بسم الله الرحمن الرحيم

اولا ياخواني ، على البركه لجميع المقبولين . والي ماتم قبلوهم معوضين خير ان شاء الله والله يكتب لهم الي فيه الخير

انا اخوكم خريج دروة 38 من معهد سلاح المشاة . الدوره الاخيره :D

عموماً ياشباب انا راح اتكلم بشكل عام عن الدوره وش تحتاج وش ماتحتاج وكلامي راح يكون بشكل خاص لـ 45 يوم الي راح تواجهكم بعد فتره ، كل وحسب قطاعه


اول شي ماقبل الـ 45 يوم /
1. تحضر نفسيا وبدنيا لهذي المرحله لان حياتك راح تتغير 180 درجه تقريباً والنظام راح يختلف عليك نهائياً ..مثل ما انتم عارفين الـ 45 تغير حياتك المدنيه الى عسكرية
2. حاول يوميا من الحين تاخذ لك لفه على حارتكم عشان لياقتك ، وصدقني بالدوره راح تتعب ، سواءا كان عندك لياقه او لا ، بس الافضل لك تكون متحضر ومتجهز قبل لا تدخل

3. اممم يمكن نصيحه ماتعجب البعض ، لكن الحسد موجود بيننا ، ومثل ماقالوا خلوا اموركم بالكتمان افضل ، يعني حاول تخش الدوره وتتخرج ومحد يعرف عنك الا اهلك القريبين ، لانها صارت عندنا بالمعهد بعد ال 45 يوم فصل عندنا واحد والسبب عين

المستلزمات الضروريه للـ 45 يوم /
1. كثر من الشراريب وانتم بكرامه ، كثر ثم كثر ثم كثر ، لا تنكب مثلي . :D

2. الملابس الداخليه حاول ان تكثر منها وجيب لك نوع حلو قطني ، اذكر حنا بال 45 يوم بالمعهد كانوا كل تقريباً اسبوعين يجيبون مندوب من المغسله ويغسل الملابس .

3. ادوات تنضيف خاصه ، ( مزيل عرق ، فرشة ، معجون ، صابون ، بودره للقدمين ... إلخ من الادوات )
4. الجزمه ادفع فيها دم قلبك .. لاتشتري شي مش حالك اشتر شي عليه القيمة ويكون ملائم تماما لرجلك .. عشان ماتتعب مستقبلاُ

5. كريم خاص للعضلات .. ورح الصيدليه وتحصل انواع واشكال ، كنت استخدم واحد عليه ورقه شجر خضراء وهذا افضل نوع ، ناسي اسمه حقيقه

6. مناشف نوع صغير ونوع كبير .. تكفيك ثنتين بالراحه

7.للي يحب يقرا مع اني ما اعتقد راح يكون هناك وقت في الـ 45 :D يجيب معه كتب

8.مبلغ مالي من 300 الى 500 يكفيك بالراحه ، ونصيحه اصرفه لاتجيب 500 كذا محد بيصرف لك ، اصرف المبلغ ، 10 ، 50 .. الخ

9. فنايل مموه

10. لوحات اسم لك ولقطاعك .. ولوحه اسم تفتيش .. ولاتنسى تكتب باللوحه الاسم فصيلة الدم ..


همسة : اذا فيه شي ناقص اتمنى تعذروني لاني كتبت الموضوع على عجاله او اذا فيه اخطاء املائية ما تدققون واجد .. :D


طبعاً هالموضوع مبدأي وراح ان شاء الله بالقريب انزل تفاصيل اكثر عن الدوره وعن النظام وهكذا :D
اتمنى يا اخوان دعواتكم لي .. ونشوفكم بعد 9 شهور زملاء لنا ..

السلام عليكم ورحمة الله وبركاته
اخوي ركن الامن انت قلت افضل شئ للشريعة القاعدة الجوية من اي ناحية ؟؟؟
انا شريعة وودي اروح للبحرية لأني من جدة وغالبا التعيين يكون في جدة اش رايك وكمان في واسطة هناك اش رايك ؟؟؟

يآعيـآل شكل اخونـآ صديق الوزراء انحآششش < ههههههه

تعآل مآعاد نبي موضوع بسس ارجع <ههههههههههههههه

صديق وزراء...............................اين ذهبت يا صديقي؟؟؟؟؟؟؟؟؟

فيه سؤال مهم جدا...اذا جاء التوجيه ولا اعجبني القطاع هل استطيع ان اسحب عليهم ....هل يعتبر فصل من الدوره وبالتالي في السنه الجايه لا يحق لي التقديم على الامنيه

جزاك الله خير اخوي خريج جامعي على التوضيح والله يوفقك وين ماتكون

عندي اسئلة بالنسبة لمعهد سلاح المشاه
1- كم تمام في اليوم؟
2-هل نلبس البدلة المموه في 45؟
ومشكور مقدما

ياالضباط المستقبل
اتوقع ان شاء الله ان الدورة السنة هذي سوف تبدا في 19 -10 الآن العام كان الكشف الطبي بعد العيد وهذة السنة بدا قبل العيد واغلبنا تقريبا خلص من الكشف الطبي بالنسبة 70 الى 80 بالمية والله أعلم

يارب يسر أمورنا في هذة الليلة المباركة

السلام عليكم ورحمة الله وبركاته
انا خوك ثانوي ومقدم على الحربيه
وقبولني قبول نهائي والحمدلله
فيه احد يسال عن الدوره متى وحبيت انبهه
19|10|1432