ياشباب انا شايف في بعض الردود انو في شباب سلمو ملفاتهم وشلون انا باقي ماسلمت وباقي ماجاني رساله بس في الموقع مكتوب تم قبولك نهائياء وعليك تسليم الملف

وش السالفه افيدونا بليييييييييزز <<<<<<< لايكون هونو مايبونه

تقرير بإذن الله سيكون عون لك في كل امور الكليه وكل نقطه من الطلبات مدروسه دراسه دقيقه ولا تحتاج لغير هذه الامور وحتى لو طلب منك ذالك

بسم الله الرحمن الرحيم

إليكم طلبات دوره الضباط الجامعيين من حرس الحدود البحري والضباط البحريين الجامعيين المعينين في البحريه والمنعقده في كليه الملك فهد البحريه من قبل وزاره الدفاع وهي خاصه للفتره التي تاتي قبل دخولك ال45 يوم وتحتاجها في هذه الفتره وهي كالتالي :

1_ عدد 6 او 8 اطقم رياضيه لون البنطلون ازرق و الفانيله ازرق باناصر وإلى اي شركه رياضيه اخرى .
2_ عدد 8 شراريب رياضيه طولها عادي إلى نص الساق تقريبا افضل شي لون ابيض .
3_ جزمه اي لون يفضل الابيض ويكون رياضي واصلي لان فيه هروله كثيره هناك في الدوره بعد 3 اسابيع يعطونك جزمه ولاكن مهي قد كذا تعبانه لاكن انته خذ من البدايه اصليه احسن لك ويفضل لمن عنده استطاعه ان يشتري من شركه نايك بحدود 260 سعرها .
4_ سراويل هاف او نص او سروال سنه على قولت الشباب المهم على حسب ما تحتاج اما 8 او عشره افضل .
5_ عدد 2 مناشف للجسم لون ابيض .
6_ صابونه ديتول كبير عدد 1 او صابون ديتول سائل من الصيدليه او من اي مكان يكون لجسم للترويش قبل ان يستخدم الصابونه العاديه كامي او لوكس او اي شي و تجيب كمان شامبو للشعر كبير سانسلك او انتين او اي شامبوا كبير.
7_ عدد 8 امواس حلاقه ابو مسكه يد العادي بس جيب الاصلي ابو ريالين الواحد .
8_إكمال جميع الاغراض هذه ووضعها في شنطه تقفل بقفل ومفتاحها تدسه في اي مكان في الحضيره (الغرفه) اللي تسكن فيها.
9_ إحضار في حدود 700 إلى 800 ريال مصروف داخل الكليه تفرقها بالميه او الميتين ورقه يعني تكون مصرفه تحتاجها لغسيل الملابس في داخل الكليه وللذهاب لنادي الكليه يوجد فيه بوفيه تشتر منها في وقت الفراغ هذا إذا اعطوك وما اظن يعطونك إلى يوم او يومين تروح النادي وتشتر من الكانتين (البقاله اللي في داخل الكليه ) وما انصحك تروح الكانتين إذا فيه طلبه نهائي في الكانتين ابداً اجلس جيعان ولاتروح الكانتين والفلوس هذي تخليها معك لاتخليها عند ضابط الفصيل او قائد السريه خلها كلها معاك في الشنطه المقفله طبعاً .
10 _ إحضار اكياس زباله ابيض مقاس وسط عشان تحط فيه الملابس المستعمله وتربط الكيس وتحضر قلم وسيله وتكتب رقمك العسكري على الكيس وترميه بس في الصندوق الكبير اللي في جانب المغسله الاهليه الموجوده في الكليه (فيه مغسله في الكليه اسمها مغسله الجبر طيبه ترى وسيبك من المغسله الحكوميه الموجوده في الكليه الاهليه اسرع واحسن).
11_ إحضار بنادول عشر حبات تقريبا وإحضار مرهم للعضلات وإحضار مرهم يوضع للوجه للوقايه من الشمس اسأل الصيدلي يعطيك إياه .
12_ إحضار قران وبعض الكتب النافعه تقراها إذا كان عندك وقت .

