مشكووووووووووووووووووور

شبااااااااااب مافيه احد راااااااح للخدمه المدنيه وسأل وش وضعنا حنا اللي مخلصين مقابله ؟؟

رحت للخدمة المدنية فرع المدينة المنورة ( اللي عنده مقابلة ينتظر الى ان تنتهي المقابلات بعد كذا يسوون مفاضله على 7000 وظيفة تعليمية )*

[align=center]
السلام عليكم ورحمة الله وبركاته
كيف الحال شباب ... مبروك للشباب الي تعينوا - وإن شاء الله خير للباقين ...
اخوكم من ضمن الي طلعت أسمائهم من دفعة 11 ألف الأخيرة ولله الحمد مجتاز القياس والمقابلة ...
اليوم الإثنين الساعة 11 ص رحنا أنا وأبوحمد لم وزارة الخدمة المدنية بالرياض ...
لقينا شباب يسلمون اوراقهم من ضمن الي طلعت أسمائهم من دفعة 11 ألف سألنا كم واحد منهم من وين أخذتوا الكشف الطبي قالوا من الخدمة المدنية من هنا يعني وفيه ناس يقولون بعد المقابلة الشخصية ... وطلبنا نموذج الكشف الطبي من الموظف الي بالصالة وقال ماعندنا شي روح خذ نموذج الكشف الطبي من وزارة التربية والتعليم قلت له أكيد قال أكيدين طبعاً شرحت له وضعنا قبل ما أسئله ... رحنا لــ شؤون المعلمين بالمربع "الوكالة المدرسية أو كذا ..." وكلنا أمل إنهم يعطون نتيجة وكلام صحيح ... قابلنا شخص محترم تقبلنا بصدر رحب وقال مافيه شي لكم إلى الآن
وقال بإختصار إنتظروا بعد ماتنتهي المقابلات الشخصية للي ماقابلوا بعد كذا يصير فيه إعلان واضح وترشيح ومن ثم إكمال الإجراءات ... أيضاً قال الأغلب إن تعينكم يبي يكون بالفصل الدراسي الثاني على حسب الميزانية العامة للدولة ويمكن يتأخر ....
هذا والله أعلم
فـــ ياشباب إذا فيه مستجدات ,,, الله يرضى عليكم لاتوفرونها
[/align]

أنا اليوم الصبح نزلت جدة لديوان الخدمة المدنية ونفس الكلام قال ما أقدر أعطيك كشف طبي لازم تنتظر إنتهاء المقابلات الشخصية وبعد كذا يجيب ربك مطر.
بس الله يهديه نرفزني كل شوي يعيد نفس الكلام يقول يمكن ما تترشح ولا لأي وظيفة ، والله كان نفسي أفقع وجهه

حبايبنا
صديقي راح التربيه والتعليم بالدمام وسأل المسؤول هناك قاله كل الي مسوين مقابله شخصيه سيعينون قريبا ولعل ظهور رابط الرغبات الذي سيفتح ان شاء الله دليل على ذلك
لا وازيدكم انه راح الخدمه المدنيه وعطوه اوراق المستشفى
وانا طلعت للخدمه بجده قابلت واحد لا تعامل ولا مهنيه ولا اي حاجه من الحاجات الي ممكن تؤهله للنجاح من القياس والمفاضله المتكرره حبتين في الصباح وحبه بعد النوم
فقال لم يصلنا اي امر !!!
قلت له والحل !!
قال اقولك الوزارتين كلها داجه !!!!
قلت انت اكبر دليل !!!!
قال اشلون !!!
قلت انت احسن واحد بالعالم شغال بالحاجه الي انت متوظف فيها
تبسم ضاحكا ثم اشار اليّ بطريقة اخوي الصغير لما يبي يقول شي وهو خايف !!
الوزارتين دااااجه وخربوطه !!!!
قلت وش معنى خربوطه !!!
حرك يديه بشكل يشبه عجن العجين
ايقنت حينها بأننا أمام معظله ومأساه وفي مواجهة كائنات حيه غير مسؤوله وغير تربويه والأهم بأنها همجيه وفوضويه وتريد أن تطبق النظام !!!!!!
اللهم يا جبار ان كان في سابق علمك ان مانحن فيه سببه تخاذلهم واهمالهم فاستبدلهم بقوم اخرين يقدمون العون لخلقك
وافضحهم يارب على رؤس الاشهاد وسلط عليهم اصحاب القرار ... آمين

[align=center]حياكم الله جميعا
بالنسبة للي تطلع هالرسالة
معناها انه خلاص مسوي مقابلة ومنتهي
من زماااااااان
بس باقي يعلنون اسمك تجي تباشر او يوجهونك
ما يحتاج تسوي شي ... كل اللي عليكم انتظار بعد العيد

____________

اللي يفتح لهم رابط التسجيل وتحديد المقابلة
هذولا الاشخاص اللي ما سووا مقابلة من قبل

وفق الله الجميع
[/align]