السلام عليكم


هذه مجموعة مشاريع ممكن ان عملها ب500 ريال



العطور

ممكن ان تبدئي بشراء بضاعة عطور بالجملة وتوزعيها على قريباتك ليبيعوها ولهن نسبه بذلك تصلك الأرباح دون اي جهد

مثلا لو اشتريتي 50 علبة لوشن وكان تكلفت العلبة 10 ريال وحددتي البيع ب20 ريال وعطيتي قريباتك كل وحده 10 عبوات لتبيعهم ب20 ويكون لها 5 من الأرباح ويصفالك 5 مع ال10 راس المال يعني تكسبي 50 من كل وحده وبدون تعب



نسخ السيديات


نسخ السيديات بسيط ومربح ولا يكلف يحتاج كمبيوتر عادي مع اضافة عدد 3 سيدي رايتر تودي كمبيوترك عند اي محل صيانة كمبيوترات وتطلب منه اضافة ثلاثة سيديرايتر وقوله انها للنسخ وانك تريد أتعلم كيف تنسخ.....الامر بسيط وراح يعلمك....وبعدها تجرب تنسخ اي سيدي عندك راح يكون عندك ناسخ ينسخ 3 سيدي في وقت واحد.

بعدها اذهب لأي محل بيع أشرطة بليستيشن واعرض عليه انك تنسخ له اي عدد من ااشرطة البلايستيشن بأجرة ريال ونص على السيدي الواحد والخام من عنده ستجد انه مشروع سهل وممتع ومربح خصوصا اذا دخلت بنسخ الآلاف من النسخ


حضانة مصغرة

اذا كان عندك مساحة في بيتك .... جهزي مكان ليكون حضانة وتعليم قران كريم وقرائه وكتابة للأطفال واعملي بروشرات عن استعدادك لاستقبال الاطفال 3 ساعات في العصر لتعليمهم باشتراك شهري 300 ريال يحتاج منك الامر شوية اللعاب وسبورة وبعض ادوات التعليم ولن تصل ل500 ريال





تعقيب معاملات

راجع في الدوائر الحكومية لمدة اسبوع لتسأل عن طلبات اهم المعاملات التي يراجع بها الناس وبعدها اعمل ملصقات تعلن فيها انك مستعد لتعقيب المعاملات لدى كافة الجهات الحكومية واللصق الإعلانات بجوار البوابات الخارجية للدوائر الحكومية التي ترددت عليها....لكن احرص على الاستئذان من الأمن في هذه الدوائر.... المشروع فيه خير كثير وفيه تعب كثير أيضاً


يتبع


*

بيع الاي فون و الاي باد الصيني


في الحقيقة وجدت الآيفون والايباد و الايبود الصيني في السوق الصيني في دبي وفيه فرق سعر طيب عن اسواق المملكة

المشروع بسيط بس لا أصعبها على نفسك ..... اي قريب لك رائح دبي عده فلوس واطلب منه يجيب لك 5 حبات ايباد صيني اسعارهم هناك تصل ل200 ريال يعني بالف تكون عندك 10 حبات وتبيع الحبه ب320 ريال تكون حققت مكسب طيب

وهي انواع وأحجام وراح تلقى من وراها خير


زووم التصوير الآيفون


هو زوم تصوير لكنه مخصص الآيفون.......يتركب على الآيفون ويصور اللقطات البعيده وكانها قريبة....مطلوب لهوات التصوير وموجود في دبي بسعر 45 ريال للقطعة بالجملة وما ادري اذا كان موجود او لا بالمملكة لكنه مطلوب وفيه ربح طيب


*

[align=center]
الله يجزاك كل خير
[/align]

جزاك الله خير

نسخ السيديهات مجربها ورهيبه بس مكسبها حلو وتعبها كثير خاصه بالتوزيع ترى ممنوعه حتى لو هي تعليميه

العطور ابو يمن فتح محل بكل حاره وصار العطر عندهم برخص التراب بس هذا اول كان شغلها تمام قبل كم سنه