الممنوعات في الكليه:
1_ العطور ممنوعه .
2.الجوال.
3_ اوراق اللعب الباسره البالوت وهلم جرا .
4_ مكائن الحلاقه وامواس الحلاقه زي اللي الحلاق يحط فيها الموس ويسكره اللي زي السكين تنفك وتتقفل .
5_ الخاتم.
6_ الدخان .

توجيهات مهمه قبل دخولك الكليه :
1_في الكليه اربع سرايا عقبه باللون الاصفر وطارق بالازرق وعمر بالابيض وخالد بالاحمر .

2_نظام الكليه هروله في كل مكان وخاصتاً المستجد (الاعدادي )يعني تهرول من السريه للمسجد ومن المسجد للسريه ومن المسجد للميز ومن الميز للسريه في كل مكان تهرول حتى وانته رايح دورة المياه الله يكرمكم وانته راجع كمان يعني روتينك هروله بتسمع الكلمه هذي عدد شعر راسك.

3_ نظام الكليه -
- اول سنه يسمى مستجد في اول 45 يوم وبعد اجازه ال45 يوم تسمى إعدادي ويكون علامته خط في الكتف وهي ايضا يحملها الضابط الجامعي حتى التخرج وهو إعدادي .
- ثاني سنه يسمى متوسط ويحمل على كتفه خطين (يكره شي اسمه جامعي في الكليه واي شي يسويه او يقوله الاعدادي او الجامعي بالذات على طول يروح يعلم النهائي على طول )
- ثالث سنه يسمى النهائي ويحمل على كتفه ثلاث خطوط وهو المسؤول عن السيطره في الكليه جميع طلاب النهائي مسؤولين عن السيطره يقولون ان هيئه السيطره هم المسؤولون (هيئه السيطره هم طلاب نهائي تم ترشيحهم من قبل قاده السرايا الضباط بالسيطره على السريه وهم متفوقون عادتاً وهم الصفوه من بين طلاب الكليه وعلى يده رتبه وكيل رقيب لرقبا الفصايل ورتبه رقيب لرقبا السريا) .

4_ ممنوع دخول مكاتب قاده السرايا من الطلبه الاعدادي والمتوسط ولو شافك نهائي فرصه العمر بالنسبه له .

5_ لاتعطي اي احد وجه ولا تضحك ولا تحتك باحد من النهائي ولا المتوسط المتوسط اكثر من النهائي لا تعطيه لا تكلمه ولا تسأله ولا تاخذ منه شي ولا تقول اني باتعرف عليه تراه يدبس عليك تروح في خبر كانا .

6_ السلام ممنوع في الكليه انتبه تسلم في الكليه انتبه نصيحه مني لا تسلم على احد إلى الاعدادي ممكن تسلم عليه بحذر .

7_ كل ما قللة الكلام مع الاخرين من اي مستوى كنت بامان اكثر .

8_ كل شي مسموح للطالب النهائي كل شي ممنوع للطالب الاعدادي .

9_ في الكليه وفي كل غرفه من غرف الطلاب والمكونه من اربع طلاب لكل طالب سرير ودولاب السرير لابد وان تشد البطانيه على السرير يعلمك المتوسط الطريقه اللي تشد بها السرير ويوجد دولاب لابد وان تجهز الدولاب وترتبه على حسب ما يوجد في الصوره اللي على باب الدولاب وانا انصح بان تكون الاغرض المعروضه في دولابك تخليها زينه بس ما تحركها ولا شي ويكون تغييرك واغراضك الفعليه في الشنطه طبعا تكون مقفله وموضوع ترتيب الدولاب لابد انك تجيب قبل ما تدخل الكلي لبس مخده ابيض وغطاء سرير ابيض عدد 2 تحطها في العرض ولا تلمسها لين تتخرج زينه زي ما قلت

10_ انواع التهميش للطالب الجامعي بتشوفونها بعض الاحيان يكون في صالحه وبعض الاحيان يكون يضره .

