السلام عليكم ورحمة الله وبركاته
اخباركم ياقدعان الحين عندي سؤال متى نشتري مقاضي الدورة خخخخ حلوه كلمة مقاضي حسيت اني برمضان المهم نشتريها الحين او بعد مايعلنون القطاعات بتاريخ 12/10

ياجماعة الخير الحين القبول النهائي يرسلون رساله زي المبدئي ولا لازم اشيك على الموقع بين فتره وفتره

والله ياحضره المهندس انا يوم جيت اسلم ملفي بتاريخ 23/9 قالو كانو معلقين ارقام وتواريخ ع الجدار قالو كل واحد يسجل هالرقم مهم عشان اذا جا 12/10 تتصلون علينا وكل واحد نعلمه وين توجيهه

صباح الخير

انا نفس الحكاية يا اخوان،، سلمت ملفي وعشموني واستقلت من وظيفتي علماً ان راتبي راتب نقيب،،،

اتصلوا علي قبل شوي ويقولون تعال استلم ملفك،، بسبب ان عمرك تجاوز العمر المحدد بعشرين يوم خخخخخخ العن ام السالفه

ياخسارة ياوظيفتي اللي تركتها،،، شكلي برتب امور الابتعاث بلا نجمة بلا مهايط

والحمدلله على كل حال والخيره فيما اختاره الله

ياضابط مهندس بحري،،، الله يعينك ووكل امرك لله

انا مثلك بالضبط،، بس الحمدلله ماخليت احد يذبح والا جهدهم يبون يعزمون كل اخوياي والقرايب بس عييت،،، الحين لما قلت لابوي قام يهاوشني،، انت ماتبي العسكرية وانت وانت،، شكله بيطردني من البيت عشان هالسالفه

انا لولا امي وابوي ماقدمت على وزارة الدفاع لكن هم اللي يبوني ضابط والحين يحسبوني اكذب عليهم لانهم يعرفون اني مو مشتهيها من اول

لكن ماخسارة الا الوظيفة اللي تركتها

لجنة التدقيق عند شؤون الضباط،، حقين الفرز والمقابلات مالهم دخل،، الرفض يجي من هناك،،،، الله يعين