شباب بدخل بالموضوع بسرعةة اولا تكفون ابي اعرف متى اخر تقديم راح في المباحث العامةة وكيف نظامهم يعني يفتح سنويا وبرضو ابي اعرف وش تخصصات المباحث القطاع الوحيد اللي ما اعرف فيه شي علما بان نسبتي 88 علمي وقدرات 77 وتحصيلي 61 وعندي لغةة انقليزيةممتازة قرائة وكتابة بدون شهادة وطولي 180 ووزني 100 قولوا ماشاء الله يعني انشاءالله انقبل وبعدين ابي اعرف وش التخصصات مافهمت لهم انا اعرف ان المباحث العامةة سياسية وانهم بثياب في ناس يقولون السجون والمطارات ببدل مافهمت ابي اعرف جميع التخصصات وش افضل تخصص وفي نقطةة مهمةة جدا بين قوسين هل المباحث العامةة مسموح لهم يطولون شعورهم ولا لا تكفون ردو على كل اسفساراتي يالربع اعتبروني اخوكم

ماشاء الله تبارك الله بالنسبه للتقديم الأخير أو القادم ماعندي علم والله
صراحة قطاع غامض ماعرف شي كثير عنه ولكن إلي أعرفه
فيه مباحث عامه وفيه مباحث إداريه
الإداريه يعني تقريبا عملها يكون في الدوائر الحكومية والشركات
المباحث العامة عملهم عباره عن الأمن السياسي وأمن الدولة
فيها تخصصات كثير وتحصل عملهم في كل مكان
فيها سجون فيه إتصالآت فيه صيانة فيه مطاردات فيه تحري فيه تفتيش إلي في المطارات
أما بالنسبه للزي أو اللبس فيه بثوبك فيه بلبس متنكر وفيه بلبس عسكري
أتمنى إني أفدتك بالتوفيق

بما اني من منسوبي هذا القطاع فالمباحث العامه قطاع ممتاز جدا من ناحية العمل والراتب فأنا اعمل كإداري واموري زينه ولله الحمد وبخصوص التخصصات فهناك تخصصات كثيره من ضمنها السجووون وأمن المطارات والمهمات الخاصه والشرطه العسكريه هذي كلها تداوم ببدل وما تقدر تطول شعرك اما اذا كان عملك كإداري تقدر تطول شعرك الا اذا استقعدلك ضابط عاد كذا اقووول الله يكون في عونك

وشكرا

إعصار لآ هنت تعرف متى موعد التسجيل والجامعي وش يعطونه ؟

بالنسبة اللي يسئل عن الشعور بالمباحث اعرف واحد مٍْْـٍْْـٍْْنٍْْ الجماعة وكيل رقيب الشعور طويلة ويحلق على مزاجة فلاوية