بسم الله الرحمن الرحيم

السلام عليكم ورحمة الله وبركاته

كيف الحال يااخوان تكفون لاهنتوا يااخوان ابيكم تشورون فيه واحد من اخوياي وده يفتح محل ملابس رياضية

والحمد لله

- الموقع جاهز وموقع استراتيجي وبدون مناافس

لكن الرجال يسئل عن راس المال وكيف يجيب له عاامل وكم رسوم فتح المحل


يعني كم يكلف المحل من طق طق لين السلام عليكم


وبارك الله فيكم

ماعندي فكره عنو

بس بقول الله يوفقكو ويوفقك ونور لكم دربكم

يابني اذا هو من الشرقية يبشر صدقني انا فاضي لاجيبله زباين لين الليل بس يوضفني ويبشر

لا انا من المدينة المنورة

محتاج شوركم بعد الله

تعرفت على هنود يقولون ان ارباحها تصل الى 300 في المية
انصحك تهتم بكل المقاسات وخاصة الكبيرة وايضا الماركات تشتريها صناعة هندية بمواصفات عالية واسعار مناسبة جدا فيه تاجر هندي اسمه سجلي ابحث عنه في قوقل يعمل في الرياض ويستورد الملابس من الهند ويمررها من البحرين علشان الجمرك
ربما تستفيد منه
والله يوفقك

يشتري من مراكز الجمله ويجيب عامل يشتغل بالراتب ويكون كل شي مسجل بسعره على القطعه >>يعني مثلا القطعه يكون سعرها 60 ريال تحط لصقه تسعيره 65ريال واذا كاسر الزبون نزل له5 ريال >>نفس شغل السوق كذا
ويكون متواجد بالمل ويعمل له دعايه عند اصحابه خاصتا حقين الكوره هذولي بيمشي سوقك عليهم
اتمنى اني افدتك ولو بشي بسيط ..

اتمنى لكم التوفيق

يااخوان يعني التكلفة كم

مع ت***ط المحل والشغل كلوا

كم الفلوووووس اعطوني عدد تقريبي

السلام عليكم ورحمة الله وبركاته
اذا تبا انا اجبلك البضائع وما عندك مشاكل
وكلها اصلية

التكلفه الاجماليه لفتح مثل هذا المحل هي تكلفه تختلف على حسب حجم المحل يعني محل حجمه 50 متر غير محل حجمه 100 متر مربع . عشان ما اصعبها معاك سأعطيك بعض المعلومات وانت احسبها .

اذا تبي تبتدي صح وبقوه في تقديري ستحتاج الى بضاعه على الاقل بقيمة 20 الى 30 الف ملابس وكنادر فقط

اما اذا كنت ستضيف اجهزه رياضيه فستحتاج لا يقل عن 50 الى 100 الف على حسب مساحة المحل

اما اذا كنت ستضيف جميع المستلزمات الرياضيه من الى مثل الى موجو مثلاً في محلات الفالح للرياضه لا يقل عن 250 الف بضاعه فقط

وفي النهايه انت تمدد وتقصر على قد افلوسك

طبعاً ناهيك عن مقدم الايجار + مصاريف الديكور وما يحتاجه المحل من ارفف وطاولات ووو ... الخ ومصاريف الرخصه وايضا مصاريف العامل الذي سيعمل فيه اذا كان غير سعودي من فيزه وتكرة طيران وتوفير سكن للعمال هذا خارج الحسبه .

طبعاً هذه المعلومات من اجتهادي وشكراً والله ايوفقك في مشروعك

التكلفة تختلف بحسب اختلاف مساحة المحل ونوع البضاعة
مابى اعطيك تكلفة تقريبية لكن صاحبي عنده محلين ملابس رياضية
وكلفته من 60 الف الى 65 الف طبعا تكلفة اجمالية من ايجار وديكور ولوحة وبضاعة
المشروع بشكل عام ناجح اهم شي موقع زين