http://www.mot.gov.sa/ar/Pages/Trakes_land8.aspx
اخوي هذا الموقع به شروط وزارة النقل للتصريح الفردي او مؤوسسة يعني حتى السعودي لازم تصريح طبعاً

الاجنبي ممنوع يتقل بين المدن الى اذا جد جديد بالموضوع هذا حتى داخل البلد عليهم ملاحظات لازم تصريح

لكن انا انصحك اخوي انك تشتغل الشغله هذي بنفسك اول شي تجيب لك باص 6 راكب او 8 راكب نضيف اهم شي يكون نضيف عشان مايوهقك ويخرب وتكون عندك سيارتك الثانية احتياط المهم تشتغل مزبوط وتكسب سمعه وترى باب جميل رزق يعطي سيارات نقل واظن حتى بنك التسليف يعطي وتطلع لك تصريح و تشتغل نظامي

وانت وقدرتك اذا تقدر على الخطوط ووعارف نفسك زين انك كل يوم تقدر توديهن فالخطوط اربح مادياً
لكن اذا انت انمرضت يوم لا سمح الله من راح يودي المدرسات اذا كانن يدرسن بالخرج او اي منطقه ثانية

اما اذا كان توصيلك داخلي داخل الرياض لو لا سمح الله وصرت مريض او صار عندك ضرف يروحن مع لموزين او تكسي
او تعلم اخوها ان السواق الي هو انت مايقدر يجي يعني بالمختصر يدبرن عمرهن
وبعدين التوصيل الداخلي جوى الرياض تقدر توديهن الصبح وانت مدوم وتروحهن الظهر وانت مروح

بالنسبه كيف تعلن عن نفسك عن طريق الاهل هم يسوون لك احلى دعاية وعن طريق الجرايد

بس اهم نقطه لازم فالبداية انت تشتغل بنفسك والشغله انشاء فيها خير وعليها طلب واذا قدرت تكسب سمعه وزباين تجيب سيارة ثانية وتحط عليها سواق وتسوي مؤسسة

هلا ومرحبا اخوي عزوبي الرياض

أخوي عزوبي بالنسبة للنقل فيه شي اسمه تصريح من وزارة التعليم ,حسب كلام احد اقاربي ينقل طالبات من الرياض الى كلية المزاحمية , وهو بعد مامعه تصريح , مجرد ورقة معه , يقولي هذي نصف تصريح ,وهو سنة فوق الخمسين ورجل معروف وينقل له 10 سنوات ,,, المهم الامور الاجراءات الرسمية انت ونفسك تدبرها .
اما عن النقل في داخل اوخارج الرياض ,, انا انصحك بالجهة اللي انت ساكن فيها , والجهة التي ستنقل اليها ,, مثل لو انت ساكن في غرب الرياض وتنقل لشرق الرياض , بيكون تعب وزحمة عليك , انت شف الجهة القريبة منك ,,, (((وافضل لو تنقل خارج الرياض في الهجر القريبة ))) مثل تنقل( ثادق وانت ساكن في شمال الرياض) أو (المزاحمية -القويعية وانت ساكن في غرب الرياض ) لان الجهة هي اهم شي مايضيع وقتك في الزحمة , وعملية النقل تبي شخص مواظب على النقل واوقات الدوام ,لان المواظب في اوقات حضور وانصراف الطلبات او المعلمات اهم شي والرجل الثقة هو اللي الناس يرغبونة ويأمنون ابنائهم عليه وهذا هو اللي يحصل عملاء ولو مااعلن لنفسه مع الوقت طبعا تبني ثقة والتزام , ولاكن في البداية عند ماتنقل لابد ان تسوي اعلان , فا أهم شي تريد استطاعتك على فترات الدوام ,والشغلة متعبة شوي ,ومع الوقت تتأقلم معها , وهي شغلة شيبان هههه الله يعينك عليها , لان بعض المرات اذا نقلت لهجرة معينة تضطر اذا تبي زبائن توصلهم تذهب لمدرسة ثانية في نفس الهجرة عشان توصلهم تحتاج وقت , وكذلك الانصراف تذهب لتجميع الزبائن من المدرسة الاولى ثم تنتظر المدرسة الاخرى فحسب اذا كانت كلية ونظام محاضرات , الله يعينك ,
اعذرني اذا كرهتك المشروع هههه والله يوم اسمع قريبي ينقل اني اقول الله يعينه وهو صبور الله يعينه .

انصح بالنقل داخل الرياض

طبعاً سعر الطالبة او المعلمه مايتعدا 300 ريال

وعليك الحسآب

والله اذا عندك راس مال شوف لك شغله ثانيه احسن لك
ياخي تعب وقلة راحه