السلام عليكم ورحمة الله وبركاته

عندي مشكله توظفت في شركة خاصه براتب 2000 ريال من اول شهر ماستلمت انا والبنات الى معاي ولا راتب عذر المدير مشاكل في البنك والرواتب اصبررروا وكان العمل ضغط علينا واستمرينا 4 شهوررر وماشفنا شي

ادري المفروض انو نترك من الشهر الاول بس كنا بحاجه العمل غير كذا كل المراجعات وامور الشركة في وجهننا انا والموضفات وش الحل ابي رواتبي

وين اروح اشتكي دلوني خاطبت مكتب العمل ماهتمواا في امري بليز ساعدوني رواتبي من حقي كيف اخذها

إيش بهم الشركاآآت صاروا يستغلوون ..؟؟؟وإيش فايدة التنمية ماتراقبهم ..؟؟

أختي ماينفع تكلمي التنمية البشرية خاصة إذا كانت هي اللي وظفتكي ؟؟

حسبي الله ونعم الوكيل .....

يارب أحد يفيدك ويرجع حقك ...

أسأل الله أن يعطيكي سؤلكي ويحقق أمنيتكي حتى ترضي ويرزقكي من حيث لاتحتسبين وجميع المسلميين ...آآمين ..

الله يعطيكي العااافية ...

منووووورة

امييييييييييييييييييين الله يسمع منك بس انا موظفه بالشركه مو مسجله بالتامنيات الاجتماعيه اول وظيفه لي حسبي الله عليهم

بقول لك قصة صارت لي شخصيا
قبل سنتين كنت في روضة اهليه وكانت في حي راقي وماعطانا رواتبنا من أول شهر والله بداية السنه وأولياء الأمور كانوا يجون مع الاطفال وسوينا اضراب يوم واحد بس محد داوم والروضة فيها تقريبا حدود 100 طفل والله حطيناه في موقف ما ينسااه ابداا , الامهات انصدمو محد موجود غير المستخدمات غير كذا في اطفال انسحبوا كثير وصارت سمعة الروضة شي شي عارفه وش سوا اتصل علينا شخصيا وقال ارجعوا صح وقعنا على تعهد انو ذا الشي ما يتكرر بس هو بعد ما كررها
مثل ما قلت لك اتفقوا ولا تدامون بس بلغوه بالأول مو تقولون بنسوي اضراب ويدبر غيركم >>> ذكيات لا قولوا نبي رواتبا واذا قال انتظروا او جاب عذر >> اليوم اللي بعده اضراب على طول يعني اذا كملتي سنه بيعطيك الراتب مثلا ؟؟
ياشيخه هي خاربه خاربه اذا اتصل عليكم كان بها خير وبركه واذا ما اتصل ترا ما تفرق انتي كذا كذا تداومين من غير راتب
اما وين تشتكين فما أدري والله اذكر مره قلت لخالي عن مشكله لي وهو شغال في هيئة الرقابه والتحقيق وقال ولا يهمك بحلها لك بس انا موظفه حكومي والأهلي ما ادري عنه انا راح اسأل واشوف واتمنى الشباب يفيدونك
وبالتوفيق يالغلا

ايووووووووو احنا الان مانداوم لنا 3 شهووووووووووور وهم مطنشين عادي كل يوم نتصل عليهم يصرفونا وش نسوي شكلهم مايبون عطونا رواتبنا حسبي الله عليهم

اخذي رقم التامينات ودقي عليهم وبلغيهم قولي نبي مفتش او موظف من عندكم يجينا وراح يرسلون وياويلهم اذا لقوكم مومسجلين بالتامينات ودقي على مكتب العمل تبع مدينتك واطلبي مديرهم وراح يكلمك ويرسل مفتش ترى احنا سويناها مرة وتسنعوا لانه راح يقابلونكم انتوا يالبنات ماراح يهتمون لكلامهم بيسمعون منك حتى تاريخ العمل متى اشتغلتي بيثبتون اللي انتي تقولينه بس لاتسكتين موقع التامينات موجود بالنت حتى فيه حق البلاغات اذاكنتي مو مسجلة عنهم تبلغين اوكي وطمنيني www.gosi.gov.sa ورقمهم 8001243344

غزلان نجد الله يعطيك الف عافيه والف شكر لمساعدتك معي وانشالله اي شي جديد يصير معي راح ابغلك هنااا


الله يوفقك دنيا واخره


تحياتي ادعوولي

اختي طموحي
انا نفسك
توظفت بشركه واخذت شهرين ماستلمت ولا ريال
وحاولت قدر الامكان
واشتكيت بكل مكاااااااان محد عطاني وجه
مكتب العمل وكل مكان بس مااخذت حقي
والمشكله معاي عمال جالسين ع 5 شهور ولا ريال استلمواااااا
والمشكله تتصل عليه مدير الشركه يقول ابشر بس اصبر علي
وطلعت منه وللحين لي اكثر من سنتين وماستلمت ولا ريال
وانصحك قدمي شكوى انتي وصديقاتك اللي معاك
واكتبي بالنت وبكل المواقع عشان برضه يتعلمون غيرك انها مكان نصاب ولا فيه رواتب
والله يسر امرك

افضل حل تروحين تشتكينهم في امارت المنطقة اللي الشركة موجودة فيها والامراه راح تحلك الموضوع على طول لان مكتب العمل لا حياة لمن تنادي صدقيني عن تجربة ولا تروحين لوحدك روح مجموعه عشان يتفعلون معكم افضل والله يوفقكم .