شكرا جزيلا ,

والله يكتب لك اللي فيه الخير , ماتدري يمكن تصير من نصيبك حتى لو انه منافخ عليك

الله يعينك ويسهل لك ويوفقك

هلا والله ومرحبا اعززائي



لاتشرهون علينا تأخرنا ماكتبنا لكم وش صار معنااا لإننا والله عشنا يوم عصيب وكافحنا بشكل عجيب



لكم ان تتخيلوا اننا في كلية المجتمع من الساعه 8 الصباح وماطلعنا منها الا الساعه 5 العصر ووصلنا لبيوتنا على اذان المغرب... قمة التعب.. قمة عدم التنسيق وعدم النظام في هذه الكليـه


اختبرنا تحريري تقريبا الساعه تسع... والمقابلات بدأت الساعه وحده الظهر


اول شي قسم محاسبه ثم حاسب واخر شي انجليزي لإن عددهم كبير



تخيلوا وكيلة الكليـه + معيد الكلية + مجموعة دكاتره في التخصصات يسألون المتقدمات من خلال جوال الوكيلـه.. قمة التخخلف والتأخر ..



طبعا بما اني تخصصي لغه انجليزيه دخلت عليهم تقريبا العصر .. اول شي سألتني الوكيله اسئله عامه

- كم عدد دول اسيا ؟؟
- كم عدد دول افريقيا ؟؟
- ماهي عاصمة اليونان .. عاصمة بريطانيا؟؟ عاصمة النمسا ..؟ ماهي اخر الدول انضمام للدول العربيـه ؟؟ تكلمي لي عن اهم شي درستوه في الحاسب واشرحي نظم تشغيل الحاسب ؟..




بعدها سألتني الهنديـه ؟؟
- عن اهم المواد اللي درستها في الكليـه ؟؟
- كيف اوصل المعلومه للطالبات ..؟
-قالت لي تكلمي عن الادب الانجليزي واذكري كم روايـه ؟؟
- كيف تجدين نفسك بعد 5 سنوات ..؟ قلت لها اني ابي اكمل دراستي والخ .. ناظرتني بنص عين وقالت ابيك تقولين نفسسسك بعد 5 سنوات .. يعني ماله دخل عملك ( بصراحه هي غبيه يعني انا مرتبطه بعملي وكذا )
-قالت لي عن طريقه اسمها غريب باللغه الانجليزيه طريقة تدريس يعني .. قلت اتوقع انها حديثه وغير تقليديه وكذا وقالت اي تقريبا
- قالت لي وش اكثر شي كنتوا تدرسونه في الكليه ( لغويات - ادب انجليزي او طرق تدريس.) قلت طرق تدريس وعشان كذا استرسلت في الاسئلـه
قالت يعني مادرستوا ادب.!؟! قلت الا بس شوي هههه عشان ما اتوهق لإنها تعمقت في الادب لبعض البنات
- والله سئلتني اسئله كثيره ومتشعبه وفرقي بن التارقيت لانجويج والسورس لانجويج وكذا
- قالت لي وش الفرق بين intonation--stress وكتبت لي كلمه قالت حددي وين الستريس وكذا

بعدين اخذت الجوال وكلمت العميد : قال لي عطينا نبدذه مختصره عن سيرتك الذاتيـه : قلت له انجلش والا عربي تبيها ؟! قال لا ابيها عربي ؟ وقلت له نبذه ههه
بعدين قال لي وش تحبين تدخلين اي مواقع واذا انتي عالنت وش تحبين تفتحين ..؟ وجاوبته
قال طيب وش تنصحينا بموقع.؟
وقال لي وش تفضلين تدرّسين..؟ قلت له عادي اي تخصص اهم شي انجلش... قال لي لا ابيك تحددين .. قلت له طرق تدريس ..


بعدين جاني مصري مدري اردني بس انه مره حبوب ولطيف <!
سألني اسئله بسيطه عن اللغه .. نسيت وشي بالضبط بس كان ياخذ بأٌقرب اجابه ويشكرني بعد كل جواب

سألي عن اللغويات وكذا

بعدين قال لي وش ناويه تسوين مستقبلا وكذا

وسألني كم سؤال بعد عن شخصيتي وكذا وقال لي اخر شي ثانكيو فيري متش خخخ

بعدين مسك السماعه العميد : وقال لي علميني وش انظمة تشغيل الحاسب الالي .!؟

عاد انا فهيت شوي وجاوبته بس اتوقع جوابي خطأ هههههه

قال لي نتمنى لك التوفيق وحياك الله :$




هذي الاسئله اللي تحضرني واللي اتذكرها .. بس من جد كان يوم عصيب ومليء بالمغامره والكفاح في سبيل الوظيفه

بصراحه تعرفت على بنات كويسات جدا جدا


الله يوفقني وياهم جميعا ويكتب لنا اللي فيه خير وصالح

^

الله يوفقك اورا من جد مافيه تنظيم بس حنا عكسكم قهونا ولا طولت عندهم وماجلست اكثر من ربع ساعة ومشيت للديرة


بالتوفيق يارب للجميع

انت رايح اي كليـه !؟