ابغى اشتغل متطوعه مابغى راتب بس ابغى خبره

طموح المتفائله · #1 (**permalink**) 15-08-2011, 08:04 PM

السلام عليكم ورحمة الله وبركاته
كيفكم يااخواني وخواتي
زي مو واضح بالعنوان انا ابغى اشتغل متطوعه باي مجال وربي تعبت من الفراغ احس اني مالي داعي بالحياة ابغى احس اني عايشه لي اهميه بالحياة
فكرة اتطوع بدار الايتام احب اساعد واحب الخير بس موب عارفه كيف ووين مكانهم بالضبط وهل يستقبلوني متطوعه ؟
طيب مافي بنوك توظف متطوعين عشان لو اكسب خبره عالاقل مو كل مانروح مكان قالو لازم خبره
تكفون ساعدوني وين احصل مكان دار الايتام والا المسنين ابغى اشتغل واساعد لو ماكسبت فلوس اكسب ذاتي واحساسي بانسانيتي
اتمنى احد يفيدني

السيدةالذهبية · #2 (**permalink**) 16-08-2011, 03:01 AM

يجي من يفيدك
انا والله نفس إحساسك>>ملل
مووووفقة

صريحة · #3 (**permalink**) 16-08-2011, 03:21 AM

الله يوفقكم ان شالله ويرزقكم الوظايف ...لكن هل جربتي رحتي لمدرسه اهليه وقلتي ابغى اصير متطوعه بدون راتب قولي امسك حصص الانتظار وغيره ..اكيد اذا صرتي بدون راتب راح يستقبلونك ...اما البنوك فاللي اعرفه ماتلاقين حتى لو متطوعه لانجي مجربه قبلك وانا معي دبلوم ومارضو اتطوع عندهم ..

هذي الارقام ممكن تفيدك ..

دار الحضانة الاجتماعية بالرياض4421532
دار التربية الاجتماعية للبنات بالرياض 4026498
دار التوجيه الاجتماعي بالرياض 4485698
دار الملاحظة الاجتماعية بالرياض 4917680
مؤسسة رعاية الفتيات بالرياض4025338

وهذا رقم دار الايتام بالرياض
رقمهم بالرياض 4966666 / 01

الله يوفقكم لعمل الخير ....دعواتكم

ساره مشعل · #4 (**permalink**) 16-08-2011, 03:27 AM

مراحب حبيبتي

جمعية ( واعي ) للتوعية والتأهيل الإجتماعي في الرياض بين مخرج 10 و11 خلف معارض قصر السيارات
ت/ 2782024

بالتوفيــــــــــــــــــــــــق غاليتي

طموح المتفائله · #5 (**permalink**) 16-08-2011, 05:38 AM

مشكورين جميعا الله يجزاكم الف خير

حكمه · #6 (**permalink**) 17-08-2011, 10:11 AM

أهلاً أختي حبيت أفيدك ببعض الامور
التطوع هو باب الوظيفة
منها تكسبين اجر وعلى نيتك ترزقين
تثبتين ذاتك للي تطوعتي عندهم وتكونين ع بالهم لو توفرت وظيفة سواء عندهم او عند غيرهم بيذكرونك
تقدرين ذاتك اكثر من خلال اللي تنجزينه كثير موظفات لكن ماينجزون شيء ولا يحسون بقيمة العمل اللي يأدونه
لكن لازم تحطين براسك شيء مهم جداً :
انك تتطوعين لانك تحبين العطاء مو عشان تستغلين وتعاملين كخادمه او ينظرون لك انك مسكينه
او تتطوعين في مكان او تساعدين دون اكتساب خبره نظرية وعملية بحيث لو عملتي مثلاً تمسكين حصص انتظار ايش المهاره اللي ح تكتسبينها مجرد ساعات توقفينها بفصل هل اعطتك مهارة الحديث بطلاقه ؟ لا
هل اعطتك مهاره التعامل مع الآلات مثل الطابعة والاجهزة الاخرى؟ لا

بعكس لما تتطوعين في مجال اداري او ارشادي الخ
وتكسبين مهارات في الحلول و التنظيم والسرعه ...