-
-
-


-
-
-


-
-
-


-
-
-
[align=center]
السلام عليكم

اتصلت على رقم مركز تدريب الدفاع المدني

014645404

بكل اخلاق اساله , لو سمحت متى موعد نزول نتائج القبول المبدئي ؟

الرد : ياخوووي اشبك وش فيك , ولله ماااادري عنها ,, وتحصلها بالصحف ...

طبعاً نبرة الصوت واحد قرفان من العمل , يارجل حسيته بيضربني

حتى اخر شي قفلت بوجه , ما يعرف يحترم العالم

الله يسامحة اللي حاطه على الهاتف

عموما المتقدمين الله يعوضنا علينا ونتظر بعد العيد

اذا الدفاع المدني بنفسة مو عارف متى تنزل

والاخوان المهايطية اللي يقول 15/9 14/9 ولله عيب عليكم

خلتونا على اعصابنا وفي الاخير مافي شي

وانتم مصادركم فاشلة حتى اللواء اللي تعشى عند المهايطي فاشل

بالتوفيق


[/align]

خذ نصيحة من عندي يالغالي

اذا ماجاء مصدر رسمي وعن طريق الموقع لا تاخذ اي كلام من اي شخص

واحتراما لكل الموجودين

كل شخص يجيك ويقولك مصادري ... لو في مصدر رسمي راح يعلنونه .. .

يعني بالعربي لا تسمع كلام اي شخص

واذا بتاخذ كلام الناس راح تتعب

شوف بالنسبه للمباحث كل واحد يقول التقديم يفتح في شهر كذا

يقولون هذا الكلام من شهر خمسه والى الان ما جاء شئ

يعني بالعربي راجع موقع الدفاع المدني

لا تاخذ اي كلام الا اذا كان معه رابط المصدر

ولله كلامك عين العقل عاطل فاصل

خلاص هذا اللي بمشي علية

المشكلة ولله عيب اللي يكذب على الرجال اللواء الفلاني تعشى عندي وقال 15/9 مايستحي ولا كيف ..!

نورت اخوي عاطل فاصل

بسم الله الرحمن الرحيم
انت تسال ناس عاطله مو ظباط
وموظف الدفاع المدني وش دخله بموعد التسجيل
تراه جندي او جندي اول مو ظابط
موفق بإذن الله ... لك مني أجمل تحية .

ياناس ريحو بالكم ... مو مشكله بالعكس خله يصرفون لك تاريخ
وين المشكله / حسيت انه .. ردهم عشان مايقبلوونك
ريح مخك يابوي ، وهذي اجتهادات .. والي يقولها ماقالها عبث
لانه نفس السنين الي قبلها بالتوقيت وكل شيء
...ع العموم / الله يوفق ^_^

والله مشكلة وانا اخوك اليوم كملنا شهر من يوم سجلنا ماصارت والله

وبعض الناس تلوم احمد الشقيري(خواطر)اذا قام يتكلن عن السعودية وعن التعب الي تحصله فيها

وانا اخووك مالك الا الدعاء والصبر واخرتهم بيعلنون النتايج صدق طولوا بس مافي ايدينا شيء والواحد طفش من كثر مايسمع كلام وينتظر الموعد ولانشوف شيء لذلك خلها متى ماطلعت طلعت

كل تاخيره فيها خيرة

^
أحمد الشقيري من الناس اللي سماهم الرسول عليه الصلاة والسلام
الرويبضه ومعنى الرويبضه يعني الرجل التافه السفيه الذي يتكلم بامور الناس العامه

والا شخص يحارب الغلا وبالاخير المقاهي حقته تبيع المويه اللي بريال ب 6 ريال
حتى محلات تفصيل الثياب أقل ثوب يبيعه ب 150 دولار يعني فوق 600 ريال
وبالاونه الاخيره صاير يسافر دول مالها فايده على حساب المشاهد لانه تعود يتمشى على حساب الناس


نجي للموضوع الاهم

بخصوص موظفين القبول والتسجيل
بكل الدوائر الحكوميه تعاملهم معاك مجحف جداً
ولايعطيك حق ولا باطل ويقولك تعال أحسن
أظن السبب أجراءات أمنيه مشدده عبر المكالمات

^^^^^^^^^

انا مالي دخل بمحلاته وتجارته يالغالي انا اتكلم عن الاشياء اللي هو يتمنى وجودها لدينا وهي اشياء من اقل حقوقنا

مثال بسيط هالموظف اللي بالقبول والتسجيل والاخلاق الخايسة ليش الحكومة موظفتهوتدفع له فلووس وهو يكلم الناس بطرف خشمه كننا نطلب منه فلوس مع ان من حقنا عليه انه يرد ع استفساراتنا ويرحب ويهلي فينا لانه ماوضع هنا الا لخدمتنا
مثال بسيط موظفين شركة زين وموبايلي الكول سنتر

لو مثل هذا الموظف كان باحدى دول العالم الاول او الدول اللي تهتم بخدمة العملاء وش بيسوون فيه

ناظر الجانب الايجابي من برنامجه مو الجانب السلبي يااخوي وش دخلنا بتجارته رح لطريق العليا وشف كم علبة المويه رح الفيصلية وشف كم سعر فنجان القهوة وش معنى ماتكلمتوا الا ع هذا الا يتمنى بس ان لانرى الفساد وياتي بالاشياء الجميلة عند الناس الاخرى ويتمنى تطبيقها لدينا ولا مانع من تطبيقها لادينا ولا عرف

اختلاف في الراي لايفسد للود قضية

^

ياخوي اللي بالعليا وبالتحليه تجار جشعين وماتكلمو عن شيء وجالسين ينهبون الناس وساكتين

بس أنت لما تشوف شخص يقول بالتلفزيون شيء ويطبق شيء ثاني تتاكد أن ماعنده سالفه
بس بربره على غير سنع وكيف راح الحكومه تطبق الافكار وصاحب الافكار مو مقتنع فيها


أما بخصوص تقارن موبايلي والاتصالات ب تسجيل حكومي
بقولك فيه فرق كبير
هاذي وظائف عسكريه حكوميه لازم يكون فيها سريه وماتكون بالتليفون
حتى لو كان سؤال تافه
لان أنت وغيرك ممكن على نياتكم بس فيه ناس مزروعين من دول أخرى
وحنى ولله الحمد نمشي مؤخراً باستراتيجية من خاف سلم