مساء الخير للجميع


مبروك مقدما لمن انقبل في الامن العام ومنتظر الفرز اللي راح يكون بشهر 5 باذن الله ودورة الامن العام راح تكون في 3\6 بالكثير

لكن الكثير منكم ماخذ هم الدورة والناس تقولهم كرف وشدة ومذلة

راح تتدخلون اول يوم وكل واحد يشكل عند مدربه وراح يزهم بالاسماء ولازم تقول امرك لاتقول حاضر لان حاضر هذه بالمدرسة يابطل

وراح يلقى عليكم قائد مدينة التدريب كلمة

وبعدها تروح الميز واول يوم راح يكون كله اسماء ولخبطة

ويبدا جدولك الساعه 3:30 صباحا راح يدق البروقي وما ادراك ماالبروقي وقت الصحيان ويجي المناوب يصحيك بصوت عالي انهض اصحاا ياحيوان على حسب اخلاقه ولو ان اخلاق المدربين والمناوبين ماهي بزينة الا من رحم ربي ,
وبعدهاا تقوم تبدل وتلبس الرياضة والجزمة وتروح تنخمد تنام بالمسجد وانت جالس لاتنام ع ظهرك بالمسجد عشان هناك فيه عريف يسجل اسمك وبعد الظهر تلقى الجزاا

المهم تصلون الفجر وتشكلون بالميدان الكبير هرولة 5 لفات تهرول حتى لسانك يطلع على حسب اللياقة عندك . حصة 45 دقيقة هرولة وحركات استعد واستريح بس فله الهرولة اناشيد و 1 2
وبعدها تروح الميز وترجع الميدان حصة واسواء حصة كان عندي الثانية اللي هي من الساعه 8:30الى الساعه 9:40

حر شديد لكن الله يعينكم راح يكون فيه نوع من التعب الجسدي والبدني ارهاق بس خلك وحش لاتفصل اذا فصلت ب 45 وش راح يكون وجهك قدام اهلك وقبيلتك اول ماتهرب راح يجبون واحد من الاحتياط وبعد الحصة الثانية تروح السكن شوي وبعده البوفية وبعد ه صلاة الظهر وبعد الظهر تشكيل وتروح تتغدا وبعد الغدا تروح السكن ساعه وترجع تصلى العصر وبعد العصر حصة بس حلوة حصة العصر

وبعد المغرب عشاء او بعد صلاة العشاء على حسب المناوب المهم تنتهي من 45 وتتطلع اجازة 10 ايام كلها نوم واكل وبعدها ترجع راح يتغير الوضع بعد ال 45 بالبدلة .. البدلة حارة والبوصطار الله يكرم الجميع

راح تستلم السلاح ويصير تدريبك بالسلاح راح تتعب اول شهر من السلاح لانه ثقيل بس بعد 5 شهور راح يصير السلاح عندك زي المسواك

وكلها 10 شهور وتعيش احسن واحد خصوصا الدورة الجديدة كلكم منتم جنود رواتب حلوة كلها فوق 8 الف

بس الصبر الصبر والله كنا وقت التصليبات نستغفر الله ونذكر الله

ومشت معانا الدورة وايام لاتنسى ايام مضحكة وايام تعب وعناء

بس انا حبيت اوجه هذه الكلمات لمن سيدخلون فترة الاستجداد بشهر 6 اتمنى لكم التوفيق والله اني فرحان لكم رغم اني ما اعرفكم

والشى اللي اتمناه منكم لاحد يفكر يفصل وقت الدورة ياكثرهم اللي فصلوا بدورتنا لكن ندم ندم شديد ووجه طاح قدام ابوه واهله بعد مافرحوا فيه


وتراا الدورة كلها مافيها اختبار لنفسية العسكري وقدرته على التحمل فقط لاغير

بالتوفيق للجميع ....

بارك الله فيك ي اخوي

معلومات قيمه علا دوره وشرح رهيب

والله يوفقك يالغالي وين مارحت ويسسسهل امورك


دمت بحفظ الله

السلام عليكم ورحمة الله وبركاته
شباب انا مضيع رقم الطلب كيف اطلعه
تكفووون شباب ضروري

يعطيك العافيه والله يوفقك

وادعلي اني اكون من المقبوولين بالدوره الجايه انتظر الاسماء الان

وابي اسالك كم راتب عريف بأمن الطرق؟

وهل امن الطرق كويسه ؟

لان التخصصات الموجوده

دوريات امنيه
وهام وواجبات
وامن الطرق

انا اخترت امن الطرق

السلام عليكم ورحمة الله وبركاته
اخباركم ياشباب
تكفوون الي يعرف يطلع رقم الطلب حق الامن العام يعلمني لاني مضيعه

راجع مدينة التدريب الي مقدم فيها ...

المشكله ماني من الرياض ولاني قريب انا قالي واحد انه فيه رابط يرحع رقم الطلب

جزاك الله خير ...

الله يوفقنا ويآك وننقبل نهآئي