السلام عليكم ورحمه الله وبركاته ..
أبارك لنفسي ولكم انتهى المسلسل المكسكي الدموي اللي عصف بنا طيله الاشهر الماضيه .. ما بين استلام وثيقه التخرج حتى اجتياز اختبار القياس مرور بمطابقه البيانات واعلان الفرز النهائي ومن ثم عمل المقابله الشخصيه واجتياز الفحص الطبي وتسليم باقي الاوراق والوثائق لوزارتنا الموقره ..
ولم يتبقى لنا الى الحلقه الاخيره واللي بنتكلم عنها الان ... انا وانتم وارجو الا يكون النقاش خارج الموضوع ..
في البدايه ابحاول اذكر بعض الامور .. واللي عنده معلومه تفيدنا يسدحها هنا ..
التوجيه سيكون قبل 7/10 في أسوء الاحوال .. لان عوده المعلمين ستكون 7 /10 واعتقد ان التوجيه سيكون نهايه هذا الاسبوع كتوقع .
عند التوجيه يجب مراجعه اداره التربيه والتعليم ومن ثم مراجعه المدرسه اللي بتباشر فيها ويوقع المدير على انك باشرت ومن ثم تكمل باقي الاجرات .. وعلى فكره من وقت ما يوقع المدير على مباشرتك يبدأ يحسبون لك الراتب ..
الرواتب ما راح تنزل الى في نهايه شهر 11 .. وراح يتضمن الراتب بدل تعيين يساوي الراتب الاساسي وجزء من شهر 10 وشهر 11 كامل .. يعني دبر نفسك الشهرين اللي بتدرس فيها ..
اللي شهادته البكالوريوس تربوي يتعين على الخامس واللي غير تربوي يتعين على الرابع .. وانا انصحكم تأخذون دبلوم تربوي ... فيه جامعات كثيره تعطي دبلوم تربوي .. مثل الجامعه العربيه المفتوحه اللي بالرياض .. رسومها 10 الالف ودوامهم يومين بالاسبوعيين .. وسنه والدبلوم معك
انا اقترح بعد ما تظهر نتائج الترشيح .. انا كل واحد منا يذكر الاداره اللي تعيين فيها .. ممكن نسوي قررروب لاي اداره تربيه وتعليم .. منها تقطع وقتك مع ناس تعرفت عليهم عن طريق هالمنتدى الشامخ ومنها تخفف عليكم مصاريف الروحه والجيه والسكن والفزعه اذا صار لك شيء ..
واللي عنده شيء يفيدنا حياهـ

اهلا بك اخي العزيز

اشكرك على هذا المعلومات وعلى موضوعك البناء وانشاء الله نستفيد من بعض على اقل تقدير الاماكن اللي يتوجهون لها الشباب لان فيه مناطق ممكن ان نتوجه لها ولانعرف الاماكن فيها من حيث الخدمات ومميزاتة المنطقة التي يتعين فيها الشخص فأنا عن نفسي جاهز لاخدم من لايعرف منطقة عسير واتمنى التفاعل من الاخوة الاعزاء

اشكرك اخوي عالموضوع الرائع

واتمنى التفاعل من الجميع

وانا كذالك مستعد لخدمة اي شخص

بمنطقة المدينه المنوره

وعليكم السلام والرحمه
اول شي اشكرك اخوي تروكي على موضوعك اللي بيكون جامعنا حتى المباشره في اول يوم بتاريخ 7 /10
ثانياً ,, اللي ييسر امورنا ويطلع كل واحده على حسب رغبته الاولى او الثانيه كحد اقصى
ثالثاً , احنا حاضرين بأي شي يخدم الجميع والله يوفقنا ويسهل امورنا

من ناحيه المسلسل المكسيكي فاتوقع انه لسه ماانتهى وباقي اجزاء ككثيره وحتى بعد المباشره لن ينتهي المسلسل المكسيكي من مطالبه ببدل تعيين وتاريخ مباشره واجراءات اخرى كمطالبه بمستواك المستحق وغيرها

تروك يعطيك العافية وانا معكم بالي تبون

وياليت الي يعرف متى الحلقة الاخيرة من المسلسل المكسيكي يفيدنا ؟

موضوع رائع موفقين

المسلسل مدبلج!

ياليت اذا فيه احد من سكان الرياض يمر الشئون المدرسيه ويسئل متى اعلان التوجيه

يا اخوان انا موظف على بند الاجور وغير مشمول بامر تثبيت موظفي البنود لاني بعد قرار التثبيت

المهم طلع اسمي في التدريس كيف لازم افصل قبل لا اتوظف بفترة معينة ولا ماتفرق لان الامور للان غير واضحة

ننتظر اعلان التوجيه بفازغ الصبر !