اذا هو من آهل الريـآض انصحه بالامن الخاص اذا الرتبه عريف
اما اذا ثانويه انصحه بامن المنشات لان الترقيات فيه ماشيه وفي اغلب المناطق
الامن الخاص بس الرياض ولا جده .
وشكرآ آ آ آ آ آ آ آ ..

يا الربع والله يا انكم مبالغين برواتب واحد يقول حول 8000 والثاني والمنشات 7500<<

<من وجهت نظري ما يوصل 8000 الا اذا كان معه صنف حاسب وماخذها بعد التخرج عشان يصير صنفها 800 ورخصه عمومي ويكون بشرطه العسكريه<ويالله يوصل 8000<<اما من غيرر الي قلته لو يطير ما وصله<


والامن العام ترا رواتبهم 6700<<

يارجال الله يرحم والديكم اعطونا العلم الاكيد لان الواحد منا مضيع درب بيتهم من زود التفكير

قوات الأمن الخاصه والله مامدحوها لنا ناس مجربين مكروفين وفوق ذالك إجازاتهم على كيفهم مو على كيفك
حتى وانت في إجازة يستدعونك لازم تحضر

قوات الامن الخاصه ولد عمي ينصحنا يقول مهيب زينه شغلهم كرف ويطلعون رجاجيل صح وفوق ذالك النفسيات زفت
بعدين فيه عسكر كثير اعرفهم يقولون كل شيء إلا الامن الخاص جهاز حساس زيادة عن اللزوم

وانت تعرف وش المهمات الخاصه ملوك امراء إرهاب مظاهرات قضايا جرائم حساسة

ويقولون بعد قبل اي مهمه تصلي ركعتين وتكتب وصاتك قبل تطلع للمهمة

أنا مابي اكرهك فيها وبكل صراحه انا مالي اي خبره فيها ولامتعمق فيها

هذا كلام عسكر من الربع موظفين في الحرس الوطني وحرس الحدود والكلية الامنيه والامن العام

يقولون لي هالكلام يوم قلتلهم بقدم في قوات الامن الخاصه

بخصوص امن المنشات والله ماعرف عنها ولااعرف فيها احد موظف

بس تقريباً شغله حراسات وزي كذا حراسات على قصور الامراء والملوك وفي ارامكو مباني الدوله مثل
مباني الحكومه وزارة الداخلية والخارجيه مؤسسات حكوميه وزي كذا على اسمها

يعني بقولك شيء تحطه في عين الإعتبار مافيه جهاز من اجهزة الدوله وتحديدا الاجهزة العسكريه فيها راحه على الوجه المطلوب والدعوة فيها خفارات ومسؤليات وكذا

المرتاح إلي مثل المدني أو تخصصه إداري هذا الي بتلاقي فيه راحه شوي

أما المرمطة والتعب البدني والنفسي لابد منه من العسكريه سواء قوة او امن عام وماشابه

تحياتي لك

بخصوص الرواتب في قوات الامن الخاصه سمعت إنها ضربه فيها دراهم بس يطلعونها بالميدان يحللونها إن صح التعبير

ويقولون راتب الي توه تعين حوالي 8000 ريال بس مايرتاح شغل طول السنه
والإجازات إن جات قليله يعني مهو مثل الامن العام الامن العام افضل بكثير من الامن الخاص

تبي الراحة رح امن المنشئات

ومن ناحية الرواتب كلها زي بعض يمكن يفرق شي بسيط

صح الامن الخاص كرف شوي
لكن والله العظيم انه افضل قطاع عسكري فالرواتب
ولد خالي فيها يقول تراها كرف بس رواتبها اطلق شي
بعدين هيبة الجندي فيها قوية يعني لك قيمة وتقدير
والاجازات على كيفك تاخذها موب لعب الدعوة ترا

صدقني افضل الخاصة بكل شي

امن المنشات صح رواتب بس دوام ملعنة انا اخوياي 2 فيها يداومون 6 ب 24 ساعة
ومايرتاح قلق في قلق