الله يكتب لكم الخير

السلام عليكم ورحمة الله وبركتان. اسعد الله مسائكم ان شاء الله الساعة 5 يجاوب على جميع الاستفسارات اللي تحبون تعرفون إجابتها. اقرب سؤال الاخ اللي يسال عن تخصص الشريعة يتم تعيينهم في كل القطاعات لكن الافضل لو عندك واسطة تروح القوات الجوية الشئون الدينية هناك من افضل الأقسام مقارنة بالقطاعات الاخرى

بسم الله نتكلم شوي عن البرنامج اليومي. يبدأ من صلاة الفجر يدق البروقي تتجه للوضوء وتبدل ولابيك حسب الحصة الصباحية عندك اما رياضة او مشاة وتتجه لأداء الصلاة بعد الانتهاء من الصلاة عندك تنظيف مرافق الكلية او المعهد بعد ذلك يدق البروقي للتمام في الميدان بعد انتهاء التمام تبدا الحصةالصباحية بعد نهاية الحصة الصباحية تتجه للميز لتناول وجبة الإفطار وبعد الوجبة الانصراف للتجهيز للذهاب الى التعليم وتعود من التعليم بعد الظهر وتتجه الى الميز للغداء احيانا يكون فيه جزاء قبل الغداء امام بعدالغداء فهذا شئ اساسي الا مآرحم الله بعد الجزاء اللي بعد الغداء تروح تنظف وتشغل نفسك حتى صلاة العصر وبعد الصلاة يكون فيه تمام غالبا تكون الحصة رياضة وبعدانتهاء الحصة تذهب لتبديل الملابس وانتظار التمام قبل المغرب وبعد التمام صلاة المغرب وبعدها وقت مفتوح او جزاء وبعدها صلاة العشاء وبعده عشاء وبعد العشاء اعمال إدارية كنس وتمسيح الخ بعدها النووووم . و. ملاحظة الجزاء ماله وقت محدد ممكن في اي وقت حتى لو الاسبوع كلة اتمنى أني أفدتكم وبانتظاركم

الاخ انجنيرر البدلات تختلف حتى داخل القطاع الواحد على حسب الوظيفة اللي تمارسها. مثلا انت تعمل على وظيفة أمنية استخبارات او شرطة عسكرية تحصل على بدل خطر او تعمل في معهد او كلية تحصل على بدل تدريس 25٪ وهكذا والاساسي لعموم الجامعيين هو بدل شهادة جامعية لللتخصص النظري 10٪ والعلمي 15% القطاع المناسب للمهندسين أنا اشوف كل المهندسين في كل القطاعات لهم مميزات لهم بدل إدارة هندسية. وبعض القطاعات تحصل على سيارة جديدة بالاضافة للبنزين وسيارات فاخرة أيضاً اذكر في احد السنوات الماضية صرفنا لهم مابين تاهو وانفنتي أف اكس ولورد ايدج وفيه أيضاً سلاح المهندسين هذا تابع للوزارة اغلبه مهندسين. وضعكم طيب ان شاء الله