السلام عليكم ورحمة الله وبركاته

اخوتي الأفاضل

انا و اهل بيتي في مشكلة تهدد حياتنا بأي لحظة ..

لدينا اخ مصاب بمرض نفسي اسمه انفصام الشخصية وهو معروف للبعض و منتشر بالسعوديه بشكل كبير ونوع انفصامه ضلالي .. اي لا يستطيع التميز بين الحقيقه والوهم يخيل اليه اشخاص من العائله وخارج العائلة يلقنوه كلاما ويعيشون معه ويرافقونه طول الوقت و اخي لا يسمع الا لتهيائته و للأسف مسلم نفسه تماماً للأوهام ..

آخر مره حاول قتل ابي وحاول قبلها ضرب اخوتي في رؤسهم بالعصا وبأشياء اخرى حين نقلناه المستشفى ( حقيقةً لم ننقله بل نقل بواسطة عمله اذ كان يعمل في العسكريه وهم من نقله لمستشفى اشهار بالطائف) تنوم هنالك لعدة اشهر وعاد بعدها سليماً معافى وطلب منه ان يستمر بتناول دواء مخصص لمرضى الفصام لكن اخي كان متضايق من الدواء جداً لأنه يسبب الخمول والنوم و فاتح لشهيه وذلك سبب له السمنه فحاولنا اقناعه بشتى الطرق حتى استجاب ولكن وقف في مسألة الزواج اذ ان انه باستمراره على العلاج يحدث له عقم مؤقت اثناء استخدامه الدواء ويعود لحالته الطبيعيه اذا اوقفه .. فتوقف عن اخذه دون علمنا...

وهنا بدئت المطاردة من مدينه لمدينه بالسعوديه حيث كان اخوتي يتنقلون معه ويغيرون اعمالهم ليكونو قربه ... و حين حضر الى البيت هدد ابي بالقتل بالسكين والعصا و طلبنا شرطة الطوارئ في البدايه قبض عليه بتهمة العقوق وحين تبين مرضه امر له الشيخ بدخول المستشفى وكان اخوي وقتها مسجون بسجون جدة ... الشرطة لم تستطع ادخاله لمستشفى اشهار بسبب إزدحام المكان وقلة الأسرة ..وكانوا يرفضون طلب الشرطه دائماً كما كان يحدث معنا بالسابق ... و كنا وقتها نسعى في نقل معاملته من الأرشيف لإدارة السجون و هكذا حتى ينقلونه المستشفى و آخرها اننا قدمنا معروضاً لإمارة المنطقة كي نحصل على المساعده وفي نفس يوم وصول المعاملة لشرطة ..

تفاجأة في الساعة 2 من صباح يوم الأثنين انه يدق الباب والله ما استوعبت ولما قعدت اقول من تقول رد علي انا فلان اخوكي افتحي الباب ... لا احم ولا دستور فجأة طلع من السجن ودق باب البيت بنفس اليوم اللي راحت فيه معاملة الإمارة لمبنى سجون جدة ..(يبون يخلون مسؤليتهم من القضية) والله اترعبت الحمد لله اخواني كانو موجودين مارضيت افتح خليت اخواني يفتحون له الباب ورجع يهدد ابويا ثاني ..

طبعاً اخواني متناوبين عليه واحنا نراقب الوضع .. بس بذمتكم هذي عيشه ... احنا قاعدين نقفل البيبان علينا جوا الغرف ونخاف ننام ليطن براسه شي ويمكن يؤذي احد مننا.. والله اني اكتب الموضوع والأعصاب عندي من جد تالفه ...

ارجوكم المساعده ..

اذا في احد يعرف ناس بمستشفى الأمل او اي مستشفى للحالات النفسيه يكونو يعرفون كيف يتعاملون معاه .. احنا عندنا دواه لسى بس الدوا الحين ما يفيد حيخليه يتخدر وينام بس ... اهو لازمه تنويم وفي ابر معينه ياخذها لوصل هذي المرحله .. عشان يسترد وعيه وعقله ويصير يفكر بطريقه طبيعيه ... الحين والله احنا منجد خايفين منه .. ارجوكم لو تعرفون احد كلمولنا اياه يدبرلنا سرير عشانه والله تعبنا غلبنا ...اخواني حتى لو كتفوه واخذوه المستشفى بيرجعونا بسبب الإزدحام الشديد واخويا المريض بيحقد و المشاكل بتكثر ...

اذا لقيتوا احد يدبرلنا سرير فاعطوني رقمه على الخاص اعطيه للوالد عشان يتفاهم معه على الطريقه ..

ارجوكم ساعدونا ...

ان شاء الله تلاقي من يساعدك

للرفع

ياناس يا عالم ما فيه شي اسمه نفسيات ابد
ياناس هذا اللي يحصل للأسف لإخواننا السعوديين الابتعاد عن الدين الابتعاد عن الاذكار الابتعاد عن العبادات

والله يا فتاة بالنسيان نصيحة لك شربوه ماي مقري واقروا عليه الاذكار
ترا فيه سحر اسمه توهم وحاليا انتشرت الاسحار هذا الشيطان يوسوس له ارجعي لكتاب الله علاج لكل الأمراض
واسهل الله بمنه وكرمه ان يشفيه مما اصابه
ولما ينام من بعيد انفخي عليه وقولي اللهم اني استودعتك جسده
ولا تنسينه بصلاة الليل هذا اخوك ترا ان كثر من الادوية وما وراها الا الدمار بس تهديه دقايق وبعدها يرجع اكثر تعبان
اتبعي سنة رسول الله صلى الله عليه وسلم في الرقية
اكيد مسكون بجن
وفيه شريط للرقية خليه شغال بالبيت وسورة البقرة دايما في البيت اقريها وعسى ربي يعجل بشفائه يارب ويسعدك امك ويريحكم من التفكير

معروفة اللي يبتعد عن الفرائض يعيش عيشة ضنكة

والله محد ضيعنا الا الطباء النفسيين اعرضوه ع صاحب دين مطوع
تخلون كتاب الله وتروحون لأدوية كيماوية بس مجرد مسكنة
من متى عرفنا سوالف الاطباء النفسيين؟؟؟؟
قبل ما كنا نعرفهم لأنه متمسكين بالصلاة والابو يشد ع عياله بالصلاة واللحين العياذ بالله المساجد ما تمتلي الا بوقت الامتحانات

يا ناس الله يخليكم اتمنى انكم ما تنسوا الموضوع نحن نعيش بدوامه مغلقة لو احد يعرف لنا اي شخص ممكن يدبر لنا سرير بأي مستشفى للأمراض النفسية نكون لكم من الشاكرين

احنا اللي ندر عليه الحين نسايسه بس ما عندنا حل ثاني بس النفسيه بدت تضيق والله