السلام عليكم ورحمة الله وبركاته
بسم الله الرحمن الرحيم

اسعد الله اوقاتكم بكل وقت

انا حابه اتكلم عن قصتي من بعد وفاة ابوي

كنا في حياته ولله الحمد بنعيم كان يشتغل اعمال حره بس كان دخلها ممتاز جدآ الحمدلله بعد ماتوفى بدت الظروف تصعب العمل ماكان في احد يديره لان ماعندي اخوان كبار الين تمت الخساره وكانت الظروف قاسيه جدآ لدرجه اذا كنت بطلب من البقاله كنت ادور الهللات المجمعه واحط النص على النص عشان تصير ريال وكنت اجمع اربع من 25 هلله عشان تصير ريال وبعض الاحيان اطلب ولا جيت ادور مااحصل شي وارجع الطلب بعدها بفتره انصحونا نسجل بالجمعيات الخيريه والضمان الاجتماعي سجلنا في مبره احسان وجمعيه خيريه والضمان الاجتماعي والحمدلله تسهلت الضمان يعطونا 2000ريال والجمعيه 2000ريال والمبره 600ريال كل شهر وغير مصروف المدرسه واستلزمات المدرسه وحق العيد ولله الحمد بس كلها ثلاث سنوات وكل وحده من خواتي تخرجوا وكل سنه صار ينقص المصروف من الجمعيه بدل مايعطونا 2000 صاروا يعطونا 1500 بعد سنه صار 1000 وبعدها انقطع مره وحده وبعدها بكم شهر انقطعت ال600ريال وماادري وش السبب
طبعآ احنا ثلاث بنات وولد صغير كلنا البنات تخرجنا شهاداتنا ثانويه بس والولد يدرس بالمتوسط
وصار المصروف الشهري فقط 2000ريال طبعآ 1000ريال حق اغراض بيت ويبقى 1000حق فواتير تلفون وكهرب وماي انا توظفت بمدرسه اهليه مشرفه مع الاطفال براتب 700ريال وطبعآ مايصفى شي منه لان علي ديون واعطي امي اشتغلت سنه كامله ولا شهر تهنيت براتب كامل لي كله ديون طفشت كله مشاكل وضغط عمل بشكل غير طبيعي
حاولت ادور وظيفه ثانيه او اي شي له دخل ثابت ماحصلت تعبت والحين علي دين 1650 ريال ومش عارفه كيف ادفعها مبلغ في نظركم بسيط بس والله بالنسبه لي صعب وطبيعتي مااطلب من اهلي لاني عارفه مابيعطوني نسيت اقول لكم ان البيت ولله الحمد ملك

اسال الله العظيم رب العرش العظيم اللي يقرأ موضوعي يدعي لي اذا ماقدر يساعدني

وآسفه لاني طووولت عليكم

اختكم بنت الشرقيه