06-10-2011, 05:42 PM
|
|
|
|
تاريخ التسجيل: Oct 2010
الدولة: اللهم لاعيش إلا عيش الاخره
المشاركات: 5,782
معدل تقييم المستوى: 21474876
|
|
اقتباس:
المشاركة الأصلية كتبت بواسطة حافلة
السلام عليكم ورحمة الله وبركاته
اسعد الله مسائكم بكل خير
بكل امانه انا متابع للمنتدى بشكل شبه يومي والسبب هو الانتظار لزوجتي من الدفعة الثانية والى الان حاطه يدها على خدها حالها حال الكثير منكم ..
راجعت ادارة الفشل بالحفر ( سوء - استهتار- استخفاف بالعقول - كذب - واسطات - تعطيل مصالح الناس - وغيره الكثير من الصفات المميزة اللي تشمل عدد من الموظفين في ديوان الخدعة بحفرالباطن .. وقالوا لي انتظر رسالة جوال وجلسنا ننتظر من تاريخ 6 رمضان تقريبا الى قبل امس وماوصلنا اي شي .
قلت ابتوكل على الله للرياض واأسألهم واشوف وش اللي راح يصير
توجهت من الدمام الى الرياض ووصلت الوزارة السبت الساعه 9 الصباح
ابكتب لكم بالتفصيل الممل علشان تعرفون وش لكم ووش عليكم
دخلت على اول مكتب يمين وهو الاستقبال وسألته قالي رح للمكتب الثاني المختص في التعيين والتوظيف
دخلت المكتب الثاني وكان قدامي رجال كبير ( شايب ) ومعاه ورقة واعطاة رقم سجل مدني وقاله هذي مستبعدة ( مااعرف وش السبب )
سألت الرجال عن زوجتي وكتب رقم السجل حقها وقالي زوجتك انتظار .. قلت له ليش ؟؟ قالي اصعد فوق ويعطونك التفاصيل الأكثر
صعدت للدور الثاني قسم التعيين ولقيت مكتب مفتوح ومكتوب عليه مكتب مدير التعيين والمطابقة ودخلت عليه
السلام عليكم . عليكم السلام
ياعزيزي انا جاي من الدمام استفسر عن معاملة لزوجتي اللي ترشحت من الدفعة الثانية والى الان ماصار شي وحفرالباطن كل يومين اضرب مشوار واجيهم ويصرفوني ويقولون لي انتظر رسالة جوال تجيك .. واتصلت على ارقامكم ( اخذتها من احد المواضيع بالمنتدى هذا ) وقلت له هذي التحويلات 521 - 526 وتحويله ثانية نسيتها .. الرجال جلس يضحك وقالي استريح
جلست عنده بالمكتب وقالي بالحرف الواحد : اول شي مافيه من الارقام اللي ذكرتها تتبع لتحويلات التوظيف والاستفسار
ثاني شي مكتب حفرالباطن يكذبون عليك في كل شي قالوه .
اللي راح يصير ان فيه بنات كثير تقدموا على جدارة اكثر من 300.000 بنت قدمت على جدارة
وصرنا نختار من الدفعة الثالثة والرابعه وبعض من الاولى والثانية واللي راح يحصل ان فيه بعد تقريبا 3 اساببيع راح يتم ترشيح 23000 الف وظيفة نسائية تعليمية فقط .. قلت له احلف بالله وحلف الرجال ان هذا الكلام صحيح وعطاني مجلة خاصة بالديوان مجانية وقالي ان المترشحات الجديدات راح يستبعد منهن اثبات الاقامة .. وعطاني كل تلفوناته وقالي هذي الارقام واي استفسار انا حاضر ..
طلعت من عنده وقلت اروح للمكتب الثاني اللي فيه الموظفين علشان اتأكد لان مو كل يوم اجلس اضرب مشوار دمام رياض كأني سواق باص
دخلت المكتب الثاني وطلب رقم السجل المدني وقالي زوجتك انتظار
قلت له وش السبب ؟؟ قالي قدامها افضل منها بالنقاط
قلت له كم النقاط الان .. والله العظيم خلاني اشوف الكمبيوتر قدام عيني .. نقاط اخر مرشحة هي 82.564 ونقاط زوجتي 81.411 وقالي والله مافيها واسطات واللي يتابعون التوظيف اربع وزارات ولااحد يقدر ياخذ لكم حق ..
وخلاني اشوف الافضل بالترشيح طبعا للغة العربية
اول شي اللغة العربية
اللغة العربية وعلومها
الادب الحديث
البلاغة والنقد
النحو
وانا جالس اكلمه دخل المدير حقهم اللي كنت جالس عنده قبل شوي وقالي وش فيك ياخوي للحين انت هنا ؟؟ قلت له ياخوي لاتلومني انا جاي من مشوار وماعندي استعداد ارجع مره ثانيه .. قالي توكل على الله قبل ماتصير الشوارع زحمة
بعدين سألني الموظف قالي انت كنت عند الرجال هذا ؟؟ قلت له ايه ... قالي هذا هو المدير والكلام اللي قاله لك صحيح ولاتتعب نفسك
هذا كل اللي اقدر افيدكم فيه وارقام التلفونات باذن الله راح انزلها هنا علشان الكل يستفيد
دعواتكم لزوجتي بالتعيين
بالتوفيق للجميع
منقووووووووول وادعولي
|
لالالال ااااالاااااااااااااااااااااااااااااااااااااااااااا ااااااااا وش دخل بعد المرشحات في المكرمه
واي مافيها واسطات ؟؟؟؟ ياحليلكم اتاريكم شعب مغفل
حسبي الله ونعم الوكيل ,,,,
خلاص مرشحات لحالهم وانتهى كل شيء المفروض
واحنا لنا مفاضله بعد الغاء شرط الاقامه
وش هالسوالف تخبصون العالم مع بعض
|
العرض العادي
