كان هذا الشاعرمسجون
وكان ماراً من أحد الممرات وفي ذلك الممر كانت
( ريم وأمها ) داخلين لزيارة سجينهم
والشاعر سمع صوت الأطفال فتذكر أبنائه فدمعت عينيه
فرأته ( ريم ) فقالت ريم لأمها :
( يمّه الرجال يبكي !! ،، فقالت أمها زاجرة : ريم !!! )
عندها ،،
كتب الشاعر هذه القصيدة



أبكي وعيني تسهر الليل يـا ريـم
مدري بلاها الشوق والا الظليمـه
يا ريم دمع العين مدري على الريم
والا على قلبـن تواكـل صميمـه
تقول لاطمني علـى نونهـا سيـم
أبكي وعندي لأزرق الدمع قيمـه
ويمكن يكون الدمع للعيـن تكريـم
ويمكن يكون إلها عذاب وحريمـه
والله يا لـــــــولا دمعتـن كنهـا الديـم
راحت ضلوعي من عذابي حطيمه
ودام البكــــــا يا ريم ما فيـه تحــــــــريـم
يا عنـــــك والله لأرخص الدمع شيمـــــه
وابكي على حالي من الوجد وآهيم
لين الزمن يخلـف عليّـه نسيمـه
أبكي حياتن صافيه ما بهـا غيـم
وين المحبــــة والقلــــوب السليمــــــه
أبكي قهر وابكي من الغبن والضيم
وابكي من طعونن بقلبـي قديمـه
غدر الزمن خلّى بوجهي مراسيـم
وما يذبــــــح الرجال مثـل الهـــــــزيمـه
بعض المصــــــــايب شرها ياكــــــــل الهيـم
وشلون بكبــــــــود الرجـال الكريمـه
وبعض المصايب يخلفن المفاهيـم
تبغى على ما قيل صبر وعزيمـه
مظلوم بالدنيـا وغيـري مظاليـم
من عرض ناسن لبسوهم جريمـه
ما عاد أبي من سود الأيام تعليـم
عقب العذاب اللي كلاني جحيمـه
ولو تصفي الدنيا علـيّ الملازيـم
ما عاد أدور من وراهـا غنيمـه