[align=right]
يجي من يفيدك





















ههههههه

امزح معاك

لقلك شغلة

الان اغلب الشركات ما تعطيك سيارة عشان تبيعها ...حاليا يعطوك سيارة تاجير يعني تستخدم ولا تبيع

يعني ماعاد فيه تقسيط الا في شركات قليلة وشروط معقدة تطلب منك دفعة اولى 30 % زي هوندا و 10% اعتقد في كيا...والسبب انك لو فكرت تبيعها تطلع بخسارة...والسبب الثاني انك ماتقدر تضرب مبيعات الشركة

اوضح لك اكثر


اكورد نفرض ان سعرها في حدود 80 الف تدفع دفعة اولى 24 الف لو فكرت تبيعها راح تجيب لك 73 الف تقريبا...
73000-24000الدفعة الاولى=49000 الف ريال صافي وتطلع عليك السيارة اقساط ب 120 الف ريال ها في حال انهم اخذو منك اقل نسبة في عالم السيارات وهي 10%
بحسبة ثانية 120000-49000= تطلع خسارتك 71 الف ريال مع العلم ان قسطك الشهري مايقل عن 2000 ريال..

يعني هل من المنطق انك تقسط 49 الف على 5 سنوات بقسط شهري 2000 ريال؟؟؟؟

فيه سؤال::: مين المستفيد من هالحركة المخيسة؟
الجواب اللي يبي يطلع سيارة ويحطها ليموزين لازم تكون باسمه....عشان كذا يطلعها تقسيط


يعني المحصلة النهائية ان بيع سيارة لغرض التمويل هو غير مجدي ابد



بالنسبة للبنوك يختلف القرض على حسب جهة عملك ومدة خدمتك ومسمى وظيفتك وراتبك والتزاماتك المالية المسجلة في سمه سواء كانت قرض او فيزا وتاريخك الائتماني.......

بالنسبة لي انا جربت البنك البريطاني اخذوا علي نسبة 3.75%في السنة وطلعت على خمس سنوات 18.75%
وتراهم مصرفية غير اسلامية وفيه ميزة افضل من المصرفية الاسلامية وهو انه ياخذ عليك الفوايد باليوم عكس الراجحي الاسلامي اللي يحسب فائدة الشهر كامل بمجرد دخول اول يوم في الشهر...وانت شفت حلقة طاش واكيد فاهم قصدي

الكلام اللي بالاحمر راح يفيدك في حال انك تبي تسدد مبكر


والله يوفقك ويرزقك بتوائم

[/align]

كلهم ما فيهم رحمه ماهمهم الا الفوائد

لكن اذا تبى الخدمات الراجحي افضل (( باستطاعتك ان تأخذ 4 قروض ))

يطلع لك قرض اساسي لمدة 5 سنوات والقسط مثلا 1000 ريال

و في حالة انك محتاج قرض اخر بعد مرور سنه من تسديدهم يطلع لك قرض تكميلي
وبقسط اخر مثلا 500 ريال تضاف ع القسط الا ول ويصير القسط بالكامل 1500

وكذلك بعد سنتين ع ما اظن واحتجت قرض اخر يطلع لك قرض مؤجل
بقسط جديد ومده جديده (( ويبدأ اول قسط بعد سداد القرضين السابقن يعني بعد 5 سنين تبدأ تقسط المؤجل ))

والحين عندهم تمويل الجسر جديد طبعا
يعني اذا عليك قروض للراجحي ومحتاج قرض تقدر تأخذ بعد

بخصوص النسب تختلف من رتبه لرتبه ومن قطاع لقطاع
وكذلك يختلف العسكري عن المدني

بالنسبه للكفيل
اي قطاع حكومي يكفله عمله
اما القطاع الخاص ما ادري عنهم

وبالتوفيق للجميع

بالنسبة لي انا راتبي كان على الاهلي ..
وهو اخيس بنك من ناحية القروض الشخصية ..
حولت راتبي على العربي اللي اشوف انه ثاني افضل بنك من ناحية القروض بعد الرياض ..!

البنك قالي بيعطيني 130 الف .. وياخذون فائدة 2.69 %
لما حسبتها مع موظف البنك طلعت 16 الف ..
يعني اجمالي القرض 146 الف ..!

وانا اشوف ان 16 الف فائدة مقابل 130 الف نسبة طيبه ..

لأني اعرف شخص اخذ من الراجحي 47 الف واخذوا عليه فائدة 13 الف ..!!
يعني يسددهم بإجمالي 60 الف ..
لاحظ الفرق الكبير بين نسبة الفائدة بين البنكين ..!!

الحين بنك الرياض مسوي عرض وياخذ فائدة بنسبة 1.5 %

واذا تبغى تعرف كم راح يعطيك البنك
اقسم اجمالي راتبك على 3 واضربها في 60 " الـ 60 هي عدد الاشهر في 5 سنوات "
وراح يطلع لك اجمالي المبلغ اللي راح يعطيك اياهـ البنك مع الفائدة
بس كم راح يقص البنك من اجمالي هالمبلغ كفائدة ..
هذا يرجع للنسبة اللي محددها البنك للفائدة ..

اتمنى اني افدتك بخبرتي البسيطة بعالم القروض ..