السلام عليكم ورحمة الله وبركاته ياشباب انا ضاعت شهادتي الثانوي الأصل وابغى اطلع شهادة نفسها وزارة التربية والتعليم تقول نطلعلك بس شهادة مكتوب عليها (بدل مفقود) واخاف بسبة هاذي الكلمة انحرم من جميع القطاعات العسكرية علموني هل هي تظر ولا ماتضر وعلموني كيف اصدق شهاداتي الثانوي اذا اخذتها ابغى اصدق شهادة الثانوي وحسن السيرة والسلوك واذا كانت مصدق ايش مكتوب فيها ياليت تجاوبوني لأن احس اني أطرش ذايع بزفة

اخاف القطاعات العسكرية يقولون (بدل مفقود )مانقبل الله يعوض عليك وتروح دراستي خسارة اه ياسنين عمري شكلها بتروح

آنت آخذتهاا من التربيه والتعليم الله لا يهينك دور مدير المدرسه اللي تخرجت منهاا روح له ع البيت
وهو بيصدقهاا بالختم..!! وإنشالله تتسهل لك آمورك؟؟!

نفس مشكلتك مكتوب ع السيره والسلوك بدل فااقد لاني ضيعتهاا وراح تمشي مارح بنظرون لها..!

^^

يا رجال عادي تنقبل ان شاء الله مافيها شي

وين ادور مدير المدرسة والله مااعرف بيت ياولد ولا عمري زرته في بيت طيب يعني لازم اروح المدرسة وخليهم يختمون عليها المشكلة المدرسة مقفلة تكفون يا أعضاء ساعدوني انا مالي غيركم يحل مشكلتي وربي خايف مرة يارب استر

يابن الحلالال سهالات انا من ناحيه انا قاصدها عمدا رحت للمدرسه وقلت ابي اطلع بدل الفاقد وقالوا هم رح للتربيه والتعليم جب لنا ورقه حقت الشهاده حقت طباعه ونطبعها لك هذه مدرستي الخاصه اما الحكومي فمادري كيف عن وضعهم ... ومن ناحيه العسكريه هم يتفهمون بالامر يشوفون بدل الفاقد اكيد يعرفون انها ضايعه .

وش دعوووة خخخخخخخ بس هذا اللي انت خاايف منه

يارجال اسمع امورك تمشي اهم شي الختم موجود والشهادة اصلية ومثل ماقلت اهم شي الختم الازرق وبس

مو انت اول واحد يضيع شعادة او وثيقة ياكثرهم قبلك وتيسرت امورهم

اووما سالفة التصديق يالحبيب بما ان الحين ماكو مدارس اذا اخذت شهادتك من الوزارة اقرب مكتبة صور عشر عشرين نسخة واقمز لهم مرة ثانية

بيختمون لك بالازرق ع الصور ختم مكتوب فيه نسخة طبق الاصل او ختم الوزارة ماتفرق اهم شي اللون ازرق خخخخخخ

موفق بإذن الله ... لك مني أجمل تحية .

الختم من المدرسه ~ موب من مدير المدرسسسه لان الشهاده صادره من المدرسه موب من المدير المدير بس << الختم بدرجه يعني يجي غيره ويختم منهاء

وتحيآتي لك وتمنيآتي لك بـ التوفيق الدائم

ورح دور الشهادات وينها بـ الظبط واتذكر واذكر الله وعساء تلقاها