السلام عليكم ورحمة الله وبركاته
انا عسكري بالجيش تخصص اشاره بغيت اكمل دراسه واخذ دبلوم تمريض او صيدله المهم
اني ابي احول لمستشفى عسكري وارتاح من الميدان وقروشته فهل لو اخذت
دبلوم تمريض سنتين ونص او دبلوم صيدله ؟ يمديني اتوظف في احد المستشفيات العسكريه ؟
يعني احول من عسكري اشاره الا عسكري تمريض بالمستشفيات ، ياليت احد يفيدني اللي عنده خبره
والله يوفقه ويسعده ويخليله كل غالي ياربَ

تقدر اذا عندك واسطه
انا أعرف واحد بالصيانه كان يقولي بكمل دراسه تمريض بس بعدين بطل يقول بعد الزواج وقروض الزواج راح اكمل
هذا اللي اقدر افيدك فيه
اعذرني على القصور وأن شاء الله أحد الاعضاء يقدر يفيدك

أرفع اوراقك للقيادة عندكم واذا تعرف احد يغير مسمى القرار حقك تضبط امورك

لله يوفقك

أبغى اسالك عن الاشارة كيف دوامها وكم أول مربوط للجندي أول
لان أنا ترا قبلت في سلاح الاشارة
وكل ما اسال واحد يقولي اخس سلاح سلاح الاشارة خفارات ومافيه ترقيات صحيح هذا الكلام

اي صحيح ، بس اذا جاك رزقك لا ترده اذا انت من خريج قبل 5 سنوات فالحق على عمرك واذا انت من خرجي السنه هذي لاتدخل راتب زفت × خفارات × عملك كانك جنديحاف تنظيف × انقريات × خفارات × عدم احترام
وانت براحتك اذا توك متخرج السنه هذي نصيحتي لك لا تستعجل قدم بالسجون الدفاع الجوي الدفاع المدني اي قطاع شرطه عسكريه تموين ، لا تخش اشاره نصيحه