثلاجة ماهي ضرورية في البداية

لانك لا تحاول تنزل بضاعة واجد من اول يوم خل بضاعتك بسيطة قد ما تقدر يعني من كل صنف كرتون او كرتونين كحد اعلى ما عداء الطماطم والبصل والخيار زود بالكمية شوي عشان الطلب عليه واجد


كل ها الشرح الي فوق لية







عشان لا تاخذ قرض وتتوهق

وبدل ما تترزق الله وتستفيد من دخل المحل تقعد تسدد ديون القرض


كذا اخوي من 20000 تكاليف توقف على 3 ال 4 الاف ريال


اخوي والله لتعبت من الكتابه ولا ودي ابين لك امور واجد


على العموم الله يكتب لك الرزق الحلال

واي خدمة لا يرد الى لسانك ولا تتردد بالسؤال