هلا أخوي عبد الله ..
نصيحتي لك ، أن تجعلها في عقار .. وتستثمرها لمدة سنة ، .. والفائدة ، تستثمرها في دينّات .. نقل خضار من مزارع الخرج ، الحوطة ، المزاحمية ، برك ، الأفلاج .. منها إلى سوق العزيزية بالرياض ، .. ،، وخلال انتظارك هالسنة أو السنة والنصف ، تكون أنت نازل ميداني تنظر في أسرار الدينات ، أو القلابات .. وتكتسب خبرة وبحثا ونظراً ، وتكوّن ملكة تجعلك تقدم بمبلغك الذي استثمرته دون تردد أو خوف ..

أرشح لك منطقة في محافظة ضرماء ، غرب الرياض .. مخططات العارضية . " ليس لي ولامتر فيها " .. لكن المنطقة مقبلة على نشاط مذهل والله أعلم ، .. متابع لها منذ سنتين .. أحد الزملاء عنده أراضي 10 آلاف متر ، اشتراها العام بـ 8 ريال .. وقبل أمس بايع المتر بـ 41 ... تعرف الأراضي الزراعية الآن في ارتفاع لوقف منحها من قبل الدولة ..

إذا صملت أو تبي تستفسر ، أخبرني أعطيك أرقام أصحاب مكاتب هناك ..
وتستفسر ، وإذا عزمت ، لاتحط الميتين كلها ، خل معك خمسين في البنك ، واستثمر 150 فقط ..

هذه وجهة نظري ، ..
والله يسعد قلبك ..
تحياتي ..

انـــا من رايـــي تشغلهــا في " التقسيــــط "

مبلغك يجيــب لك شهريــا 20,000 ريال

واذا دورت الأقســـاط مع راس المــال تكـــون فائدتـــك اكبـــر

علمــا بإن كل شــي بإسمــك : العقـــود + الشيكــــات + الكمبيالات

السلام عليكم القلاب ماعندي اي فكره بس لاتنسى كم ساعه يشتغل في الشركه هل الكثر السعات يضر القلاب او لا المهم 00عندي للك شغل اكثر فائده وحللك قدامك وتابعه في الجوال شغل فن حط لك وايت ماء *** صدقني تبي تبلش في الزبائن دخلك شهري انشأ الله 7000,,,اذا كان السوق نائم وكرم العامل يكرمك لو تبي تشوف اخطاء منه بس وسع صدرك لو قدر الله طفشت الموتر معك وبيعه ترجع افلوسك 0000لو تحطه في اي موقع جاك زبأن سهل وخفيف

الله يوفقك يا اخوي عبدالله

يا طويل العمر انا خالي اشترا تريله بـ 170 الف ماجرها على شركه بمبلغ 20 الف الشهر
جلس سنه واشترى تريله ثانيه وصار ياجرها على الشركات الي ماسكه مشاريع يعني مثل جامعه نورة
وطريق الملك عبد الله الزبده مشاريع وتكون باسعار حلوة جدا يعني يكون اجارها باليوم 1000 ريال 1500 على حسب يعني في الشهر
30 الف تجيك بس يكون التصليح والخرابات والزيون عليك اما الي ماجرها على الشركه هم متفكلين بكل شي وفوق هذا تامين
والشركات الي تستاجر
1/ البابطين
2/ الفخاريه في الصناعيه الثانيه <~ هذي الشركه الي خالي ماجر التريله عليهم
3/ الفنار
واي اسئله ثانيه انا تحت امرك
وشكرا

مشكلة الشركات الكبيره الي تستأجر المعدات الثقيله
لازم يكون عندك واسطه على شان يستأجرون معدتك
لان دخلها ذهب ومضمون وانت مريح بالبيت
فكرة بهالمشروع أول وحاول أكلم كذا شخص ينفعني
بس للأسف الكل نفسي نفسي محد أفادني او ساعدني

وعليك السلام ورحمة الله وبركاته

انصحك ياخي بالإبتعاد عن القروض الربويه والله ثم والله ثم والله ان مافيها بركه .. وخسارتك مضمونه لأن الله عز وجل نهى عن الربا .. ابتعد كل البعد عن كل ما يغضب الله سبحانه فستجد السعاده والسرور والبركه في مالك والله العظيم .. حلال قليل افضل من حرام كثير .

وفقك الله

السلام عليكم ورحمة الله وبركاته
ياخي انصحك تاخذلك< بلك> مادري عاد انتم اش تسمونها هي الي تشيل الاسمنت الرايب <الذائب> انا فية شخص يعلمني يقول اجارها الشهر 20الف ريال وهو لة صاحب يستأجر بلكات واللة يرزقك ويرزقنا وياليت الي عنده خبرة يفيدنا باسعارها

أخوي الحارث همام

إذا كنت تعرف مزارع تحتاج لنقل إنتاجها تبلغني