الله يوفق الجميع
لازم التجارب ماراح تنجح الى بالتجربه

شكرًا لمشاركاتكم الأخوة الكرام


نستكمل عرض المشاريع الصغيرة


- اذا كان لديك سيارة كبيرة اتفق مع محلات السوبرماركت ان تورد لهم يومياً الفواكة والخضروات التي يبيعونها.... قدم لهم اسعار جيدة واصبر على تحصيل اموالك منهم يومين وحاول ان تتفق حسب مقدرتك وبحدود رأس مالك وبالارباح ممكن ان تتوسع وتأخذ كذا سوبرماركت

المشروع يحتاج ٣ ساعات عمل فقط من بعد صلاة الفجر تذهب لمزاد سوق الخضرة وتشتري وتوزع على البقالات والسوبرماركت





-مشروع التوصيل بين المدن الكبرى .....كل ما تحتاجه هو ان توقف سيارتك في المواقف المخصصة بتوصيل الركاب من مدينتك للمدن الكبرى الرياض او جده او الدمام وخذ ركاب بالأجرة .... ادرس اسعار التوصيل وحاول ان تكسب صداقة اصحاب التكاسي في اماكن التوصيل وستجد خير كثير بأذن الله

فلو قلنا ان سعر التوصيل من حايل للرياض ٣٠٠ ريال مثلا و للعوده بمثله فهذا يعني ٦٠٠ ريال واخصم ١٥٠ ريال مصاريف يعني ٤٥٠ ريال ولو قلنا انك عملت بالشهر ٢٠ مشوار فقط فهذا يعني ٤٥٠٠ ريال



*

شـكرا لك وبارك الله فيك... لك مني أجمل تحية .

جزاك الله خير

وغفر الله لك ولوالديك وبارك لك في مالك وذريتك

الله يعطيك العافية
مشروع العطور بحكم عملي فيه سابقاً تصل ارباحه الى 450% وحولها بدون مبالغه حيث لاتتجاوز تكلفة القارورة الواحدة (لف وليس كبس للبخاخ) 5.5 ريال الى 7 ريال للـ 30 مل على حسب مشتراك للخام ، هذا وانت متوصي في الكميات والتركيز ، لكن تحتاج خطة وجهد تسويقي كبير جداً لكن في اخر هذا التعب بتذوق الشهد ان شاء الله .

نسخ السيديات مجال محتكر مليون بالمائة من بنقلاديشين وهنود وصعبة جداً تدخل بينهم ، وايضاً لها شروط ومتطلبات معينه في النسخ من سرعه محدده وغيره ، ولاتزعل مني لكن مبالغ شوي بسعر البيع خاصة مع ارتفاع اسعار المواد الخامة من سيديات وطباعة وغيرها .

التعقيب ممتاز للشخص الحركي مستعد يروح ويجي ويراجع في زحام الدوائر والشوارع اليومي خاصة انه في بعض الوزارات الموقرة لابد يكون متواجد من قبل الدوام بساعه ونصف تقريباً مثل التجارة الاحوال وغيرها .

الاي فون والايباد الصيني مشروع جيد لكن لابد تحط في بالك انه هوامير كبار الان داخلين فيه بإمكانك لو انت بجده تزور شارع فلسطين بتجد محل كبير متخصص بالامور الصينية غير التجار الكبار اللي يجيبون كميات وفي النهاية تجدها كلها متراصة في العرض عندهم لذلك لابد من خطة تسويقية ممتازة بحيث تقدر بعون الله تحقق الهدف اللي انت محدده .

زوم الايفون الله اعلم عنه .

توريد الخضار لابد ان تكون واجهتك اجنبي في هالعمل ، وصعب جداً تلقى اجنبي يقبل يسويها لك براتب او نسبة خاصة ان هالمجال محتكر من جنسيات معينة واغلب العاملين في محلات الخضار والسوبرماركتز يحبون يتعاملون مع جنسياتهم فقط ، لابد تضمن العميل قبل ان تدخل في هذا المجال وحبذا لو يكون لك قريب عنده مشروع من هالمشاريع وتتفق معاه وتبني سمعة طيبة بحيث تنشهر وتنطلب بالاسم .

مشروع التوصيل اذا الله خارجك من المخالفات انت بخير ونعمة لكن فيها كرف تحتاج شخص صبور ويتحمل .


الله يوفقك انت والقارئين والمعذرة منك اذا ازعجك كلامي .

الافكار حلوة.. يعيطك العافيه