خيال الكحيلة
اتصل عليهم وقت الدوااااام
يعني الصبااااااح من بعد الساعه 9.30
وعطنا خبر الظاهر اني باكنسل الحجز
واحجز بعد العيد دايركت

يا جماعة الخير
بعد التحية
بخصوص الإجراءات ما قصروا الأخوان و أوردوا كل شيء
بخصوص المواعيد أنا من الي حضروا بدري
و فيه شباب موعدهم اليوم بإذن الله
و بعضهم الربوع
و يقول العسكري الي كان يكلم البجيح الي ما عجب صديق الوزراء و لا عجبني و خلاني أضحك عليه و بس
الكشوفات تحمل 50 اسم و الكشف الأول امتلاء ليوم الثلوث و الكشف الثاني فتحوه للربوع و كل ما يمتلي كشف يفتحو كشف اليوم الي بعده الين وصلوا لآخر يوم في الدوام و فتحوا كشوفات بعد العيد
و إلي موعده الربوع سينهي الفحوصات كلها ما عدا البصمات و ستكون بعد العيد
بالنسبه للنتايج واحد من الشباب واحد من الشباب سأل العسكري إلي كان يكلم البجيح إلي ما عجب صديق الوزراء و لا عجبني و خلاني أضحك عليه و بس و النظام نظام ماهي فوضه
من أتم الفحوصات كلها
تظهر النتيجه بعد 48 ساعه بالكثير
و ناسي وش قال هل هي على الجوال و لا الموقع
هذا العلم و سلامتكم
أتمنى إني أفدتكم

الله يوفقنا جميعا

يعطيك العافيه ياهتاااان
متى موعدك؟؟
ومواعيد بعد العيد تبدا من متى والى متى؟
وكيف الوضع هناك زحمه ؟؟؟ طبعا للي يبي ياخذ موعد

الف مبروك لجميع المقبولين والله ييسرها ولايعسرها
اخوي خيال الكحيله وش تخصصك في الجامعه؟
انت نقلبت في الامنيه صح ولا لا؟>>ادري شطحه بس لقافه شوي هع

اقتباس:

المشاركة الأصلية كتبت بواسطة مساحه إعلانيه يعطيك العافيه ياهتاااان متى موعدك؟؟ ومواعيد بعد العيد تبدا من متى والى متى؟ وكيف الوضع هناك زحمه ؟؟؟ طبعا للي يبي ياخذ موعد

المواعيد بعد العيد تبداء من يوم الاحد 6/10

[align=center]الحمد لله على كل حال

توني خلصت من الادلة الجنائيه وبصمت رحت بموتري انا رحت الساعه 4 الفجر

للمبانهم والي ما يعرفه يطلع له بموتر اريح له واسرع له وكلها دقيقتين فقط وترجع لبيتكم

الوصف وانت طالع مع طريق الملك فهد ومتجه جنوب بعد ما تتعدا وزارة الداخليه وتصير على يسارك

امش مسافة 5 كيلو تقريبا الين يجيك مخرج المحكمة العامه او الكبرى ادخل مع المخرج وخذ مع الاشاره يسار وات متجه للمحكمه

في لوح بالطريق بعد لما تعداشارة المخرج وانت رايح يسار امش قدام تجيك اشارة الاولى تعداها بعدها يجيك مبنى المحكمه طويل على اليمين منور

بعدها اشارة خذ يمين معها كنك داخل لحارة بعدها بشوي تلقى الادلة الجنائيه على يسارك وصل الفجر بالمسجد القريب

وبعدها بيفتحون تبصم وتغسل يدك ( بس مافي صابون جلسنا نوسوس انا وخويي فركنا اصابعنا وايدينا لين ما دخنا )

وبعدها توكل على الله

ندخل في سالفة الوزارة ههههههههه بدلنا ملابسنا ولبسنا لبسهم السامج وننتظر اختبار الكمبيوتر حق النفسيه المهم معي واحد تعرفت عليه

تخصصهم نظري وانا علمي ما بقا الا انا وهو بالسيب الي عليه الاجهزه ( طبعاً هي بنفس الغرف الي كنا نمر بها حقت الطول والوزن والفحوصات صارت عليها لابتوب لابتوب على طول الغرف والسيب )

شافنا دكتور مكتوب ببطاقته طبيب نفسي اول شايب شوي ههههه جلس يسولف ويطقطق علينا هههههه وضحك قال تعالو ابيكم ويمسكنا لحالنا وقال

لا تختبرون على الجهاز ويدخلنا على المقابله او نقول دكتور نفسي اثنين غيره المهم سئلني انا بالاول قال ايش تخصصك واسمك

وبعدها قال اذا لقيت رساله بالارض وعليها عنوان صاحبها وش تسوي قلت له ارجعها لصحابها اذا فيها عنوانه او اكلم الاستعلامات واطلع رقمه هههههههه

وسئلني قال نقص 3 من 100 تنازلياً قلت مباشرة 97 و 94 و 91 قالي وقف بس بس ههههههههه قال خلاص توكلو على الله

وبعدها اشعه وبول الله يكرمك القارئين وبعدها دم وبعدها توكلنا على الله واخذنا من المسرح اوراق الادلة الجنائيه وبس وهذا بختصار

والله يوفقنا وياكم

تحياتي لكم [/align]

[align=center]
تكفون يالذيابه اللي بيروح لهم اليوم يقول لهم
هل في إمكانية نجيهم بعد العيد ونخلص أمورنا مرة واحده
وموفقين بإذن الله
[/align]

أولا تحيه للأخ العزيز صديق الوزراء على هذا الموضوع كان يستاهل الصبر بصراحه

وأقول لك كتبت فابدعت ,, وأستفاد الجميع من كلماتك مايعينهم على المرحله القادمه ,, فلك احلى تقييم

----------------------------------------------------------------------------

ثانيا لاجديد كالعاده خيبة امل اخرى تسجل في تاريخ هذه اللجنه فبعد ماقطعت اكثر من نصف المملكة براَ في نهار رمضان صائما, وحيدا, اسابق السراب, وراميا خلفي اعمال وإلتزامات كانت اولى ان اقوم بها ,, وبعد وصول مضني لمقر اللجنه ليلة البارحه وبعد استراحه بسيطه من عناء السفر على الكراسي "الفولاذيه" , توجهت للمكتب بعد سماع اسمي وإذ بي أفاجأ بإبتسامه يخالطها قليلا من الخجل وعباره " موعدك يوم الاثنين 7 شوال الساعه 6:30 صباحا ,, بالتوفيق" .... بكل بساطه !!

يا لجنتنا الموقره كانت لديك أكثر من "شوزملار" لتفادي الخسائر في الوقت والأموال ولا أبالغ ان قلت "الأرواح" ايضا ... كان الأولى بك اعلان النتائج في وقت مبكر ليتمكن الجميع من انهاء إجرائاتهم والإستعداد للعيد ,, أو تأخيرالنتائج لما بعد العيد ,, أو اقل الإيمان كان يجب عليكم تضمين الموعد مع رساله القبول.

ماذا بعد يا لجنتنا ؟!!