14-08-2011, 10:25 AM
|
 |
عضو سوبر
|
|
تاريخ التسجيل: Feb 2009
المشاركات: 415
معدل تقييم المستوى: 4389
|
|
فيه مثل يقول
اللي أيده بالمويه ماهو زي اللي أيده بالنار
ياخوي اذا أنت عايش وماكل خير
غيرك أستحى من كثر ماهو جالس عند أهله
لاشغله ولامشغله ويصرفون عليه
بدال مايساعدهم ويكون عون لهم
ترى فيه أشياء كثيره لو تفكر فيها تنقهر
أغنى دوله بالعالم بالنفط ونص الشعب عاطل
حنى لو الله يفكنا من التجار هالمفسدين
كان صرنا مثل أمريكا وبريطانيا
كل واحد يتوظف بشركه يطلع أدبال راتب الحكومه
بس سبحان الله خير هالديره للغريب ماهو لولد الديره
تشوف اللبناني والا سوري والا مصري والا يمني
متوظف وعايش أحسن منك
لا وجايب نص ربعه عندك
وأنت ماتقدر تعيش نفسك
حنى مانبي ناطحات سحاب وقصور
ياخي طموحنا بسيط جداً
بس نبي نعرس ونفتح بيوت على قدنا ونعيش زي العالم
كيف أفرح وأنا أحس أني عبئ على أهلي ؟!
كيف أفرح وانا أشوف عمري كل يوم يزود ولا أعرست
كيف أفرح وأنا أشوف الاجنبي عايش وأحسن عيشه وأنا ولد البلد فقران
لاتقول معاه شهاده
ترى أرامكو أول مافتحت ضفت الشيبان كانو مايعرفون يقرون ولايكتبون
والحين بعد التدريب صارو ماشاء الله مناصب
أقل واحد فيهم يستلم 40 الف
هذا أكبر دليل على اللي يقول أن السعوديين ماهم حقين دراسه
هذا وزمن الجهل أول كانو معينين خير وتدربو وتعلمو وصارو مناصب
أنا مو قاهرني الا اللي مايحس بالمشكله وعلى باله شيء طبيعي
صدقني لو تحس بجزء بسيط من اللي نحس فيه ماكتبت هالموضوع
حنى صراحه تعبنا من كثر مانشوف حلول فاشله
كل يوم جايبين حل لوزير العمل وبرنامج مادري أيش
وتشديد على الشركات
ومازال الاجنبي ياكل عيشة السعودي عيني عينك
لا وبعد يذله ويلعن خامسه
كثير من التجار كانو بلا جنسيه
اللي كان مصري واللي كان لبناني وأسمائهم معروفه
مثل صالح كامل
أغلب مشاريع الحكومه ترسي عليه وعلى مصالحه
ولاشفنا منه خدمه للمواطن السعودي الا للي على شاكلته
أو اذا الدعوه فيها توظيف بنات يجتهدون هالتجار
أتوقع بعد خمس سنين بيصير كل واحد يطبخ ببيته ويربي عياله والحريم يشتغلون ويصرفون علينا
صرنا نتوقع شيئين من المستقبل والماضي
يا أن الحكومه ماتبينا نعيش مع أني ماظن هالشيء صحيح
أو أن الاجانب صارو نسايب للحكومه وماينرد لهم طلب
واللبيب بالاشاره يفهم
التعديل الأخير تم بواسطة يازين التجاره بس ; 14-08-2011 الساعة 10:31 AM
|
العرض العادي
