19-08-2011, 01:49 AM
|
 |
عضو مهم جداً
|
|
تاريخ التسجيل: Jul 2011
الدولة: الرياض
المشاركات: 654
معدل تقييم المستوى: 1107355
|
|
اسمع
لو اني ولد مثلكم اشتغلت عجايب ,كلش متاح عندكم ..
والشغل كثير بس من يصمل وانا اختك ؟؟
بعطيك افكار وانت شوف اللي يناسبك ..
1/ صل بمسجد قريب من سوق خضار لو انك بالرياض روح سوق الربوة وطقطق ع اللي هناك
لو ابيع لك هالصناديق كم لي ؟
تحتاجون احد يحمل لكم؟
ماعندكم لي شي اشتغله بأجرتي ؟؟
والشغل ابدا ماهو عيب ..
2/ شوف البقالات اللي جمبك ,مين اللي ينقصها عامل ..وكلم صاحبها (ابد الارقام وش كثرها)
انا مستعد امسك لك البقالة وامشي امورها بنسبة مثلا أو براتب انت تحدده؟
3/ اشتغل بالسعي وهاذي احتمال يجيك فيها 5000ريال وانت جالس
كل اللي تحتاجه لسان حلو وثوب نظيف ..
وعليك بمكاتب العقار والشيبان المليانة اللي هناك ,وفق بين البايع والشاري ..
مثلا تلقى لك شايب يبي أرض أو بيت في المحل الفلاني ..
قله لو اجيبها لك كم لي ؟,بيقولك اللي تبي..وهذه وظيفة تهبل..
عاد احفظ كل بيوت الايجار والاراضي اللي للبيع حولك عشان تتكلم وانت عارف وش عندك..
بعد فترة يجيونك اصحاب المكاتب يترجونك تشتغل لحسابهم ..
4/ لو جارتكم معلمة ,قل للمدام تكلمها ..لو تبين احد يوديك الدوام ويجيبك كل يوم ويفكك من صياح زوجك ومشاكله ..حنا نوديك ونجيبك ب1300بالشهر غير مشاوريك اللي تبينها ..
5/ خذ لابتوبك وطابعتك وروح مكتب العمل اواي دائرة حكومية مراجعينها يحتاجون طباعة واطبع الطلب ب20ريال وشف الخير اللي بيجيك ..
وربي ماحلفتني انا بنفسي شايفتهم ,عليهم شغل مو طبيعي ..
6/ اكتب إعلان بالمنتدى هنا ,انك معقب وفاضي تراجع دوائر حكومية ,واللي يبي اراجع له بشي يكلمني وهذا رقمي,ياكثر الناس اللي يحتاجون واحد يراجع لهم ويسوي لهم أوراقهم الرسمية ..
مافيه اسهل منها ,كل يوم تفطر كبده الصبح وتخلص اشغالك ومنها تكسب علاقات وناس تعرفك وفلوس بالهبل فوقها ..
اه بس ياليتني ولد
الله يوفقك يااخوي ويكتب لك الرزق الحلال ..
ادعيلي ..
|
العرض العادي
