بسم الله الرحمن الرحيم

السلام عليكم ورحمة الله وبركاته

اخواني واخواتي : اسعد الله صباحكم/مساكم بكل خير


ياخوااان ابي اشوف رايكم بمشررروع وشفت المشروع كانه جديد على اسواقناا التجاريه بالمملكه عامتاً


المشروع : دجاج بلدي من مزرعتي


انا عندي كمية دجاج بلدي عندي بالمزرعه حوالي 300 راس :قول ما شاء الله :

والحمد لله كل يوم يجي 70 بيضه طبعاا بعد فتره يفقس البيض ويرتفع عدد الدجاج ابيع منه واكل

منه وكثير من الاجانب يشترون مني كل يوم للاكل ومن كذا جتني فكرة المشروع

فاحبيت اني افتح محل لبيع دواجن بلدي كثير استشرتهم ايدو الفكره قالوا احسن من اللي يجينى كله

مضرب بالابر والله اعلم

المهم ابي رائكم المحل موجود والعمال موجودين بس ابي منكم مساعدتي بدرراسه جدوى للمشروع

انا فكرت ابيع الحبه بـ 15 ريال


اذا احد عنده خلفيه عن هالموضوع _ ورائكم يهمني هل المشروع راح ينجح والا لا



وياليت اللي يعرف لي كم سعر الت التفغيس للبيض


لكم مني خالص تحياتي واحترامي

[align=center]فكرة حلوه بس قبل لاتفتح محل حاول تكّون لك زبائن عن طريق النت او عن طريق المعرفة الشخصية

يعني تسوق عليهم وتشوف مدى الاقبال علية [/align]

فكررره رائعه
بس اخوي حاول تشوف شروط المحل ... وخاصة أنهم اقفلوا مزارع الدجاج بعد مرض انفلونزا الطيور

حاول انك تتأكد من هذا الأمر أولا .... مع أنه المشروووع جدا رائع ...

[align=center]
صبحك الله بالخير , عزيزي فكرتك جيده ولحوم الدواجن الطازجه عليها طلب كبير,, ولكن هناك طريقين ( اولآ )- اذا اردت مشروع على الضيق , اي ان تطبع كروت وتوزعها على جماعتك وجيرانك واصدقائك وتعلن في بعض المنتديات وتسوق عن هذا الطريق , فهذا جيد وارباحه تعتمد على تسويقك وشطارتك ,(الثاني) ان تتوسع في المشروع وتفتتح محل , فان كان المحل للدجاج الحي فهو ممنوع منذ فتره , اما الدجاج المبرد , فتحتاج لرخصة لمزرعة دواجن , ورخصة للمحل , والشغلة متعبة ومكلفه , واقترح بأن تكتفي بالطريقة الاولى وتتوسع فيها شيء فشيء حتى يرزقك الله وتستطيع ان تفتتح مزرعة كاملة للدواجن ,, وفقنا الله واياك لما يحب ويرضى
[/align]

بالتوفيق الله يرزقنا ويرزقك من فضله

ههههههههه 15 ريال حرام عليك

دجاج ساديا والوطنية ودو ماوصلت لهالسعر حتى لوزن 1100 جرام....

قاصر الشر يا كثر بربرتك الله يصلحك

قل خير او اصمت

اخي ابي اعرف بس من اقترح عليك تبيع الدجاج بلدي من اجل الاكل
يااخي اذا عندك 70 بيضه خلاص هذا المشروع جاهز بع الطابق اقل شي من 15 - 20 ريال بالميت 0
او اشتر فقاسه وبعد 21 يوم تنتج عندك كتاكيت الكتكوت الواحد بعد يومين او ثلاثه يجيب لك

2 ريال اقل شي وعليك الحسبه 0
بالتوفيق """

من وين انت ؟؟

اخوي العدد عندك قليل جدا 300 راس فقط والبيض قليل 70 بيضه فقط في اليوم يعني لو بعت 10 بيضات بسعر 15 ريال لأصبح دخلك اليومي 105 ريال قليل جدا كربح محل ولا يجيب همه حاول توسع النشاط بمعنى انتاج للدواجن والبيض بعدد كبير ليغطي معاك مصاريف الدواجن والايجار والعماله ويدخل لك مكسب .
تحياتي