اخوي عزوبي ومتزوج


زال الاشكال


ووضعك تمام التمام

بالنسبة للشراكة 20% اقبل ولا تشاور لانك ما بتحط من جيبك ولا ريال هو صح يمكن ما يدخل عليك بالشهر الدخل الي تتوقعة بس على الاقل انت شريك بالمكسب بس مو بالخسارة وهذي ميزة مستحيل تلقاه الى من عند شريك ابن حلال ويبي يساعدك


يعني لو قلنا ان المحل فتح واشتغل وصارت مبيعاتة مثلا 8000 ريال بالشهر وكان الربح 3000 راح يكون نصيبك 600 ريال

المبلغ مايجيب حق البنزيم صح اكيد بتقولي صح

طيب خلك معي

يا الغالي انت المستفيد طيب كيف انا اقولك

1- جميع اوراق المحل وتصاريحة باسمك

2- تمكنت من فتح سجل تجاري وصار عندك سجل تجاري تقدر تستفيد منه باي مشروع ثاني

3- استفدت تجربة وخبره في مجال ما كنت تدري عنه شي


4- تقدر تطلع على رخصة المحل فيزة وتجيب عامل ولا تبيع الفيزة

5- انت ماراح تخسر في حال خسر المشروع لانك شريح في حال الربح فقط والخسارة يتحملها الطرف الثاني



لانا لوفرضنا جدلا ان المحل خسر وراح اجار سنة على الفاضي وبضاعة قيمتها 20000 ريال ووو شف انت كم يلحقك من الخسارة لو انك شريك في الربح والخسارة انت خسارتك تعبك بس والطرف الثاني خسارته دراهم ومادة التعب ما عليه يومين منسدح وتعود نشيط ولا احسن منك الله لا يضرك بس خسارة 30000 الف يبيلها شهور ما تعوضت والعوض بالله

بالنسبة لقولة انك خايف من فتح السجل التجاري اخوي نصيحة فرصة وجت الى حدك افتح لك سجل مو مشكلة الرسوم لا تتردد

تعليق بسيط اغلب بضاعات محلات الخردوات راس مالها رخيص والمكسب دبل يعني القطعه سعرها بالهلل والبيع بالريال وخوة


ودعواتي لك بالرزق الحلال

واي استفسار انا بالخدمة

اذا كل شي بأسمك والدفع والتعب على خويك وانت تأخذ 20%

انا اشوف انها حلوه يعني تأخذ الدراهم وانت مرتاح لاكن المبلغ قليل جدا

موفق بإذن الله ... لك مني أجمل تحية .

[align=center]
الــ 20 الف ريال

ما تكفي


تحتاج لمشروع مثل هذا مبلغ لايقل عن 150 الف ريال عشان تفتح محل صغير
[/align]