طيب ماحد عنده خبر عن اكاديمية الجوف فيها دوره قريبه ولا لا.لان فيه رجال خذا ملفي قبل شهرين وقالي الدوره بشهر 3 وقبل كم اسبوع قالي جهز نفسك للدوره وهالحين كل اسبوع يقول اسبوع الجاي تكفون اللي عنده خبر عشان اتطمن انه صادق...

سبحان الله وبحمده سبحان الله العظيم

الحمد لله وصلتني رسالة من أكادمية نايف تحديد موعد الدورة يوم السبت القادم إن ششاء الله
ورايح بكره لأكادمية نايف لأستلم طلبات الدورة, علما بأن هذي الدورة للإحتياط
وأنا لست من الإحتياط ولم أسجل قط في تقديمهم
إلا أن فيه ريجيل مأخذين ملفي الأسبوع الفايت ومسنعيني
والله يعوضكم خير إن ششاء الله

خروج مرة أخرى .. ودمتم على ماتحبون

وش صار مع حقين الرياض حولهم دورة مباحث الاحتياط والا لا

شكل التقديم متأخر

السلام عليكم ورحمة الله وبركاته...

أسعد الله أوقاتكم بكل خير....

حبيت اوضح بعض الأمور ، ولايهون الاخوان الموجودين

كثُر الجدل حول موضوع المباحث العامة والاستخبارات العامه..

أولا الاستخبارات تنقسم الى ثلاث جهات واغلبكم يتوقع انها جهة واحدة وهي الاستخبارات

الاستخبارات : استخبارات الجيش ، استخبارات الحرس الوطني واخيرا الرئاسة العامة للإستخبارات
وهي الكل في الكل في وجهة نظري المتواضعة.

اما المباحث العامة فهي المديرية العامة للمباحث ، ومكانها معروف.

نجي للتقديمات ....

الاستخبارات العامه احلم انك تحصل تقديم صريح عليها ، بمعنى لايوجد اعلان على ان هناك
تقديم على الاستخبارات العامه ، نااادر جدا ان نرى على صفحة الاستخبارات ان التقديم على
وظائف ، وهذا ما اقصده. يعني الامر يحتاج الى واسطه بعد الله عز وجل
وكذلك المباحث العامة ، اغلبيتنا يعلم ان التقديم يفتح على صفحة وزارة الداخلية ولكن التقديم
الذي يفتح على وزارة الداخلية للافراد وغالبا ما يكونون جنود وغالبا ماتكون اسماءهم جاهزه ، يعني التقديم مجرد اجراءات والاسماء تم تسلمها بالواسطه عن طريق معارف.

التقديم على الاستخبارات او المباحث بوظيفة مدني ماتفتح لا في صفحة وزارة الداخلية ولا في
صفحة الاستخبارات العامة ( بمعنى لازم واحد ياخذ ملفك ويعطيه احد الرؤوس الكبار في احدى
الجهتين )

نجي لموضوعي .. انا ولله الحمد جامعي وتخصصي ممتاز ومناسب لعمل الاستخبارات العامه
او المباحث العامه وكذلك لدي شهادات في الحاسب الالي وشهادات في الادارة واتحدث اكثر
من لغة اجنبية ولله الحمد ( تستغربون ليش اقول كذا ) انا اوضح لكم...
مع كل شهاداتي هذي وشهادتي الجامعيه وتقديمي عن طريق واسطه قوية جدا جدا جدا
باااقي انتضر قبول احدى الجهتين مع العلم اني بدأت في الاجراءات مع الجهتين واللي تجي
اول حياها الله.
مقصودي من كلامي هذا كله.. بأن الدخول للمباحث او الاستخبارات ليس بالامر السهل ابدا
ليس كلامي هذا تحطيم ، يشهد الله ولكن اذا اقدم الواحد ( لازم يجهز له واسطه استراتيجية )
وصدقوني بعضهم يدخل بدون واسطه وهذا توفيق من الله عز وجل.
طبعا الاجراءات في الاستخبارات وهذا اللي اعرف ( للمدنيين واللي مراتبهم عالية ، من المرتبة
السابعة وفوق ، يسوون معك مقابلة شخصية والمقابلة تكون مع لواء وعميد وهذا ما حدث معي
بعد ذلك اختبار في مجال تخصصك ، أيا كان مجالك ، اذا اجتزت المقابلة الشخصية تدخل في الاختبار واذا اجتزت الاختبار يتصلون عليك ويحددون موعد لعمل الفحص الطبي ، والفحص الطبي
وما ادراك ما الفحص الطبي ، فحص شامل دم ، بول وبراز وانتوا بكرامه ، تخطيط القلب ، تصوير اشعه
فحص مخدرات ، الدخول على دكتور اخصاءي بالاعضاء التناسلية والضعف الجنسي لفحصك ، ومن ثم البصمات ) اذا اجتزت هذي كلها يقولون لك خلاص بنتواصل معاك ، وهذه روايتي مع كل الواسطات والشهادات و و و . عسى الله ييسر ، واعذروني على الاطالة ولكن حبيت اوضح المور جذريا... ولكم مني جزيل الشكر