الله يفرجها

اي والله تكفوووووووووووون ي عيال ابي اعرف متى يفتح التقديم الي عنده خبر لايبخل علينا
لان تقديمها تاخر

انا اعطيكم اجراءات العام الماضي من بداية التسجيل للدوره
طبعا قبل التسجيل اعلنو بالصحف وعلى موقع وزارة الداخليه قبل التسجيل باسبوعين تقريبا اعلنو بالعشر الاواخر من رمضان والتسجيل كان في 6 شوال
التسجيل استمر لمدة اسبوع فقط طبعا على موقع وزارة الداخليه
طبعا كانت الرتب جندي اول ==> ثانويه + دورة حاسب 6 اشهر
وعريف ==> دبلوم سنتين بعد الثانويه
ووكيل رقيب ==> دبلوم عالي اللي هو 3 سنوات واعلى بعد الثانويه
ورقيب ==> جامعي بكالوريوس

وبعد مانتهى التسجيل نسينا انا قدمنا في المباحث وذلك لانهم ما اعلنو النتائج المبدئيه الا في شهر واحد اللي هو محرم يعني قرابة 3 اشهر انتظار النتائج المبدئيه
المهم ان هذي النتايج المبدئيه كانت اخر شي يطلع على الموقع على النت بعدها نتايج الكشف والمقابلات وهذا كله على الجوال فقط يتصلون عليك فلان بن فلان عندك موعد يوم كذا وكذا تجينا
انا كانت مواعيدي في الطايف وكل المواعيد الحضور 6 صباحا
المهم اول يوم كانت الاجراءات التاكد من قبولك بالموقع و تدقيق اوراق وتعبي بياناتك وبيانات الاقارب العسكريين ان وجد عندهم وقياس الطول والوزن وقياس النظر وعمى الالوان
طبعا دورة العام الماضي لجميع الرتب وجميع المراكز كانت فني يعني جندي اول فني ورقيب فني وهكذا
وبما انك فني فان عملك راح يكون اداري
وبما ان عملك اداري فليس هناك اي اشكال في لبس النظاره
يعني فحص النظر كان بالنظاره عادي واذكر شباب قالو لهم روحو قصو نظارات وتعالو لان كان عندهم نقص بسيط
وبعدين تروح للمقابله الشخصيه ويسالك كم سوال عادي اساله عامه كم عدد دول الخليج ومن رئيس مصر وهكذا
بعدين يعطونك موعد للكشف الطبي طبعا يخيرونك بمستشفى قوى امن جده ومستشفى قوى امن الطايف هذا طبعا للي قدمو في الطايف
الطايف طبعا افضل من جده مافي زحمه واجراءاته سهالات وتخلص بسرعه
المهم بعد اسبوع رحنا لمستشفى قوى الامن بالطايف يسوي لك كشف جراحه اللي هو تفصخ ويشوف ال ؟؟ وبعدين تروح لقياس الطول والوزن وقياس النظر بالنظاره عادي وبعدين النفسيه يسالك سوال عام ع السريع وبعدين كشف الاذن يطالع في واحده والثانيه يخليها في ثواني طبعا
وبعدين تروح وتسوي اشعه
وتروح للبيت الساعه 10 بالكثير وترجع لتحليل الدم والبول وانتم بكرامه العصر وتحلل وتروح للبيت طبعا تنتظر اتصال
اتصلو علينا بعد اسبوعين او 3 تقريبا
تروح ويسوون لك تحليل بول وانتم بكرامه مره ثانيه لكن في المركز عندهم ويعطونك الدفتر الاصفر اللي توقعه من الشيخ وهذا اللي فيه بيانات جدك وجدتك عاد مثل منتم خابرين العسكريه هههه وبرضه يقولون لك جب برنت من الاحوال البرنت حقك
ويعطونك ورقه توقعها من الجامعه او المعهد او الثانويه اللي تخرجت منها يثبت انك تخرجت من عندهم مع ان الشهاده تثبت لكن وش تسوي هههههه
المهم يعطونك مهله اسبوع وتجيبها لهم
تجي بعدين اذا خلصت اوراقهم وعبيتها تسلمها ويقولك انتظر اتصال
هنا تكون انت انهيت جميع اجراءات القبول
طبعا خلصنا بشهر 3 تقريبا او يمكن قبل بعد
وانتظرنا وطال الانتظااااااااااار الى بداية شهر 5 تقريبا واتصلو على المقبولين نهائيا وانا كنت من ضمنهم وقالو فلان الفلاني قلت نعم قال الف مبروك اخوي قبولك نهائيا في اكاديمية نايف للامن الوطني ودورتك راح تكون بالرياض يوم الجمعه تحضيرك 1432/5/28هـ
تجينا الطايف وتستلم ورقة طلبات الدوره قلت ياخوي انا بعيد قال عطنا فاكس ونرسلها لك وبالفعل عطيتهم رقم فاكس وارسلوها
كلها ملابس وما ملابس عاد اغراض الدوره
وبرضها تجيب معاك ورقة ايبان للبنك الذي تريد تحويل الراتب اليه عند ذهابك للدوره
الدوره لان الرتبه فني 6 اشهر كانت
لكن لو فتحو الان رتبه عاديه بدون فني يعني رقيب مثلا تكون رقيب حاف هنا الدوره 4 اشهر فقط
وانا طبعا مارحت للدوره لضروف خاصه والان اود ان اسجل من جديد ولكن بانتظار التقديم
طبعا تخصصي بكالوريوس هندسة حاسب
الرتبه كانت ( رقيب فني )
وهذي علومنا وسلااااااااامتكم


والله يوفقنا واياكم ان شاء الله

الله يعطيك العافية ي منهدس
من كلامك فهمت انهم مايستقبلون ثانوي حاف
بس ماقلتلي وش طبيعة عمل الفني هل تكون حاسبات فقط ؟
وهل مشددين في الطول والوزن وهل رأيت ناس يتم طردهم امامك
من ناحية النظارة ريحتني لان نظري ضعيف وانا حاليا لابس تظارة
بيض الله وجهك

مشكووووووووووووور على المعلومات الشيقة


ومشكووووووووووووووووور على المرور

سؤال بسيط اتمنى من اللي يجاوب يكون متأكد

كم راتب الجندي في المباحث ؟