السلام علكم ورحمة الله وبركاته

عسى الله يتقبل طاعتكم

وعيدكم مبـآرك مقدمـآ

المهم انا سمعت من احد الموظفين بشركة الفرسان للحراسات ان فيه نقص كبير ويبون موظفين وقلت اروح اقدم ,,

ورحت قدمت وعلى طول قبول فوري والحين ادوام معهم بأحدى فروعهم بالاحسـآء

ودوامها فيه 8 ساعات وماتطلع الى الجمعه بــ 1500 ريـآل

وفيه 12 سـآعه وماتطلع إلى الجمــعه بـــ1800 ريـآل

وفيه شفتات بنفس الراتب وعلى حسب المحل اللي تستلم فيه تنسق انت واخويـآك

والتقديم على شـآرع الظهران كنك رايح للدمـآم

اخر اشاره رقميه بشارع الظهران بتحصل قبلها على يدك اليمين عماره لونها أصفر وموقعها قبل محطة البانزين ,,

ادخلها ورح اخر دور تحصل مكتب التوظيف للشركه قدم اوراقك وأن شاء الله القبول فوري لانهم يبون موظفين هنا وببقيق ,,,

وهذا رقمهم 035305887

والله يوفقكــــم

مبرووك الوظيفه
والله يجزاك الخير

شـكرا لك وبارك الله فيك... لك مني أجمل تحية .
ملعوب علينا حنى يا اهل الحساء الرواتب كل قليله
يعني ايذ تبي السج الواحد يشتغل في الدمام ابرك له
ولك مني اجل تحيه

الله يرزقنا جميعا
لاكن يا اخوان بالله 1500 ايش تسوي مصروف ولا لبس ولا بنزين سيارة او تكسي يا اخي حرام رواتب البنقال احسن

ما اقول الا الرزق على الله وهو بيرزقنا احسن منها

وعليكم السلام ورحمة الله وبركاته

وبارك الله فيك ... والله يسعدك

نصيحه لكل من يبحث عن وظيفة لا يذهب لهذه الشركة ومن على شاكلتها النصابين فكيف مواطن يتوظف براتب 1500 ريال ويضحكون على الناس ويستغلون حاجتهم للعمل ويسلمونهم رواتب ضعيفه لاتفي ولا تكفي حق نصف شهر
حسبي الله عليكم والله لايوفقكم

شركه نصابه وتستغل الناس

ولا المفروض 3000 ريال اقل شي

ابو متعب الله يوفقه

العينيه حق العاطلين 2000

والشركه هاذي 1500

نصيحه لاحد يروح يقدم فيها لانهم يبون سعووووده

اقول حط رجل علي رجل لين تجيك وظيفه بثلاث الاف ريال او خذ الفين ريال وانت جالس في البيت

والرآتب جدآ مغري ابتدآء من 1500