واي خدمه ابشرو او اي سؤال...
المهم لا احد يتاهون في الاغراض اشتروها من بدري وموفقين ان شاء الله
اخوكم شرروره ..
دورة 40

نداء الى كل من لدية علم

من اين نشتري الملابس السماوية : يرجى تحديد محل معين :
وان كان يوجد رقم جوال فهذا افضل


ما بقى شيء ياشباب لازم نخلص سالفة المستلزمات .....

ارفع قبعتي احتراما لك اخي شروره معلومات يجب تدوينها وعاده قراءتها

فهي ملخص كامل عن ما سنفعله ..

بالنسبة لسكان الرياض تحصل السيماوي

عند صفة محلات الرياضة اللي بسوق العويس قدام سوق الهرم،،،

وتحصل عند الفالح

طبعاً الجزمات مهم جداً تكون أصلية ريبوك أو اديداس ومخصصة للجري والهرولة،،

والاهم من الجزمات (الشراب) مهم جداً يكون اصلي لاتشري من أبو خمس ريال ولا عشر ريال (إحذر)

لانها بتعدم رجلك وبتسبب لك التهابات وتزلطات بالجلد لانك بتلبس الجزمة 14 ساعة ما تفسخها إلا وقت الصلاة وبتوقف بالحر ورجلك بتغلي من الحرارة وبتقعد تسب الجزمات والمشكلة مو من الجزمات وإنما من نوعية الشراب فدامك بتشري جزمات اصلية وغالية كملها بشراب اصلية وريح عمرك،،،

إشر شراب قطن اصلي حتى لو كانت الحبة 80 ريال ،،، لانه بالكلية بتتمناها لو هي 300 ريال

فضبط عمرك قبل الدخول

السلام عليكم..
انا عندي كم سؤال ياليت القا الاجابة
1-كم الراتب ؟كم المكافئة خلال الدورة؟
2-انا تخصصي علوم حاسب (برمجة)هل راح يخلوني اشتغل في مجال تخصصي ولا لا؟هل راح اشتغل مبرمج او راح اشتغل في شي ماله علاقة بي تخصصي؟
3-هل فيه بعثات خارجية؟
4-كيف ترى مستقبل كلية الملك فهد الامنية؟
وشكراً..

سكان مدينة جده يحصلون السماوي عند دوار الخارجيه وبالنسبه للجزمه اكرمكم الله نصيحه خذ اصلي انا العام اخذت اديداس بـ 450 ريال لا تبخل على نفسك هذي لصحتك لانك راح تكره شي اسمه جزمه من كثر ماتلبسها وخذ بودره من الصيدليه حقت الريحه للرجل وصدقني دورة 40 راح يكونون معكم بس لا تزعل احد منهم وصدقني راح تحب الكليه وابشرو بالدخان والجوال وماراح نخلي احد ينقطع عن اهله والزملاء راح يوفرون لكم جوال للاتصال باهلك وحبايبك واللي متزوج وخاطب راح تكون لهم الافضليه اهم شي خليك عديم الاحساس لا تفكر بشي خذ ال 45 يوم طقطقه اعتبر نفسك داخل تحدي مع نفسك ونصيحه لاحد يفكر بالاستقاله ابدا والله ثم والله راح تندم كلها ايام وتنتهي شوفونا صبرنا والله عانا على التعب والنفسيه واللي بتمرون فيه من تعب وارهاق ونوبة نظافه والخ مروو فيه ضباط المملكه كلهم والتعب منسي واي خدمه انا تحت امركم

بالنسبه لى انا اقول لكم استودعكم الله الذي لاتضيع ودائعه عن نفسي كفاااااااااايه كذا والله
بطلع مع اخوياي وافلها وباخذ اجااااااااااازه عن هذا المنتدى الراااااااائع لاني والله ادخله بكل وقت
واللى يبي شي يبشر بعزه سواء الان او ان لحقوتنا على خير بالدوره رقمي بكتبه لكل من يطلبه
الى هنا والسلااااااام ختآآآآآآآم