المشاركة الأصلية كتبت بواسطة نجمة ونص

السلام عليكم ورحمة الله وبركاته

مساء الخير عندي سؤال قبل الفطور

الحين عرفنا كم عدد البدل اللي راح يكفنك بالدورة سؤالي

اذا ودينا ملابسنا لم المغسلة حقت الكلية متى يطلعن ؟؟؟؟؟؟؟ ويوم الخميس والجمعة وش نلبس اذا ما طلعن

المشاركة الأصلية كتبت بواسطة الطبيب العسكري

السلام عليكم
يا جماعة فيه حد آنقبل بالطب وطب الاسنان غيري ؟ وكم عددهم ؟
والله ما آدري هل آتخذت القرار الصائب آو لا ؟
لكن عندي كم آستفسار :
١- يقولوا في الدورة آكثر وقت الاطباء بالمستوصف ولا يوجد لهم تمارين مثل البقية ؟
٢- التعيين بعد التخرج ؟ ملازم آول بآقدمية آو لا ؟
٣- كم أول راتب بعد التخرج تقريبا ؟

المشاركة الأصلية كتبت بواسطة خيال الكحيله

دامك قلت الجميع بفيدك باللي أعرفه

1 - معليك هم يبدأون بالتدريج اساسا ما قبلوك الا عارفين لياقتك ولا تجاوزت اللياقه الا وانت قادر على الـ 45 .

2 - في 45 يوم وليله من ناحية ضغط نفسي فهو ضغط نفسي بس بقول لك في الأخير كيف تتخلص منه .

3 - الكاراتيه في السنه الثانيه اذا انت دبلوم اما في التأهيلي مافيه وبعدين هم ما يجونك ويقولون يالله سوي لنا عرض كاراتيه هم يعلمونك بالعكس شي حلو والمفروض تستانس منه .

4 - مدري ما اقدر افيدك .


اذا تبي تفتك من ضغط الـ 45 :

* تأكد انك في مكان مستحيل تطلع منه أبدا إلا اذا تنازلت عن الوظيفه .
* حاول انك ما تفكر برا الكليه أبدا خل تفكيرك داخل أسوار الكليه وش سويت اليوم وش بتسوي بكره وبس .
* انا متأكد ان الوالد والوالده راضين عن دخولك العسكريه 100 % ولا ما كانوا سمحوا لك بالتقديم .
* اعمل علاقات مع الشباب خوياك وادخلوا مع بعض وعيشوا جو الكليه مع بعض وونسوا بعض وارفعوا معنويات بعض .
* دايم ذكر نفسك انك بترفع راس اهلك ويصير ابوك يتكلم بك في كل مجلس ويفتخر ان ولده في الـ 45 في الكلية الأمنية لا تحطمه .
* حاول قد ما تقدر تضحك وتمزح مع خوياك لأن الضحك يشيل كثير من الضغط النفسي .
* انت لو تلاحظ في مدن تدريب الامن العام الأفراد هناك يتحملون الـ 45 مهو تقليل منهم بالعكس الا هم رجال ووحوش والأمن يعتمد بعد الله عليهم بس لو تقارن بين وظيفتك بعد التخرج ووظيفته تعرف انك انت لازم تتحمل الضغط هذا
* أهم شي تذكر هالدعاء
" اعوذ بكلمات الله التامات من غضبه وعقابه وشر عباده ومن همزات الشياطين واعوذ بك ربي ان يحضرون "

والله العظيم يا شباب اني عشت نفسية غير طبيعيه أيام تقديم الحرس لأنهم بدو يتصلون على المتقدمين عشان اختبار الانجليزي وانا ما اتصلوا علي انا ما دريت انهم مجموعات والله العظيم من يوم قالت لي الوالده هالدعاء وانا عايش في نعيم كل ما قلته احس براحة بال لدرجة اني اضحك
لا تنسونه احفظوه واذا حس الواحد بوساوس ولا افكار سلبيه يقوله ويشوف



على فكره تراني مثلك يعني متقدم لاتفكر اني طالب في الكليه بس جاوبتك من المعلومات اللي عندي من الشباب اللي في الكليه .

المشاركة الأصلية كتبت بواسطة ẫ7Łạ ώĵḋąŋ

شباب الحين موضوع البنك شلون .. وش اسوي تكفون افيدوني ؟؟

؟؟؟؟؟؟؟؟؟؟؟؟؟؟

المشاركة الأصلية كتبت بواسطة علي فايز

لاهنت بيض الله وجهك
يعني فيه امل انه يدخل
لا والله ماني من جده

في الشمااال طاال عمرك من تبوك