[جامعة شقراء ] تجمع المتقدمين على [الوظائف الاكاديمية]

إلى أين · #**211** (**permalink**) 17-09-2011, 12:10 PM

السلام عليكم

الله يعطيكم العافية

أنا مقدم على وظيفة معيد بكلية العلوم والدراسات الإنسانية بالقويعية

حاسب آلي (برمجة)

هل من أحد يفيدنا عن الوضع كيف صاير اليوم

أنا بروح لهم إن شاء الله يوم الإثنين علشان الأوراق
علشان أجمعها مع يوم الثلاثاء اللي هو المقابلة الشخصية

وبرضه يا ليت حد يفيدنا عن اللغة الإنجليزية شو المستوى المطلوب

وأيضاً .. هل يوجد فنادق في القويعية

لأني باخذ العيال وامهم في نزهه إن شاء الله

وش سالفة البعارين ذي اللي تتكلمون عنها ؟؟؟

تحياتي لكم

عاطل انتظر الفرج · #**212** (**permalink**) 17-09-2011, 02:27 PM

اووما بتاخذهم لنزهة ؟؟ يالطيب تراك منتب رايحن لهاواي .. بتروح للقويعيه ههههههههه .. مع احترامي الشديد للديره واهلها : D ..

بالتاكيد فيه فندق بجنب كلية المجتمع بالقويعيه شكله طيب

والبعارين تعتمد من وين انت جاي .. كانك من الرياض فمافيه بعارين لانه سريع .. ولكن الي جاي من شقراء بيشوفها بكثره لانه طريق زراعي سيد واحد ولابد تتوخى الحذر

الانجليزي اتوقع بيكون لها تقييم .. .. بيشوف اذا تقدر تاخذ وتعطي بالانجليزي
بالتوفيق

عاطل انتظر الفرج · #**213** (**permalink**) 17-09-2011, 10:02 PM

وعووووووه

اورا , معيده ... وينكن .. شكلهم ابدعوا بالاختبار .. وينكم قولولنا وش السالفه ووش صار معاكم اولاه .. ترا تقل ان الوحشه بدأت تدبو إليً

الأجر على الله · #**214** (**permalink**) 17-09-2011, 11:12 PM

عاطل اقف احتراما وإجلالا لـ (تدبو )

fs سؤال اولاه وش سالفتها ؟

الله يستر والله توقعت انهم كتبوا وش سووا
لكن ان شاءالله المانع خير

انت متى دورك نحتريك :D

عاطل انتظر الفرج · #**215** (**permalink**) 17-09-2011, 11:55 PM

انا توي حابن راس اميمتي وقلتله تدزعدن الفجر وتزبط هالقهوه ومن هالسكري .. واوقف عند البقاله واخذ قشطه المراعي وهمن دزز يالذيب 400 كيلو .. توهم دازين لي رساله يقولون لاتنسى المقابله .. قلت بقلبي بلاكم ماكود صرتوا عاطلين .. ابحط عشر منبهات عشان اقوم .. من كثر هالوظايف عشان اسحب عليكم .. دعواتس ياآانسه "الأجر على الله" .. الصدز المفروض الاداره تحط تحت اسمتس .. خبيرة رفع معنويات وشحن همم .. اسأل الله لكي التوفيق والسداد ..

بس صدز وين هذولا ماجوا .. الله يستر والله اني بديت اخاف .. ابخطم هنا الفجر قبل لاروح وبشوف الوضع .. مع السلامه بمخمخ نوم

الموصول · #**216** (**permalink**) 18-09-2011, 01:25 AM

اخواني انا كلموني الجامعة امس الظهر بخصوص وظيفية مساعد إداري بس ما قالوا لى المكان

وين و لا وش المطلوب مني من اوراق ي ليييييييييت تفيدوني لو سمحتوااا

عراب الحب · #**217** (**permalink**) 18-09-2011, 03:51 AM

سوينا المقابلة بكلية الهندسة صباح السبت والله مدري قالي اذا كان في نصيب نكلمك مارتحت لكلامة الله يعين بس

الأجر على الله · #**218** (**permalink**) 18-09-2011, 06:29 AM

اقتباس:

المشاركة الأصلية كتبت بواسطة عاطل انتظر الفرج

انا توي حابن راس اميمتي وقلتله تدزعدن الفجر وتزبط هالقهوه ومن هالسكري

.. واوقف عند البقاله واخذ قشطه المراعي

وهمن دزز يالذيب 400 كيلو .. توهم دازين لي رساله يقولون لاتنسى المقابله .. قلت بقلبي بلاكم ماكود صرتوا عاطلين .. ابحط عشر منبهات عشان اقوم .. من كثر هالوظايف عشان اسحب عليكم .. دعواتس ياآانسه "الأجر على الله" .. الصدز المفروض الاداره تحط تحت اسمتس .. خبيرة رفع معنويات وشحن همم

.. اسأل الله لكي التوفيق والسداد ..

بس صدز وين هذولا ماجوا .. الله يستر والله اني بديت اخاف

.. ابخطم هنا الفجر قبل لاروح وبشوف الوضع .. مع السلامه بمخمخ نوم

هههههههههه الله يسهّل لك ويوصلك بالسلامه
ويارب يفتحها عليك ويسخّرهم لك ,
كويس يرسلون والله انهم ذوق <متعقده

وشكل البنات انتحروا

بالتوفيق

بانتظارك تعلمنا وش سويت

الأجر على الله · #**219** (**permalink**) 18-09-2011, 06:31 AM

اقتباس:

المشاركة الأصلية كتبت بواسطة عراب الحب

سوينا المقابلة بكلية الهندسة صباح السبت والله مدري قالي اذا كان في نصيب نكلمك مارتحت لكلامة الله يعين بس

الله يكتب لك اللي فيه الخير
ممكن تكتب لنا تجربتك

الأجر على الله · #**220** (**permalink**) 18-09-2011, 06:32 AM

اقتباس:

المشاركة الأصلية كتبت بواسطة الموصول

اخواني انا كلموني الجامعة امس الظهر بخصوص وظيفية مساعد إداري بس ما قالوا لى المكان

وين و لا وش المطلوب مني من اوراق ي ليييييييييت تفيدوني لو سمحتوااا

يا اخوي هنا الوظايف الاكاديميه , الإداريه لها موضوع ثاني

موفق

[جامعة شقراء ] تجمع المتقدمين على [الوظائف الاكاديمية]

إستفسارات ونتائج الوظائف المدنية

السلام عليكم ورحمة الله هذا الموضوع راح يكون تجمع للمتقدمين على جامعة شقراء للوظائف الاكاديمية اخبار ~ مستجدات ~ نقاشات واللي عنده اي جديد ياليت...

[جامعة شقراء ] تجمع المتقدمين على [الوظائف الاكاديمية]

تسجيل الدخول

[جامعة شقراء ] تجمع المتقدمين على [الوظائف الاكاديمية]

إستفسارات ونتائج الوظائف المدنية

السلام عليكم ورحمة الله هذا الموضوع راح يكون تجمع للمتقدمين على جامعة شقراء للوظائف الاكاديمية اخبار ~ مستجدات ~ نقاشات واللي عنده اي جديد ياليت...

[جامعة شقراء ] تجمع المتقدمين على [الوظائف الاكاديمية]