[align=center]
بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين

السلام عليكم ورحمة الله وبركاته
[/align]



أعزائي حنا من الشرقية الخفجي ولا يوجد فيها مكاتب للضمان الإجتماعي البته ..

عندي 2أختين وحده عمرها 42 مطلقه بدون أولاد ومريضه مرض مزمن ..

والأخرى 40 عزباء معاقه ..

أقرب مكتب ضمان الدمام وماتجينا فرص نروح واذا رحنا مثلاً اما يصادف يوم رجال او الموظفين طالعين عندهم بحث على مشتركين وووو ولا عمرنا طلعنا بنتيجه ..

فأقترح لي واحد بموضوع التأهيل الشامل ورحنا لهم وماقصروا صراحه تم تسجيلهم فيه الإثنتين وتم صرف بطاقات لهم وراتب ..

* سؤالي هو هل يستحقون بالإشتراك في الضمان الشامل .. ؟

تكفون من يقدر يساعدني او يدلني على موظف معين او موظفه فيهم خير أجيهم لحالي مع العلم ان معي وكاله منهم أو أجيبهم معي ويتم تسجيلهم فلو تكرموتوا يا اخوان لحد يبخل علي بهالفزعه جزاه الله خير وفرج عنه كربه من كرب يوم القيامة ويجعلها بموازين أعماله ..

بعد إذن الإدارة إيميلي : n.s.s78@hotmail.com

فمن بيقول أنا لها

نعم يستحقون الضمان الاجتماعي

السلام عليكم ورحمة الله وبركاته

اخوي لاتسكت عن حقك وحق خواتك وبعدين خواتك الثنتين يستحقن الضمان الاجتماعي

يعني ماهو بس التأهيل الشامل يعني يمشيلهن راتب شهري من الضمان والتنميه الاجتماعيه ومادام مع توكيل شرعي

انت تقدر تخلص امورهن وتستلم الصرافات بعد

1 المطلقه تحتاج فقط صك الطلاق واثبات الهويه يعني دفتر العائله اوبطاقت احوال لها ويمشيلها ضمان مدى الحياه حتى تتزوج يعني مافي داعي لااثبات مرضها المزمن

2 العزباء تحتاج فقط تقرير طبي من المستشفى يثبت اعاقتها سوا من مستشفى الصحه النفسيه
او المستشفى العام بالاضافه الى اثبات الهويه دفتر عائله الوالد اوبطاقت احوال للبنت
اذا كان التقرير نفسي مايحتاج لجنه اما اذا كان اعاقه جسديه تحتاج لموعد مع لجنه تقام بالمستشفى العام وترسل اوراقها عن طريق الضمان وتروح للمستشفى وتشوف الموعد متى
وتحضر البنت


((مع اني لااريد ان اجرحك بهذا الخبر لاكن اريد الفايده لك ولخواتك سمعت ان البنت اذا تعدت سن

الاربعين تعتبر بمرحلة العنوسه ويصرف لها راتب من الضمان الاجتماعي يعني بخصوص اختك

الثانيه العزباء افضل لك انك تسائلهم قبل لاتقدم التقرير عن هذا الموضوع على شان اسهل لك واسرع بدل ماتضل رايح جاي علشان اللجنه))

موعد التقارير عندنا بالقريات يوم الاثنين ماادري هل المواعيد موحده اولا الافضل تسائلهم

وهذا رابط وكالة الوزاره للشؤون الاجتماعيه يمكن يفيدك

http://www.mosa-d.gov.sa/daman/shrot.html