اخوي نهر عذب منتظر جوابك للحين ياخوفي تكون المقابلات غدا لانه انا اختبرت امس

وسالنا اللجنه قالو انه الاسماء راح تطلع بكره ( اللي هو اليوم ) ولكن غريبه للحين لم

يطلع شئ في الموصع او ارسلو او اتصلو على احد ماادري شلون عرفت

دعوووواتكم ألحين بمشي للقويعية

مرحبا صبايا
انا رحت للقويعية أمس << ياااااابعدها
المهم ايش اللي حصل
كان بس مطااابقة اوراق
وقالووووا تمشوري لنا مررره ثانية يوم السبت عشان الامتحان والمقابله
< قسمي انقلش < عارفه احد وده يسأل

الموووهيم في ورقتين مريبة < هع
في تعهد تنك تكملين معهم ماستر في المكان اللي هم يختارونه لك يعني لوو يختارون لك اميركا تطلعين غصب
وتعهد ثاني انك خمس سنووات ما تطالبين بالنقل من كلية القويعيه وعشر سنوات ما تطالبين بالنقل من جامعة شقراء

وبس

موفقين

انا بعد وقعت على نفس تعهدك يامنيره


بس صراحه ضاق صدري يوم وقعت يعني وش هذا مستحيل انقل من القويعية لمدة خمس سنوات ؟؟! يعني ديره نائيـه وش نبي فيها نجلس نمشور هالمسافات كل يوم .. : (



والله شكلي بهوّن واخلي لهم كليتهم المحقاا


منيره وش تقديرك :$

^

الله يوفقكم يارب ويكتب لكم اللي فيه الخير

جزاك الله خير اختي الاجر على الله .. بس مدري من جد محتااره مادري هل اسوي مقابله او اسحب عليهم قبل اتوهق :

^


نصيحتي لك سوي مقابله , أقلها تاخذين خبره في المقابلات حتى لو ماقبلوك
وسالفة الخمس سنوات لاتسبّب لك عائق !
ماتدرين وش يصير ممكن تكملين دراستك ممكن يحصل ظروف

توكّلي على الله وسوي المقابله واذا ربي كاتبها لك بتتسهل وتتيسر

مشكووره الاجر على الله على المشاركه الوجدانيه :$


بستخير وبشوف اذا اروح لهم السبت والا اتركهم .. لإن سالفة عدم المطالبه بالنقل والتعهد عليها مررره مالها دااعي ..! يعني نقعد نتشحطط كل يوم مشوار ولمده طويله ..!

والله ياهالقويعية اثرها بعيده .. انا بغيت ابتل لمكه اخذ لي عمره على الدرب ههههههههههه .. اااخ يبيلها مشوارن ثاني يوم الاحد مقابلتي بحول الله ..

اورا .. مالتس داعي ماتروحين زي ماقالت ميسيز الأجر على الله اقل شي بتكون خبره بالمقابلات .. ازين شي تسذا ترا لما تصيري ماتبين الوظيفه وجاية بس تطقطقي على العميده ووكيلة القسم ..

ومن ناحية التعهدات .. والله انها تقرص البطن ههههههه يعني خلاص ابنسى القصيم وبتصير القويعية هي ديرتي .. أنا أراوي بيني وبينكم ولكن ابحظر بحول الله وبشوف اخرتها معاهم ..

طيب سؤال .. الحين لما تكسر احد التعهدات .. مثلا خل نقول ماارحت اكمل دراساتي .. تتوقعون يمسكونن مع لياقة ثوبي وهمن آووووت مع الباب .. انا الي اعرفه انهم يحولونك اداري بس تتوقف العلاوات بس منيب متأكد

دعواتكم لنا بالتوفيق