11-08-2011, 11:46 AM
|
|
Guest
|
|
تاريخ التسجيل: Jul 2010
المشاركات: 1,064
معدل تقييم المستوى: 0
|
|
ممكن تصحيح المعلومات
السلام عليكم ورحمة الله وبركاته
شخباركم
انا عندي كم استفسار وابي تصححونها لي اوك هاذي سالفتي بيني وبين واحد شغال عنده من بعد ما
طلعت من عنده قلت لحالي اسئلكم يمكن يكون صحيح كلام الرجال يقولي ياطويل العمر طبعا انا معاي
شهاده ثانويه عامه قسم ادبي قلتله انا ودي ادخل للشركه ارامكو والشركات الكبيره مصانع وما مصانع
وكمان نفسي ادخل في الطب قالي اسمع وانا اخوك اللي تبيه تقدر تحققه بس ركز معاي يقولي بما انك
ادبي تقدر تدخل جامعه وتدرس سنه تحضيريه ومواد شرعيه ويدخلو من ضمنها مواد علميه طبعا انا قاطعته
واجد قالي اسمع لين اخلص كلامي وبدا يتكلم يقولي بعد ماتخلص السنه التحضيريه تقدر تحول للمسار
العلمي وتدرس عادي لين تتخرج ولما تتخرج من الجامعه اتصير حولت مسارك من ادبي للعلمي قلتله
ماتجي قالي والرجال قعد يحلف لي انو اللي يقربون له حولو لكن بالعربي انا ( ما هضمت السالفه)
وبعدها قلتله طيب ابي اقدم على الشركات الكبيره يقبلون ادبي بضنك قالي ايوة يقبلونك هالحين
شركه ارامكو تقبل ادبي قلتله يا هووه ارامكو حقت مصانع وش دخلنا في الشريعه قالي تقبل يا ابن
الناس واذا منت مصدق ادخل على موقعهم لكن يوم دخلت صدق الرجال وكان فيه موضوع حاطه عضو
اهني عن الشركات العالميه
المهم وقلتله ابي ادخل الطب قالي الطب سلمك الله هاذي فيه تدفع فلوس لهم واذا ماتقدر تقدر تاخذ
منحه ويدفعون عنك طول مده الدارسه لين التخرج اللي هم هدف والموارد البشريه وقالي اسم غريب
مدري وش نسيتوه وبعد التخرج يعطونك ملفك وتقدم على وزاره الخدمه المدنيه وعاد يقبلونك
.................................................. .................................................. ...
فهل صحيح كلاموه ما ابي واحد يجيني ويعطيني كلام من راسه هذا طوالي مانيب مفكر في كلامه
ابي ناس فاهمه
وصل الله وسلم على سيدنا محمد
|
العرض العادي
