07-04-2013, 02:09 AM
|
عضو متواصل
|
|
تاريخ التسجيل: Apr 2013
المشاركات: 61
معدل تقييم المستوى: 24
|
|
اقتباس:
المشاركة الأصلية كتبت بواسطة تستمر الحياة
السلام عليكم .. انا قدمت على المباحث العامة من سنتين وجاني اتصال قبل اسبوع يوم الاثنين الساعة 6 المغرب من اكاديمية نايف للعلوم الأمنية وقالي تعال يوم الاربعاء 8 الصباح اكاديمية نايف الامنية قلت له يا رجل انا بعييد عن الرياض وما راح القى حجوزات .. والحل ؟؟ .. قالي برااحتك هاذا رزقك لو انك تبيه رح تجي .. قلتله طيب ان شاء الله بجيكم مع السلامة .. ومن يوم الاثنين ما اعرف النووم وادوور حجوووزات ومافيه قلت مالي الا سيارتي وعساها خير ان شاء الله واطلع للرياض صباح الثلاثاء والحمدلله وصلت مع العشااء واخذ لي شقة وانام معاد صحيت الا صلاة الفجر من الاربعااء واتجهز و أصلي الفجر واطلع للكاديمية طبعا اول مرة اجي الرياض وتوووهقت بالطرق المهم لقيتها عند طريق الدمام وصلت لها قراابت 7 واجلس عند البواابة الين 8 ونص ويجي رئيس رقباء من الشرطة العسكرية حقت المباحث ويحظر الموجودين كان عددنا قراابت 27 وبعدها دخلونا الصالة الرياضية وجلسنا فيها قرابة ثلث ساعة وجا بعدها ضابط ومعه 2 من المباحث المدنية .. بكمل باقي الموضوع لمن اصحى يشهد الله اني توني جااي من الريااض وما فيني حيل اكتب ابد لكن قلت لازم اعلم الي بالمنتدى بكل الي شفته بالاكاديمية لنا عودة ان شاء الله ...
|
رجعنا لكم ..
لمن دخلو علينا الضابط و2 الي معه جاابو الي يقيس الطوول وبدأو بالدوور واحد واحد وكان الطوول لازززززززم ما يقل عن 175 .. والله لو أنهم أخذوو اعمدة الشوارع كان ازين .. طبعا الي اجتااازو الطول عددهم قليل جدا قراابت 12 والبقية قال لهم الله يستر عليكم .. 12 ذولا قالهم اطلعوو الدور الثاني ، طبعا انا طولي طلع عنده 173 وبالمنااوشات ورفع الرقبة وصل 174 كذا فقدت الامل لمن قالي الله يستر عليك .. وانا طالع كان هوو بالدور الثاني يتكلم معنا وحنا مااشين للخارج يقول الله يوفقهم بلي احسن منها انشاء الله .. انا قلتله بقولك كلمة واحفظها المباحث عقل مهي بطول .. قالي انتظر لاتروح تعال اطلعلي ابيك .. عااد انا وقتها قلت بسسسسس اشهد بالله انه بيوديني ورا الشمس .. لمن وصلت عنده قلت له انا معي اخ ضابط بالمباحث وكان هنا قبل سنتين .. ومعي اخ ثاني متخرج من كم شهر ويشتغل بمباحث سجن ذهبان وهم والله اصغر مني بطوول وانا على 1 سم ترجعوني .. قالي هاذي اوامر تجينا من فوق ويقول اصلا هم قالو لنا 177 بس حنا قلنا ننقص 2 ونخليها 175 قلتله طيب قدرو جيتي من 1700كم وعلى 1 سم بسس .. تقطع رزق آدمي وبعدها طلعت ورجعت لشقتي وبطني مووولع نااار عليهم .. بس يالله عساها تكون خير ان شاء الله .
** أتمنى لا احد يجي شااطح الحين ويقوولي اخوك ضابط المفرووض تدخل .. صح هو ضابط والله العظيم انه قالي رح اكلمهم لك وانا رفضت او اني اسوي استثناء .. لاني عاارف انه اذا كلمهم رح يدخلوني مكان واحد يكون احق بالوظيفة اكثر مني لذلك ما رضيت انه يكلمهم لانه لو رزقك مكتووب لك بالمبااحث رح يجيك بدون الوااسطة .
** الي يسأل عن مكان الدورة .. الدورة رح تكون بالطائف او الرياض .. والتخصص مهمات خاصة .
اسأل الله لك التووفيق انت والي مقدمين معك وفالكم التخرج يااارب .
** الي يسأل عن تخصص مباحث المطار .. من كلام الي عندي هي افضل تخصص بالمباحث .. واذا تبي الراتب افضل راتب مباحث السجون بس تراها نفسية وانا خووك .
** والي يقول لك سنتين مقدم وتوهم يتصلون .. تراها عادي وشيء طبيعي الي لقيتهم هناك واحد زهراني من الباحة مقدم من 3 سنوات وبرضوو عتيبي من مكة نفس الشيء .. ولاتستغرب اذا لقيت احد مقدم من 5 سنوات .
** في الأخير اتمنى اني افدتكم بشيء وانا من زمان متاابع هاذا المنتدى وشرف لي اكون متوواجد بينكم .. دعووواتكم لي بالتووفيق باقي لي 3 سنوات واحصل على البكالوريس ان شاء الله واروح مدنية افضل من الف عسكرية .. دمتم بود والقاكم على خير .
|
العرض العادي
