ياشباب اللي سوى الكشف الطبي بجده ... يفيدنا كيف كان الاختبار

ياشباب شسالفة الرياض

لحد الان محد اتصل علينا كل المناطق اتصلو الا الرياض


الى عندة علم متى يتصلون ياليت تقولون لنا

وانا يوم سوينا المقابلة والكشف المبدئى برياض قالو لنا انتظرو النتايج فى النت

؟


قايلها النقيب بلسانة النتايج بعد اسبوعين على النت

كيف على النت النتايج اول مرة اسمع فيها اخبر بعد الكشف المبدئى يتصلون

مدري النقيب ممضيع شكلة ؟

السلام عليكم ورحمة الله وبركاته
للي يسأل عن الكشف الطبي بالطائف طبعا انا مخلص امس الفحوصات بمركز قوى الامن بالطائف
طبعا المركز على طريق الصناعيه بحي المنتزه بعد وكالة سوزوكي وبالبيد ب 500 متر تقريبا وانت متجه جهة الحويه تشوف المركز على يمينك فوق شويه على الجبل لكن واضح من الشارع العام المهم
اول شي ماهو لازم تروح بدري ولا شي لانهم بيلطعونك اقل شي ساعه المفروض يفتح المركز 7 ولا فتح الا يمكن 7 وربع ولا دخلونا خلونا عند الباب الى الساعه 8 يمكن ودخلونا في صاله جلسنا الى الساعه 9 ونص تقريبا
وبعدين ينادون عليكم بالاسماء كل شوي واحد عددنا كان حوالي 40 او 50 طالب
اول شي تدخل الجراحه والباطنيه عند دكتور سعودي نقيب دكتور طبعا تفسخ عنده
وتخلي السروال القصير بس
ويجيك لف يمين ولف يسار وعطنا مقفاك وتكح يمين ويسار ويشوف النبض برضه
وبعدين تروح لنفس الصاله اللي كنت فيها وتجلس الين ينادي بابسمك طبعا اللي يرسب في اي اختبار يطلع ولا يكمل الباقي بس ترى ماهم مشددين بالعكس سهالات يمكن الجراحه بس اللي شوي فيها تعقيد المهم بعدها تروح تقيس الطول والوزن والنظر وعمى الالوان مسموح بالنظاره والعدسه اذا كنت فني فقط وبعدها الاسنان يفحصك وانت ماشي على الطاير على قولتهم يعني بس ابتسم ثواني وبعدها النفسيه مصري ياسالك اساله عاديه من هم قوم هود وش عاصمة مصر وهيك شي يعني زي المقابله الشخصيه وبعدها فحص الاذن فحص لي وحده بس والثانيه ناجحه على حساب الاولى طبعا كل هذي الفحوصات من الطول الى الاذان في غرفه وحده ولا تاخذ 5 دقايق حتى 5 دقايق كثير فيها صراحه وبعدها تروح تسوي اشعه للصدر وللجسم وانت منسدح على الكرسي على ظهرك وبعدها تكون خلصت المرحله الاولى من الكشف
طبعا خلصنا يمكن 11 وناس خلصت 11 ونص مافي احد تعدى 12 باختصار
وقالو لنا نجي بعد العصر الساعه 4 للمرحله الثانيه جينا 4 العصر ونفس الحكايه اللي صارت في الصباح المستشفى ما فتحوه الا الساعه 4 ونص ودخلونا يمكن 5 او 5 الا عشر المهم تروح لصاله فوق وتنتظر اسمك وتروح عند الممرضه تاخذ دم علبه صغيره وياخذون بول وبكذا تكون خلصت المرحله الثانيه
وبعدها خلاص انتظر القبول النهائي طبعا انا اعطيتهم اوراق الاحوال والجامعه وسعودية الام اليوم وانتهيت والله يوفق الجميع لما يحبه ويرضاه

طيب اخوي مهندس حاسبات ابسألك تحليل الدم والبول عن ايش بالظبط

بالتوفيق اخوي مهندس وعقبال مانتقابل بالدوره
بالنسبه لكشف النظر وعمى الالوآن يكشف على عيونك بكشاف يشوف فيه عدسات ولا لا
والله العظيم شايل هم خلها ع ربك

اخوي مهندس حاسبات
الاوراق حقت الاحوال والمدرسة سلمتها لهم في المستشفى ولا في المركز في الحوية
اذا كان في المركز في الحوية متى سلمتها يعني متى اخر دوام لهم الساعة كم

من ناحيتي انا انتظرررررررررررررر وعلى احر من الجمر

وماسمعت احد قال ان اتصلو عليه واخذ اوراق مستشفى..

لكن الايام الجاية ان شاء الله بيتصلو


موفق اخوي

موفق بإذن الله ... لك مني أجمل تحية .