11_ الحلاقه مكينه رقم صفر من اول يوم .

12_ لا تحاول تسوي ذكي في جميع امور الكليه سواءً في تنفيذ الجزاءات اللي من الضباط او الطلبه النهائي ممكن تعدي مره مرتين ولاكن لو انكفشت تكون ضحيه الموسم وتكون فرصه ذهبيه جدا لك الطلبه النهائي .

13_كل شي في الكليه بأمر تذهب بامر وترجع بامر لا تاخذ شي من راسك وتروح وتجي وحاول تحفض اسماء اللي يعطونك الامر ولا تطلع برى الحضيره كثير خلك على السرير .

14 _ في الكليه 3 ما احد يقدر من الطلاب يمسها هي دينك ومالك وعرضك هذي الجمله يقولونها لكم الضباط والمدربين .

جدول الطلاب المستجدين في الكليه :
بالنسبه للمستجدين جدولهم في الاستجداد يصحى قبل الفجر بساعه يروح المسجد طبعا من اول اليوم لين اخره بالطقم الازرق يصلي ويستنى في المسجد لين يجي امر بالخروج للميدان وفي الميدان تاخذون ثلاث لفات على الميدان وبعدها تروحون للميز فطور وبعدها للميدان تستنون مدربين المشاه يجون الساعه 7 طبعا المدربين يمسكونك من 7 إلين 11 ونص وتروح المسجد على طول قبل الصلاه تتوضى وتجلس لين وقت الصلاه وتصلي وبعد الصلاه تطلعون برى المسجد ومن ثم إلى الميز للغداء وبعد الغداء جزاءات وطقطه من النهائي على المستجدين لين قبل صلاه العصر ويصرفونكم على المسجد وبعد الصلاه للميدان هروله كم لفه كذا المهم بعد الهروله طقطقه من النهائي من دون اي رقيب عليهم في المستجدين المهم لين المغرب وتروح للمسجد وبعد المسجد نضافه في داخل السرايا في الدورات وجميع اسياب السريه المهم لين صلاه العشاء بعد الصلاه وجبه العشا وبعد ما تخلص على السريه تجلس ثابت جنب السرير لين يجي الضابط المناوب ياخذ جوله على كل الغرف وبعد ما يخلص قد وقت النوم جاء طبعا النوم بوقت إذا قالوا العموم يغير نوم تحط راسك وانته مكسر وحالتك يرثى لها بتسمع سبسبه في السيب ورجه ما عليك نام وكل يوم زي كذا الاستجداد كله .(لو تلاحضون ما فيه وقت تتروش انته وشطارتك قدرت تحصل وقت منا وإلى منا تتروش تمام ) .

نصايح على الطاير :

حاول انك ما تطالع في اي طالب نهائي ابدا حتى في المسجد .
انتبه تغلط غلطه العمر وتدخل المسجد بشراب حتى لو نسيت تروح فيها .

ان تكون الدفعه فيما بينها مترابطه ومعينه شخص عنده الجرئه والصفات القياديه لكي يكون هو قائد الدفعه والمسؤول عنها ( في بدايه الدوره بيكون اول رقم في الارقام العسكريه بالنسبه للجامعيين هو قائد الدفعه ممكن تكتشفون انه من البدايه مهو كفأ لان يمسك الدفعه تغيرونه من بدري عشان ما تاكلونها بعدين لو خبص معد يقدر يتغير انتوا من بدري شوفوا واحد ترشحونه .

في النهايه هذي من اهم الامور في الكليه والتي اتت في خاطري وحبيت ان طرحها على اخواني الطلاب القبولين في كليه الملك فهد البحريه واتمنى لهم دوام التوفيق وأسأل الله ان يكتبلي الاجر من هذا العمل في خدمه المسلمين

اخوكم القلم الناري