[align=center]
[align=center]


السلام عليكم

كيف حال الشباب

قبل كل شي خذلك كوب شاهي واذا مدخن شب سيجارة وتخيلي قصتي لك وجاوب على سؤال الموضوع !


طبعاً شفت التقديم حقها تذكرت من زمان ودي اكتب هذا الموضوع

ليش بعض الناس بل الأغلب تكره المباحث العامة ..؟

انا حصلت لي سالفة من يوم تخرجت عام 1427هـ قدمت على المباحث وابوي بالمباحث وجاني قبول بعد الله ..!

طبعاً على جندي وفرحت بالقبول المبدئي وخلصت كل الاجراءات ولله يااخوان على مااقوله شهيد

انا من منطقة جدة ونفسي ازورالرياض حطيت بالتقديم الاجراءات بالرياض كان مفترض احط الطائف
بس قلت ابي اشوف الرياض واهلها ونعم فيهم ولله ناس اخلاقهم عسل العسل وطيبة القلب فيهم

المشكلة اللي تضررت فيها الفلوووس تخيلوا رايح جاي على الرياض اكثر من اربع مرات تقريباً من غير حق الفندق والاعاشة اجلس بالرياض بالثلاث ايام بالاربع ايام ...!

كلها بالاجراءات رايح جاي طبعاً كنت اسافر طيران ..!!

بعد ما خلصت كل شي ورجعت جدة خلاص انقبلت نهائي ما بقي الا الدورة مااادري وش صابني ما ارتحت لها ... !

طبعاً محلى النت الفضفضة ولا من يعرفك .., يمكن من الاسباب اللي خلتني انحاش عنها وما ارتحت ..!

حسيت ولله يااخوان بتنافر بعض الشباب مني وهذا انا لسى ما خشيت !!

قلت بنفسي ماعلي اهم شي احصل وظيفة بالحلال ولا راح امشي مع الناس ...!

حاولت اني اكمل فيها ما قدرت .. وصعبة ونفسية للانسان لما الناس تحسها تبعد عنك ..!

فآقدر الله وتركتها , ولله يااخواني ممكن من دون مبالغة اكثر من اربع مرات اتصلوا علي يبيوني اجي الدورة , طبعاً لا اعرفهم ولا يعرفوني جلسوا اللي يتصلوا علي عشان اجي الدورة قاموا ينصحوني اني اكمل وا وا الخ ...!

منجد ضاقت فيا وقتها نفسياً تعبت , صار عذري ابي اكمل دراسة , وفعلاً كملت دراسة واخذت دبلوم ومازلت ..!

والمعدل مساعد اني اكمل ان شاءلله اذا الله ماكتب لي وظيفة اقدر استقر فيها اخذ البكالوريوس الي ما الله يفرجها ..!

بس ولله اخواني الشباب اللي حسيتهم بعدو عني كنت اظنهم اقرب الناس لي اصحاب

اني ما ناسيها لهم , صرت ما اضرب لهم حساب حتى بعد ما تركتها

لكن ان شاءلله خيره ..!

بعدين كل ما اجلس مع اغلب العالم يسمعون موظف مباحث ولا استخبارات ينحشووون ..! هههههه

مرا جالس مع واحد من الشباب مدمن مخدرات هههههههه

قسم يا ياخاف خوف من كلمة مباحث

قلت له شوف (يد ما سرقت ما تخاف القطع ) هوا شك بنفسة وسكت

ولله لو نجي نحلل ليش الناس تكره المباحث تحصلوا ماشي بالممنوع يا انه حق مخدرات وسياسي ضد الدولة , الله يبعدنا عنهم

مستحيل تحصل انسان صووووفي يكره المباحث والاستخبارات !!

سامحوني ولله اكتب وما اخذت بالي خرجت شوي شوي عن الموضوع بس حبيت اذكر موضوعي افضفض بالقديم

انت ايها قارئ الموضوع سؤال الموضوع ليش الناس تكره المباحث والاستخبارات ؟


انا بحط راسي الان واقرا الردود العصر اذا الله احيانا ان شاءلله

واتمنى ما اجد الردود الغبية اللي هي اجمل تحية اتمنى ترد رد طيب زي الناس وتقول رأيك

اخوكم

[/align]
[/align]

الي يكره المباحث والاستخبارات
هذولا ناس عندهم وظيفه غيرها
وبعدين الواحد اذ جته وظيفه مثل هاذي
يحمد الله

امنيتى اخش المباحث

بالعكس انا احب المباحث
وانقبلت مره ورحت وجيت لهم بس الحمدلله ع كل حال لم يتم قبولي
ان شاء الله المره ذي ربي يوفقني
وانا بصراحه احب المباحث

ياخي مجنون من تجيه المباحث ولا الاستخبارات لحده ويرفسها

ياخي لو ادري ان امي وابوي بيسحبون علي ع شان الوظيفه هذي دخلتها ومع الزمن بيرظون عني لانهم عارفين الوظايف كل مالها تشح

وبالنهايه اطلع ع شان زلايب

قسم بالله لو تجيني وظيفه زي هذي اول ماصيد اخوياي اللي يبوني اطيح معهم بالخراب واللي ماربوه اهله تربيه الحكومه الله يعزّها

مع العلم الحمدلله انا صووف حتى الدخان مالي فيه وطبعا بعض اخوياي خربانين لكن قسم بالله انه يداريني مداراه عن الدخان فما بالك بالخراب
مثل هذا اشيله على عيني وراسي ولو ادري اني انفصل من وظيفتي
لكن مثل ماقلت لك في الزلايب اللي يبون يطيحونك بأي وسيله

والحمدلله تقريباعارف جميع زناوات الخربانين يعني ولا ابن امه يطيحني بخراب وانا مادري

وع العموم انتبهوا لنفسكم ياشباب البعض يستهون بالممنوعات

طولت عليكم

بالتوفيق

المشكله هذي مو من امس ولا قبله

هذي من زماااان ومشت عند الناس ان المباحث انسان يتجسس عليك واي شي يلاحطه فيك غلط يبلغ فيكِ

هذا تفكير الناس اول

وصااارت سمعه عند الناس اي واحد بالمباحث ماينجلس معااه

واكبر دليل يمشي لهم بدل سمعه


وانا والله لو يقبلوني وكيل رقيب لادخلها ماعلي من الناس

الناس ماراح تمشيلي مصروف

ياريت اتوظف في المباحث
وما علي من اخوياي المهم وظيفة شريفه

خلها تجي والله ماردها