السلام عليكم ورحمة الله وبركاته
اخواني اللي عنده خبره بمحلات الاواني المنزليه حصلت محل للتقبيل لكن مادري كيف ربحه من خسارته
مع العلم ان الموقع موقعه نشيط وجنبه محل نفسه وسئلت صاحبه وقال يدخل لك 15000 بشهر والربح منها 5000 وارجو افادتي للي جرب المشروع هذا


والثاني الصالون او الحلاقه وش تقولون فيه
وكم اسعار الكرسي والديكورات
واللي عنده خبر وين موقع اللي يبيعونها
الموقع حائل

محل الاواني المنزليه افضل من الحلاق في نظري
ولكن تحتاج الى تزويد المحل بكل ما هو جديد من الاواني المنزليه فمعظم الناس يبحثون عن الجديد والاسعار المنافسه

بارك الله فيك ولك رساله استفسار على الخاص

وبانتظار ارائكم

للرفع

اخوي كنج


اي محل للتقبيل يعتمد سعره على الاتي

1- موقع المحل
2- الايجار
3- الديكور والتجهيزات
4- البضاعة الموجودة فيه
5- النشاط
6- المحل مع العمالة او بدون
7- مدة العقد
8- المساحة

*-اخوي اذا جاوبت على السابق يمكن نقدر نفيدك

*- حكاية ان دخلة بالشهر 15000 قل لصاحب المحل يكثر منها لان اغلب محلات الاواني المنزلية شغلها يعتمد على المواسم يعني الصيفيات الاعياد


*- سوالك عن الارباح اخوي هذا شي بعلم الغيب قبل تسال عن الارباح اسئل عن تمويل المحل كيف بتمولة وكم يبي للتمويل ووو

*-الشي الاخير اذا ما عندك خبره بها المجال انصحك لا تستعجل لين تتكون عندك الخلفية الكاملة للمشرووووع


والله يوفقك ويكتب لك الرزق الحلال

اشكرك اخوي سعودي
واسئلتك بجاوب عليها

1- موقع المحل
شارع 30 جنب سوق محلات ومحامص
2- الايجار
15000
3- الديكور والتجهيزات
ديكور احس انه فاشل مره يعني مو لذيك الدرجه

4- البضاعة الموجودة فيه
والله شفت فيه ولو ان البضاعه مو كثيره مره يعني النص بس فيه قدور ومواعين ومواد تنضيف يعني اتوقع اجمالي سعرها مايتعدا 9000

5- النشاط
اواني منزليه

6- المحل مع العمالة او بدون
معه هندي وجيد شكله ويعرف زباينه

7- مدة العقد
العقد قصدك الايجار؟؟ كانه الايجار فاكيد سنه


الموقع فتحتين
ااتمنى اني افدتك
ـــــــــــــــــــــــــــــــــــــــــــ
سؤالي الثاني الصالون وش تقولون فيه كم يكلفني الديكور والكراسي
مع ان الايجارات بحائل ممتازه جدا الفتحه بـ5000 وكل ماكبر الموقع زادت 4000 او 5000
بس انا مادري كم تكلفه تجهيزاته من ديكورات وادوات لو محاسبه تقريبيه
































8- المساحة

اخوي بالنسبة للاواني المنزلية ما يجيك بعلمة الى الهندي الي به

استدرج الهندي بالكلام الين تعرف المحل شغال ولا لا

بالنسبة للحلاق

ماي يبيلة يا الغالي

رح لا اقرب محلات مطابغ الالمنيوم واسالهم كم سعر المتر وقلهم كم يكلف المنيوم لمحل حلاقة

والسقف سقف مستعار ولمبات سبوت لا يت كلها 1000 ريال اذا زادت

بالنسبة للكراسي مي سواء فيه انواع منها اقلها الكرسي ب1000 ريال واغلاها ب4500 على ما اذكر

ومرايا تشتريها من محلات الزجاج ابالمتر حسب الطول الي تبية


ولوحة هذي حسب صرفيتك انت اذا تبي غالي ولا رخيص


يعني قل الحلاق على بعضة يكلف من 10 الاف الى 15 الف



هذي تكلفة التجهيز كامل باذن الله

والباقي عاد الايجار ورسوم التصاريح


والله يكتب لك الرزق الحلال